أنا أدبي وقررت أدخل هندسة القاهرة
 

صيام مش كدا !!!

؟ .

انت بتكلم بجد انا صايمة ربنا معاك

أستاذة إيمان, أستاذ عمر:
فعلاً مأضفتوش حاجة.

أنا عارفة إن القرار ده غير تقليدي, بس أحياناً بيكون هو الأفضل لرغبات الشخص وأهدافه.
فبحاول أشوف أقدر أدرس اللي أنا عايزاه هنا إزاي -لإن كمان نظامنا التعليمي متحجّر وحجري ومفيهوش اختيارات سهلة عديدة-, لإن لو هدرس اللي عايزاه في الخارج هتكلف كتير جداً, فأديني أهو بستنزف كل الاحتمالات الممكنة وبستشير أعضاء المنتدى.

فياريت لو حد عنده أي حاجة صغيرة يرشدني بيها, هكون شاكرة جداً.

علي فكرة وانا زيك بالظبط انا ادبي بردوا بس كنت بفكر في طريق تاني
كنت بفكر اعيد ثانوي من اولي ثانوي من تاني منازل وادخل رياضة اتنين

والقاهرة كمان ده بتوع علمى رياضة اللى جايبين 100% مش عارفين يدخلوا القاهرة

ما من زمان
دلوقت نرضى بالأمر الواقع

الاميره
 

انت بتهزرى ولا ايه
طب لو كان كده شوفى لى طريقة ادخل هندسة انا علمى رياضة 92.8:022yb4:

ولو مش صايمين هتشتموا مثلاً؟

اللي معندهوش حاجة مفيدة يقولها, يبقى ميقولش.

فيه وسائل لتعويض الأمر, وقلت هتاخد سنة, أنا مش مستنية حد منكم يطلع بحل سحري يقولي انتي هتعرفي تدخليها السنة دي!
فيه طريقة مجهدة شوية, أخد شهادة igcse في سنة, ودي لسة بسأل عليها وعلى هدرس فيها ايه وكدة.
اللي عنده معلومة بخصوصها ياريت يفيدنا.

بصراحة بعيدا عن اللى قالوه اللى قابلي بس معنديش فكرة بس أسألي و دوري و ياريت محدش يتريق تاني ^^

ربنا يوفقك ^_^ "

على فكره لو ممكن معاكى مبلغ ممكن تدخلى خاص معهد عالى اى معهد
وبعدين تحولى على معهد محترم السنة التانية
اظن كدا
وربنا يوفقك يارب
وياريت تروحى جامعة القاهرة وتسالى هناك بنفسك
لان الردود الى هنا كانت للاسف محبطة مع احترامى لاصحاب الردود
ربنا يوفقك

ربنا يوفقك
رغم اني مش فاهم ازاي
بس ربنا يوفقك

انا بجد مش بسخر منك ولة اى حاجة بس الى بتفكرى فيه فى مصر مستحيل حتى لو عاوزا خاص هيقولك ادرسى رياضة وكدة وحرام يضيع من عمرك سنة انتى عارفا اية طموحتك من الاول كنتى دخلتى رياضة بس لو انتة بتفكرى صح خوشى اى كلية واعتبرى انها الكلية الى بتحبيها وصدقينى يوم من الايام هتكونى معيدة فى الكلية دى