اضراب المعلمين
 

لقد قرر معلمين اسيوط والصعيد الاضراب عن امتحانات الدور الثانى للثانويه العامه
وكذلك اعمال التصحيح
وايضا رفع شعار عام بلا معلمين
لابد من حصولنا على حقوقنا

حرام العسكرى ياخد 1200 جنيه ومتعين فى شهر 7 /2011
سلملى على التربيه والتعليم

الغضب يجتاح المعلمين بسبب زيادات "المالية "الهزيلة للمرتبات

روابط المعلمين: تدعو إلى بدء عام دراسي جديد بلا معلمين



حسن العيسوي الأمين العام لحركة معلمون بلا نقابة



اجتاحت حالة من الغضب بين أوساط المعلمين بجميع المحافظات ، بسبب تصريحات حازم الببلاوي " نائب رئيس الوزراء للشئون الاقتصادية " لتحديد زيادات حافز المعلمين ضمن الموازنة العامة الجديدة للدولة، إلى 75% للمعلم المساعد ، 50% للمعلم ، 25% للمعلم الأول والمعلم الخبير بدلا من 200%،فضلا عن رفع حافزالإداريين بالتعليم إلى نسب تتراوح مابين 110 الى 200% ، حيث وصف المعلمون تلك الزيادات بـ" الهزلية " التى أصابتهم بالإحباط ، الأمر الذى دعا معه المعلمون إلى بدء عام دراسى جديد بلا معلمين.
أيمن البيلى " وكيل النقابة المستقلة للمعلمين " وصف هذا القرار بـ" المستفز لمشاعر المعلمين " ، والذى يعنى اجحاف لحقوقهم الاجتماعية والاقتصادية ، وإهدار لكرامة المعلم ، مشيرا إلى أن " الببلاوى " يثير غضب المعلمين .
البيلى " أكد لـ" الدستور الأصلي" أنه سيتم دعوة جميع المعلمين إلى بدء عام دراسى جديد بدون معلمين ، مشيرا إلى أن هذا القرار مخالف للمادة 98 من القانون 155 لسنه 2007 ، والتى تنص على مساواة جميع المعلمين الحاصلين على الكادر بجميع العاملين بالدولة ، وفقا للقانون 47 ، حيث نصت مادته على مساواة المعلمين فى كل الزيادات والحوافز والمكافأت المالية أسوة بجميع العاملين بالدولة ، وبالتالى فإن تخفيض الحافز الى 75% للمعلمين ، يعنى حساب الكادر ضمن الحافز وليس إضافة للكادر.
اعتبر " البيلى " أن " حكومة شرف" بهذا القرار تحاول الالتفاف على مطالب المعلمين بزيادة الحوافز بالإضافة للكادر، ولكن مايحدث يعد استكمالا لمنظومة الكادر
وطالب البيلى بتحسين الأجر الأدنى للمعلمين إلى 3 آلاف جنيه للمعلم أسوة باقل دول العالم
أما حسن العيسوى " الأمين العام لحركة معلمون بلا نقابة " قال : أن القرار بمثابة " كارثة " بالنسبة للعملية التعليمية قبل المعلم ، حيث أننا لسنا ضد زيادة الإداريين ، ولكن لا يمكن أن يتساوى معلم قضى من الخدمة 10 سنوات مع عامل أو إدارى بالمدرسة ، بل إن العامل أفضل من المعلم .
" العيسوى " أشار إلى رفض الحركة تلك الحوافز الهزلية للمعلمين ، والتى تعنى سحب بساط الكادر من المعلمين بطريقة غير مباشرة ، مطالبا بالعدالة والمساواة فى إقرار الحد الأدنى للأجور بما يتساوى مع جميع العاملين بالدولة بلا استثناء .
وأكد العيسوى أن الحركة تدرس حاليا تنظيم مظاهرة كبرى أمام مقر وزارة التربية والتعليم خلال اليومين المقبلين لرفض تلك الزيادات الهزيلة، والتصدى لتلك المسألة.

منقول من الدستور

لا حل سوى الاضراب

الاضراب معناه اننا عايشين وموجودين ولما ميبقاش فيه معلمين نشوف هل يبقى فيه تعليم ولا لأ علشان الوزارة الوحيدة اللي بتبهدل اللي بيشتغل فيها من دبلومات واي سي دي ال والخ

نحن جميعا في الشرقيه معكم كفانا مهانه

نحن نطالب أولا : باعطائنا حقوقنا المادية كاملة أسوة بمن هم أقل منا من عساكر " ونعم إذا كان هذا كبر فأنا متكبر أنا أحسن من ناس كتير فى البلد دى وبياخدوا مرتبات أعلى منى "
ثانيا : كفاية بقى محسوبية وقرف وفساد
ثالثا : لابد من حرق المثل أو القاعدة أن التدريس مهنة من لا مهنة له ، فالمعلم مربى أجيال وصانع حضارات ساعدونا بقى علشان نبقى مدرسين بجد الواحد مكسوف من مستوانا اللى احنا فيه نعلم الطلبة ايه واحنا واقفين عند 1948

حرام اللي بيتعمل في المدرسين قبل الثورة وبعدها انا معاكم وكل مدرسين دمياط معاكم .........ولكن ياجماعة عارفين المشكلة فين ان احنا كمدرسين لا نستطيع الوصول للاعلام زي باقي الفئات وعلشان كده لابد من طريقة نصل بها الي الاعلام لتوصيل صوتنا الي كل الناس وكمان فيه مشكلة ام المدرسين غير موحدين فلابد ان نتوحد

لابد من تحسين أوضاع المعلمين الإجتماعية والمادية حتى يعيش حياة كريمة كباقى طوائف الشعب المصرى
لماذا يصبح المعلم فى هذا البلد هو الأقل مرتبا وإحتراما ...!!!!

الحل هو الاضراب

عندى احساس ان معلمى الثانوى العام
هيبيعوا القضية

شوفوا طبعا احنا نحسن الظن بالناس كلها وأساتذة الثانوية دول أساتذتنا فى الأصل و معظمهم اشتغل فى ظروف وضغوط معين طول السينين اللى فاتت ومش معقول تيجى انت بعد السينين دى كلها عايزهم ميخافوش ويقعدوا يحسبوها ويقلبوها يمين وشمال وده بالإضافة لعدم ثقتهم فى بعضيهم لآن كل واحد فيهم متأكد من جواه إن كل الناس هتروح الامتحانات عادى ولو هو اللى غاب عنها مش بعيد يحاكم بتتهمة قتل الموطنين فى المظاهرات السلمية فالأحسن ان احنا نستنى نشوف المرتبات ايه ثم إذا وجدنا انها استهبال احنا الشباب اللى نبدأش العام الدراسي القادم داخل الفصول ونطالب السيد الوزير بالاعتذار لمعلمى مصر على إهانتهم أو استقالته وربنا يسامح الجميع

استحلفكم بالله ان يكون الاضراب جماعيا ويقوم كل مدرس بحث زملائه علي اهمية الاضراب لاعادة كرامة المعلم المصري المهان