فضفض وانسى همك
 

مع اننا اصغر بكثير من الهم بس منهم لله حطموا امالنا يعنى 93 ومش هنلحق غير تجاره زى اللى جايب 83 انا خلاص اتخنقت ومش قادرة ويا ريت اللى متضايق من حاجة يقولها يمكن نقدر نساعده:giljotiiniug3:

انا مجموعى زيك 93 حاجة نحس
بس انا ناوية ان شاء الله ادخل فنون تطبيقية او علوم
فكرى كويس ممكن تلاقى حاجة تانية تعجبك مش عشان ما لحقتيش هندسة يبقى كل حاجة باظت
صدقينى ان كان نفسى ادخل هندسة جداااااااااااا ولما ما لحقتهاش جالى احباط وحالتى بقت زى الزفت
بس بعد كده عرفت ان اللى بيدخل هندسة مش بيدخل الجنة

فعلا منهم لله حسبى الله و نعم الوكيل
بجد حاجة تقهر و تحزن لانهم بيحسسوا الواحد انه خايب اوى يعنى انا جايبة 383.5 و كأنى جايبة 80%
بجد ضيعوا امالنا و طموحاتنا
كان نفسى ادخل فنون جميلة عمارة حتى دى مش هلحقها و فى الاخر اخرتها كلية ادبية بعد التعب و المذاكرة و الفلوس الى اهلنا دفعوها
:giljotiiniug3:

انا برضوا جايب 88.6 بعد ماعرفت النتيجة
كنت حاسس باحباط بس الحمد لله دلوقتى
بقيت احسن لانى عرفت انه كليه طب وصيدله زيهم زى الى كليه
وكمان بقيت ببص للدنيا دى كانها حاجه تافه وماتستهلش انو الواحد
يقطع نفسه من العياط عشان حاجه منها .وهو فى الاول وفى الاخر كل حاجه نصيب
ولازم نرضى بجد باللى كتبهولنا ربنا لانوا اللى كتبهولنا ربنا هوده اللى فيه الخير لينا

كلنا ف الهوا سواا الحمد لله على كل شىء بس اكيد ربنا كتبلنا الخير ف الكليه ال هندخلها وان شاء الله نحاول نبقى حاجه فيها وبكده هنكون احسن من ال دخا هندسه وطب وصيدله وربنا يوفقنا كلنا يارب

انا جايب 383.5 (93.5) وخايف اني مش هلحق حاجة حرام بجد

انا جايب 92.5 و عايز ادخل علوم اسكندرية
و ان شاء الله الحقها
و دعواتكم
و على فكرة لو فضلت تندب حظك على اللي فات مش هتخلص
انا كنت متأكد انى هجيب 95 ولا حاجة و يوم لما اقل اجيب 94
بس الحمد لله .. لسة هدفي موجود و ان شاء الله اكلمكم يوم الاتنين و اقولكم انى جالي علوم اسكندرية

هو تنسيق المرحله التانيه هيبان يوم الاتنين ان شاء الله ؟؟؟؟

بسم الله الرحمن الرحيم
 

بس فنون جميله مرحله تانيه
وان شاء الله تلحقيها

بسم الله الرحمن الرحيم
 

بس فنون جميله مرحله تانيه
وان شاء الله تلحقيها

انا مش هقول غير حسبي الله ونعم الوكيل في كل الطلبة الغشاشين الي غشوا وجابوا مجاميع مش من حقهم وقاعدين يتنططوا بمجاميعهم في كل مكان وغيرهم تعب جدا ومفيش نتيجة خالص للتعب ده
وحسبي الله ونعم الوكيل في احمد ذكي بدر وفي الي حاطط امتحانات السنة دي وفي كل مراقب او رئيس لجنة سمح بالغش في لجنته
وعلي كل مصحح قاعد نايم وهو بيصحح ومتنح وبيضيع مستقبل طلبة كتير بغباؤه وجهله
وحسبي الله ونعم الوكيل في نظام البلد الي تخلي المبدعين يكرهوا البلد ويسيبوها ويرجعوا الناس يزعلوا لما الناس دي ترجع من بره وهي مش طايقة حاجة من ريحة مصر
وحسبي الله ونعم الوكيل في الجهله الي يحطموا معنويات الطلبة عشان نظام تعيلم فاشل وكريه ملوش اي علاقة بالعقل ولا الفهم
ورسالتي لكل من شارك في المنظومة الفاسدة الكريهة دي
كما تدين تدان
وفلوسكوا كلها حراااااااام

أنا جايب 90.3 علمى رياضة
كتبت فى الرغبات فنون جميلة و علوم و تجارة أنجليزى

ربنا يسهل

انا كمان كتبت فنون تطبيقية وحاسبات وبعدين تجاره وانا متاكده ان حاسبات قفلت على93.7 ومش عارفه هلحق تطبيقيه ولا ايه لو ملحقتهاش هبقى تجاره

هههه أما جاتلي حالة هستريا وعمال بضحك يبقى واحد جايب 92.5% زيي وبمجهوده يعني والله كل حاجة بمجهودي
وناس اعرفها أقسم بالله متستحقش حاجة وجايبين 96 بالع.ش
إزاي 92.5% زي 85 أو 86 والله حرام بجد نظام فاشل 100%
وحسبي الله ونعم الوكيل

يا عم ادخل علووم ..
انا جايب 92.5 زيك بالظبط 379
انا كان هدفي علوم بس طبعا دلوقتى انا متوتر جدا و على اعصابي
و خايف مجموعي مش يجيب علوم اسكندرية
و فعلا حسبي الله في كل اللي غش و اخد اي مكان مش من حقه في الكلية
و يا رب كل اللي حل بمجهوده يدخل اللي يخليه ناجح في حياته