اولى اسنان....
 

يا جماعة انا عايزة اعرف هو اولى اسنان ايه الادوات اللي بنحتاجها؟؟؟؟؟؟ ضروري حد يقولييي

دي السنة الاعدادي وعادة تكون داخل كلية العلوم
وتخلف المواد التي تدرس بها من جامغة لاخرى
دي معلوماتي لو حد يعرف اكثر ياريت يفدنا

هو انتي تقصدي اولي اللي هيا اول سنه اعدادي يعني
والا اولي بعد اعدادي؟؟؟؟؟؟
لو اعدادي فدي بتاخديها ف علوم وبتبقي حاجات بسيطه زي ادوات التشريح
لو هتشرحو الضفدعه..وادوات معمل الكيميا وبرده حاجات بسيطه اوي زي انابيب الاختبار وماسك وبيكر وكونكل وسحاحه
طبعا بتبقي حاجات بسيطه اوي المعيدين هيبقو يقولولكو عليها ف السكاشن

وطبعا المواد بتختلف من جامعه لاخري بس غالبا هي دي ادوات اعدادي

الف شكر يا دوك الاء هى كل الجامعات فيها تشريح؟

بيتهيقلي كلو بيشرح
وبعدين ده تشريح الضفدعه سهل ولذيذ خالص
متقلقيش يعني:d

يعنى العملية بتاعة ابو ضفدع دى سهلة و مفيش تشريح بشرى؟

لالالالا تشريح بشري ايه بس
كل الحكايه شويه ضفادع وخلاص
حتي لما تاخدي تشريح عام بيبقي مطلوب منك عضم للجمجمه بس مفيش تشريح خالص

الف شكر يا دوكتورة

دكتورة الاء هو حضرتك فى سنة كام

انا داخله الفرقه التانيه ان شاء الله

بس تانيه بعد اعدادي

ربنا يكون في عونك يعني انتي داخلة علي الجد خلاص
وانا كمان علي فكره :)

سلام عليكم ازيكم عاملين ايه
كل سنة ولا انتو طيبين انا كنت عايزة اسألكم علي حاجة بالنسبة لللغة الانجليزية في الدراسة سهلة و بناخد عليها ولأ و كمان التقديرات العامة بالنسبة للطلبة بتكون ايه يعني مثلا العادي ان معظم الدفعة تجيب جيد جدا و الباقي اقل او اكتر ولا ايه التقدير العام
و كمان هل الامتياز و التقديرات العالية سهل ان الواحد يوصلها و لا زي الثانوية العامة نتعب و منجبش حاجة انا عارفة طبعا ان اكيد دي مزاكرة بجد و كدة بس اكيد فهمتوا قصدي

انتو فييييييييييييييييييييييييييين محدش رد علياااااا

بالنسبة لموضوع اللغة فهية سهلة ان شاء الله ومع الوقت هتتعودي جداااااااااااااااااا عليها
اما التقديرات طبعا مش عادي خالص ان كل الدفعه تجيب جيد جدا والكلام دا لكن الجيد جدا مش صعب واللهي محتاج شوية مجهود
والامتياز دا محتاجك متضيعيش من ايدك ولا درجة سواء ف اعمال السنة والحضور والعملي الخ ..

انا فاهمة ان مش العادي الجيد جدا و لكن كنتت بقول كدة كمثال يعني مثلا ف الثانوية العامة العادي او الاكترية بيكون نسبة اللي جايبين من 80 % ل 90 % اعلي نسبة و بعد كده اللي جايبين اقل او اكتر فعشان كدة بسأل ايه التقدير اللي بتكون نسبته اعلي مقبول ولا جيد فهمتني قصدي ايه انا بصراحة بوجه الاسئلة ديه ليك عشان عارفة انك رايح تالته فاكيد عندك خبرة

معلش بقي سؤال غبي شوية

ازاي مضيعش ولا درجة بقاااااا؟؟؟ يعني انت قلت اعمال السنة والحضور والعملي ديه مقدور عليه لكن بالنسبة للدراسة



معلش انا مرخمة بس انا في هدف قدامي و نفسي احققوا اللي هو مرتبة الشرف :d انا عرفه انها تقدير فخري مش اكتر بس نفسي فكدة

و شكرا ليك اوي:bosyht9: