استفسار من الباش مهندسين
 

طيب حضرتك هندسة جامعة ايه ,.؟ صراحة معرفش بس كنت استفسر اكتر منهم ؟.

بُص ده إسمه نظام الساعات المعتمدة أو ال credit hours إللي هو التعليم المميز، بيجمع بين رفاهية الجامعات الخاصة وتعليم وإلتزام النظام الحكومي..مصاريفه السنادي ب ١٨ ألف للترمين كل ترم ٩ وهيبدأ بكرة ويخلص ٢٥ أو لو إنت من برة الكلية بتاعتك وعايز تنقل هيبدأ يوم ١ سبتمبر

شوف اللينك ده ممكن يساعدك

http://engineering.menofia.edu.eg/%D...8%AF%D8%A9.htm

http://www.facebook.com/topic.php?ui...219&topic=7000

شكرا للمساعدة

يعنى هى حاجة تانية غير الرداسة فى الكلية؟؟
انا هندسة القاهرة باذن الله

اه الباش مهندس احمد فكرني بالحكاية دي كنت قريت عنها
لاء سيبك منها انت هندسة القاهرة , , , دي تقريبا عاملة زي الخاص , يعني مش الي بيخشوا هندسة لازم يخدوها لاء الي عايزين يدرسوا في هندسة بيدفعوا فلوس و يدرسوا
و في نظام الساعات المعتمدة في بترول السويس قسم استكشاف ,, , ب 10 الاف في السنة .

متشكر بجد انا كنت هتجنن و اعرف عنها

طيب انت جاتلك هندسة ايه؟؟؟

اكيد حضرتك تقصد نظام الساعات المعتمدة الى زى الخاص بتدفع فيه حوالى 10 الاف ف السنة بس نصيحة بلاش لان لسه مش معروف مستقبلة لحد دلوقتى
بالتوفيق ان شاء الله

أنا أصلا كنت هناك في هندسة القاهرة النهاردة فسألت براحتي عنه، أنا إللي عرفته إنه بيساعد علي إنك تجيب تقدير كويس، لإن بحضورك وحلك للشيتات ده عليه تقريباً ٦٠% من درجاتك عكس العادي بيكون عليه تقريباً ٣٠% بس، المهم إنت هناك بتستمتع بخدمة محترمة وأماكن مكيفة والأعداد قليلة بتساعدك علي الفهم أكتر أكيد من لما تكونوا أعاد رهيبة وشغالين علي مراوح

وزي ما قلتلك رفاهية الخاصة بتعليم الحكومة ونفس المواد بس إنت بتختار تقسيمتهم علي مدار السنة والترمات بتاعتك

انا هندسة المنصورة

شكراا للمساعدة

لكن ما هى نقاط الاختلاف عليه؟؟

طيب و الله حلوة

بس هل تنصحنى بيها؟؟
اقصد انت فكرت تدخلها؟؟؟

اهلا بيك

و مبرووك عليك الهندسة

مفيش نقط خلاف ولا حاجة بس زى ماكلنا عارفين اى حاجة جديدة مبتبقاش مضمونة يعنى يااما تجيب نتايج ايجابية أو سلبية لحد دلوقتى مشوفناش خريجين نظام ساعات معتمدة بحاجة جديدة ف سوق العمل (وانا بتكلم على قسم مدنى بالتحديد)
فالافضل انك تدخل ف الحاجة المضمونة ليك
ممكن تسأل الدكاترة بتوع اى قسم هيفيدوك اكتر بس منصحكش تسأل دكتور من الى ف قسم الساعات المعتمدة لانه هيخليها وردى قدامك وهيقولك ده مستقبل جامد وشغل مفيش منه والكلام ده مبيحصلش

آه طبعاً فكرت فيها بجدية كمان ونفسي أدخلها ( يارب )

أنا إللي أعرفه يا باشمهندسة إن بعد التخرج إن شاء الله أهم حاجة تقديرك وطالما هتساعدك علي التقدير يبقي تمام، لكن هو مش هيبص في السي في بتاعك ويلاقي كريدت أورز فيصرف نظر يعني، ده رزق من عند ربنا

لا يابشمهندس انا مقصدش سى فى وشغل وكلام من ده
دلوقتى لو الباشمهندس قدامه مقارنة مثلا بين قسم تشييد ساعات معتمدة ومدنى الاتنين نفس المواد بس الفرق ان ده نظام ترمات وفلوس زيادة والعادى نظام الى كلنا عارفينه وف نفس الوقت بيبقى الاتنين زى بعض ف الشغل
بس كده الافضل فين؟
غير كده الى اعرفه ان التقدير ده بيتركن م الاخر يعنى مش ليه لازمة تقدير عالى او لأ مش مبرر انك تدخل قسم ساعات معتمدة عشان تقدير