بوابة الثانوية العامة المصرية - توضيح حول مهن كلية علوم

كيميائي طبي اكلنيكي( اخصائي تحاليل طبيه كيميائيه )............ متخصص في كيمياء الدم وتحاليلها زي انزيمات الكبد وانزيمات الكلي وانزيمات القلب والهرمونات والسكر ودلالات الاورام وبيولوجيا السرطان وكيمياء المناعه وكيمياء الاعصاب وكيماء البول وكل التحاليل الكيميائيه الطبية وده تابع لوزاره الصحه

كيميائي طبي تطبيقي........... وده بيشتغل في تصنيع الادويه والابحاث العلميه الخاصه بتصنيع ...الادويه وده تاع لوزره الصناعه والصحه

كيميائي تطبيقي ...... وده يعني كيميائي بيشتغل في المصانع في التصنيع زي تصنيع البلاستك والاصباغ والورق الخ وده تابع لوزاره الصناعه

كيميائي شرعي ....... وده اخصائي كيمياء شرعيه وسموم اي في التحاليل الجنائيه والتزوير والتزيف والبصمه الوراثيه وكل التحاليل اللي بتدلل الشرطه ع الجرايم وده تابع لوزاره العدل

كيميائي تحليلي ......... وده كيميائي بيشتغل في المصانع والشركات زي تحليل الميه وتحليل البترول وتحليل الاسمنت و تحليل الادويه الخ

كيميائي في البحث لعلمي ....... وده بيشتغل في الابحاث العلميه ومراكز لبحوث وده تابع لوزاره البحث العلمي

كيميائي بيشتغل في التدريس.... وده لو بيدرس لثانوي وكده يبقي تبع وزره التربيه و التعليم ولو بيدرس لكليات يبقي تبع وزاره التعليم العالي

كيميائي ظابط ............ وده بيشتغل كيميائي ياما في الحربيه زي عمل الاسلحه الكيمياويه والكيماويات للي بتستخدم في الحرب وكده وده تابع لوزاره الانتاج الحربي وهناك من تابع للشرطه زي ابحاث التزيف والتزوير

كيميائي بيئي .......... وده كيميائي متخصص في التحاليل الخاصه بكيمياء البيئه

ميدكال ريب........ وده وظيفه بيشترك فيها خريجي كلية علوم مع كلية صيدله وطب بيطري وهي مهنه منوب دعايا الادوية وده وظيفته انه بيروح للطبيب يشرحله مركبات الدواء وتركيبات تركيزات ازاي بيشتغل بيتاخد كل اد ايه وكل حاجه عن الدواء

مهندس جوده.......... وده بيشتغل في المصانع والشركات ووظيفته انه يعمل تجارب الجوده ع المتنجات للي في المصانع عشان يشوفها مطابقه للمواصفات ولا لاء

اخصائي مناعه( اخصائي تحاليل طبية مناعيه ).................. وده بيشتغل في تحاليل المناعه وايضا بيشتغل في اكتشاف ادوية جديده عن طريق المناعه

اخصائي اجنه و اطفال انابيب ....... وده بيشتغل في مراكز الاجنه و اطفال الانابيب ووهو دوره انه يلقح الحيوان المنوي بالبويضه علي اسس علميه وفي مناخ يسمح للتلقيح انه يحصل وبيشتغل في الابحاث الخاصه بالاجنه

اخصائي فزياء طبية.......... ده بيشتغل في معاهد ومراكز الاورام بيعالج مرضي السرطان بالاشعه عن طريق انه بيحدد جرعات االاشعه لمناسبه للمرضي عشان يتعالجو من السرطان ويبدا العلاج الاشعاعي

اخصائي الميكروبيولوجيا الطبية والمناعه ( اخصائي تحاليل طبية ميكروبيولوجيه ومناعيه ) وده وظيفته في التعرف علي انواع البكتريا والفطريات والفيروسات في كل حته في الجسم عن طريق المزارع او الكيمياء او عن طريق البيولوجيا الجزيئيه او عن طريق المناعه وايضا يختص بالمناعه و يقوم بعمل التحاليل المناعيه المختلفه

اخصائي مكافحه عدوي........... وده بيشتغل في المستشفيات ووظيفته هي منع انتشار البكترياوالفطريات الفيرسات في المستشفيات

اخصائي ميكروبيولوجيا تطبيقيه دوائيه............... وده وظيفته انه بيستخرج ويصنع ادوية من البكتريا والفطريات والفيروسات والطحالب وبيعمل ادوية ضد البكتريا والفيروسات والفطريات

اخصائي الميكروبيولوجيا التطبقيه .......... وده وظيفيته انه يعمل تحليل للمية من البكتريا ويعمل تحاليل للاغذية والسوائل من البكتريا

الجيوكيميائي ....وده يشتغل في شركات البترول في التحاليل الخاصه بالبترول

الجيوفزيائي ..... وده مكانه في الحقل البترولي ووظيفته هي بيحدد اماكن وجود البترول في المنطقه من عدمها

اخصائي علوم الحاسب وتكنولوجيا المعلومات ..... وده بيشتغل في البرمجه كمبرمج في شركات الكمبيوتر وبيشتغل كمصمم مواقع نت الخ

وممكن نشتغل كدكاترة في كليات طب و صيدلة

انك بعد ما تخلصي بكالوريوس علوم
بعدها تاخدي ماجستير في الميكروبيولجيا الطبيه او المناعه او الكيمياء الحيوية الطبية او كيمياء الانسجه او بيولوجيا الاورام او االبيولوجيا الجزيئيه او بيولوجيا الاعصاب او الكيمياء الشرعيه او الميكروبيولوجيا الدوائيه او الكيمياء التحليلة الدوائيه او الكيمياء التطبيقيه الدوائيه او الفزياء الطبيه
وبعد كده
بيبقي فيه اعلانات مثلا عايزين دكتور ميكروبيولوجيا طبيه او مناعه مثلا في كلية طب مثلا فتقدم
ودي طبعا بتنزل كل فين و فين وبتبقي فيه احيانا وسايط شوية

او بره في كليات بره زي السعودية او الخليج
بعد ما تخلصي ماجستير او دكتوراه

بيبقي مثلا في كلية طب او علوم او صيدله بره عايزيين دكاتره في التخصصات دي

او مثلا بيبقي فيه منح بقي لانجلترا واوربا وامريكا

بيبقي انتي مخلصه مثلا ماجستير من هنا و فيه منحه للدكتوراه في كلية طب لندن مثلا

فتدرسي في الكلية هناك دكتوراه وانتي بتدرسي تدرسي للطلبه وتبقي دكتوره في الكلية

ومثال لكده د ممدوح غنيم وهو خريج علوم المنصوره وهو استاذ المناعه بجامعه تشالرز درو للطب والعلوم ومعاه ماجستير دكتوراه في المناعه اكتشف علاج للسرطان عن طريق المناعه
وده لقاء ليه ع قناه لجزيره

http://www.youtube.com/watch?v=MfyAcBIyl6s

ومثال لكده وهي د رجاء محمود وهي كانت استاذ الميكروبيولوجيا الطبيه بكلية الطب جامعه لندن هي خريجه علوم عين شمس
وده صفحه عن سيرتها الذاتية
http://rmeliani.kau.edu.sa/CVEn.aspx...0002054&Lng=AR

ومثال لكده د محمد عبد الحميد وهو استاذ للميكروبيولوجيا الطبية بكلية الطب جامعه حائل بالسعودية وه خريج علوم الازهر

ودي صفحه عن سيرته الذاتية

http://faculty.uoh.edu.sa/m.alekhtaby/about.html

ومثال لكده د عبد العزيز فتوح وكان استاذ للكيمياء الحيوية الطبية بكليه الطب باديس ابابا وكلية الطب باثيوبيا وهو خريج علوم المنصوره

ودي صفحه عن سيرته الذاتية
http://srv63.mans.edu.eg/eu/QA/CVBui...1201272&Lang=A

ومثال اخر لكده
د محمد لبيب
وهو استاذ علم المناعه والاورام حاليا في علوم طنطا وكان استاذ المناعه في كلية الطب جامعه كالورينا بامريكا

ودي صفحه عن سيرته الذاتية

http://www.tanta.edu.eg/ar/drmsalem.html

ومثال اخر لكده
د حسن عزازاي
وهو استاذ لعلم الكيمياء الحيوية الطبية حاليا في كلية العلوم في الجامعه الامركية وكان استاذ لعلم الكيمياء الحيوية الطبية في كلية الطب جامعه ميرلاند بامريكا

ودي صفحه عن سيرته الذاتية

http://www.aucegypt.edu/research/jam...sanAzzazy.aspx

......................