طالب مستجد
 

أنا طالب مستجد :022yb4: في حاسبات ومعلومات عين شمس ، أولاً أنا ما عنديش أدنى فكرة عن المجال ده ، فممكن حد يديني تصور عن المجال ده وإيه مجالات الدراسة ، وكمان باقي حوالي شهر على بداية الدراسة وعندي فيها وقت فراغ كويس ، فإيه ممكن أعمله في الوقت ده بحيث إني أستفيد من وقتي وفي نفس الوقت أجهز نفسي للدراسة ، يعني ممكن حد يدلني على موقع معين أتعلم منه مقدمة عن البرمجة مثلاً ، أو أي شيء يفيدني في الاستعداد للدراسة . وكل سنة وانتم طيبين .

انا لسا انشأ الله أقبل بس عايز أعرف أنت جبت كام ؟.

أنا جبت 385.5 يعني 94 % وإن شاء الله تقبل ونكون زملاء بإذن الله

انا ان شاء الله هدخل حاسبات القاهره لاني جبت 384ونص بس من خلال جمعي للمعلومات عن الكليه دي عايز اقولك انك هتعيش احلي 4 سنين في حياتك وهتخرج تشتغل علي طول بفلوس كويسه وانصحك تقلب في صفحات المنتدي وكده وتنزل مره عين شمس تكلم الطلبه اللي في الكليه وكده خليك نشيط وربنا معانا بقي بالتوفيق

يا شباب الله يكرمكم أنا جايب 383 يعن 93.4 ... ممكن أبقى زميل لويكم واقبل ولا ؟؟؟

أنا أقولك ليه دخلتها ، أنا أصلاً ما أعرفش حاجة عن التخصصات غير أساميها ، وكان كل هدفي في الثانوية العامة إني أبذل أقصى جهدي وأجيب أقصى مجموع أقدر عليه ، ولما جيت أكتب الرغبات كنت محتاس حوسة :confused: ما يعلم بيها إلا ربنا ، كتبت كل كليات الهندسة في مصر الأول لا لشيء إلا لأن أخويا في هندسة ، وبعدها ما لقيتش حاجة تانية يدخلها طالب علمي رياضة غير الحاسبات والمعلومات وكتبتها وجت من نصيبي ، ولكن إن شاء الله عندي استعداد للدراسة فيها وهابذل جهدي قدر الإمكان ، متشكر على ذوقك

السلام عليكم

اولا الف مبروك .. وان شاء اله هنتنبسط جامد في الكلية عندنا :)
مبدأيا بقى اي حد بيبقى داخل الكلية بيبقى عنده نفس حالتك دي فمتقلقش وكونك اصلا بتسال عن نظام الكلية وعاوز تستغل الاجازة فده يعتبر شئ كويس جدا وان شاء الله لو عرفت تستغلها صح هتفرق معاك جدا

بالنسبة للكليه المفروض تتخرج منها مهندس برمجيات الاقسام فيها من سنة رابعة ان شاء الله ماعدا قسم واحد "bioinformatic " بيبقى من سنة اولى وده قسم خاص في الكلية (بفلوس ) بيدرسوا نفس المواد بس بيخدوا عليها زيادة احياء
عموما كل الاقسام قريبة من بعض والكل ممكن في الاخر يشتغل نفس الشغل بس كل قسم بيبقى فاهم في حاجة زيادة
نظام الكلية بيبقى ترمين في السنة كل ترم بيبقى 6 مواد
اول سنتين ان شاء الله بيركزوا اكتر على المواد العلمية الاساسية زي الفزيا والرياضة والحتمالات والاحصاء وفيها برده مواد سهلة زي الانجليزي وبيقى فيها شوية برمجة بس ممكن تحس انهم ماشيين بسرعة في البرمجة لو انت معندكش فكرة عنها نهائي او مبتذكرش اول باول
خد بالك بقى ان كل ترم بيبقى في امتحانات ميد ترم في الاسبوع التامن تقريبا فبلاش تسيب نفسك وذاكر اول باول

بالنسبة لسنة اولى ان شاء الله هيبقى العملي الترم الاول كان شوية معلومات عامة عن:
Dos, Word ,power point ,excel,windows
وبدأنا شوية في البرمجة
اهم حاجة في العملي انك اول ما ترجع البيت تطبق كل اللي اتعلمته حتى لو كان في نظرك تافه

لو عاوز بقى تاخد فكرة كويسة عن البرمجة وهتفرق جامد معاك لانها فرقت كتير معايا اقرى الدروس دي وطبقها ولو في حاجة وقفت معاك اسال فيها
دي المقدمة
http://www.thanwya.com/vb/showthread.php?t=69497
ودي الدروس
http://www.thanwya.com/vb/showthread.php?t=71843

ده موقع الطلبة الرسمي بتاع الكلية
http://cisclub.org/forum/index.php
هتلاقي ناس كتير يسعدوك ان شاء الله

وعموما لو عاوز تسال عن حاجة متترددش ان شاء الله هجاوبك

الله يبارك فيك ، بجد حضرتك إنسان رائع وكلامك أسعدني جداً واداني حماس شديد جداً ،إن شاء الله أقرا الدروس اللي حضرتك قلت عليها ومتشكر جداً على المساعدة

ممكن بس سؤال حضرتك عرفت نتيجة التنسيق ازاااااااااااااااااااااى !!! مش حضرتك مرحلة تانية ولا ايه !!؟؟

لا أنا مرحلة أولى ، لأن مجموعي الكلي 385.5 وكان الحد الأدنى للمرحلة الأولى 385 يعني بفرق نص درجة بس