|
... قبل مامشي ...
... مش عارفه أقول ايه والله ولا ابدا منين ..بس اللي عيزاكم تعرفوه انكوا أجمل ناس شوفتهم بجد كلكوا ومش عايزه اذكر اسماء علشان منساش حد بس أكيد حبي ليكوا ملهوش حدود ..لانه حب ف الله ومش عايزه اطول عليكم علشان مبقاش كنت عضوه رخمه ^^ومستغربوش من كنت دي ..لاني أخدت قراري خلاص برغبتي اني هوقف عضويتي ..ومتستغربوش برده ..ومحدش يقول ان حد زعلها او كدا ..لان الناس هنا كلها محترمه ما شاء الله .. بس دا قراري ...يمكن هكون مستريحاله اكتر من تواجدي هنا .. مش عارفه برده اقول ايه لاني مش محضره كلام بس بجد والله كلكو هنا اعضاء مميزه جدا ..وكنت بفتخر بيكو ..وأكيد مازلت بفتخر.. بس محدش يزعل مني من اي حاجه عملتها كانت غصب عني ..او مكنتش بقصدي..وزعلت اي حد بس أكيد هقول ياريت تسامحوني.. واصحابي البنات بجد انتو اجمل ناس شوفتهم وأكيد اميلاتكم معايا ومش معايا وبس دي ف قلبي كمان.. وهنبقا ف تواصل ع طول..والناس اللي ميعرفونيش وانا معرفهمش الجداد والقدام ..بقلهم ربنا يوفقكم دنيا واخره ..وقسم ابداعات الاعضاء ..هقوله ميزعلش^^..بس هو اكيد مش هيزعل لاني كتاباتي مكنتش قد كدا..هيقول رحمتني..^^ ومنتدانا الجميل مش هطول ف الكلام عنه لان ناس كتير اتكلمت ف جماله .. بس لولا الصدق والاخلاص فيه ..لولا روحه الجميله دي باينه... .. واستودعكم الله الذي لا تضيع ودائعه .. ... |
هو كلنا ماشيين ولا ايه
|
بجد يا سمر مش عارفه اقول لك ايه انتى عارفه انتى ليكى عندى وعند الناس كلها معزه قد ايه اكيد مش زعلانه انك حتمشى لاننا على تواصل دائم باذن الله لكن زعلانه لاننا بجد حنفقدك جدآ معانا هنا فى المنتدى هنا قضينا سوا احلى واجمل ايام اكيد وقف عضويتك حيأثر فينا وغيابك عننا حيتعبنا لكن دى رغبتك ولازم نحترمها واسبابك تحترم طبعآ ربنا يوفقك يارب يا سمر وتحقق كل احلامك ونشوفك معيده فى كليتك ان شاء الله |
بجد يا سمر مش عارفه اقول ايه مش عارفه اقول انتى عندك حق ولا لا الحاله اللى وصل بيها المنتدى بجد ومعلش محدش يزعل بجد بقت حاجة مش معقوله نهائيا وبصراحة انا زعلانة اوى اللى المنتدى بقى فيه مشاكله كترت اوى واعضاء اتوقفت ومش عارفين ناخد قرارات صح بس لو شايفه ان ده هيكرن علشان مصلحتك فربنا معاكى ويوفقك وتبقى معيده فى الكليه وتترقى لاحسن من كده ومتقلقيش كلها ايام واحصلك انا ايضا وبجد قضينا مع بعض ايام جميله وعمرى ما هنسها ابدا وانت اخت وصديقه فى نفس الوقت خدى بالك من نفسك اوى اوى اوى وخليكى متفائله دائما وربنا معاكى وربنا عمره ما هيضيع تعبك ابدا تحياتى ليكى يا قمرايه اتمنا لكى الخير دائما |
بجد انا حزينة على قرارك ياسمر
انت اتصلت بي قبل فترة وطلبت حذف عضويتك بس ماكنت متوقعه حتعمليها بجد لا ياسمر ارجوك التراجع عن قرارك فالكل يحبك ولو فيه حد زعلك ياريت تراسليني على الخاص مره تانيه اتمنى ان ترجعي في قرارك مع تمنياتي لك بالموفقية |
ليه كده بس :(:(:(:( هو كلكوا هتمشوا كده :(:(:(:(:( طب بلاش وقف عضويه وشوفي نفسك جايز ترجعي تاني بعد شهر .......شهرين ....سنه الله اعلم بس اكيد هترجعي ماهو مش معقول كده المنتدي غالي عليكو ومع ذلك بتسيبوا ينهار انا اكيد ما تعملتش معاكي قبل كده بس انا بجد بزعل لما حد يمشي :(:(:(:(:( بس زي مانتي عرفه المنتدي هنا اسره واحده واكيد لو حد بيغيب عنك من اسرتك بتزعلي علي العموم ربنا يوفقك في حياتك العلميه والعمليه وباذن الله هترجعي في يوم من الايام;););) اسفه لو كنت طولت تقبلي مروري وتدخلي :) |
ودى رساله من المستر على بيقولك فيها : انه بيسلم عليكى كتير اووووووووى وبيدعى ان ربنا يوفقك فى حياتك الجامعيه وحياتك الشخصية وانه بيتمني ان اقامتك تكون في السعادة وليست في الحزن وانه بيدعي ربنا لكى يزيح عنك كل كرب وحزن ويجعل أيامك كلها سعادة وسرور رساله بجد تحزن جدا وانا حزينة اوى وانا بكتبها وبردهالك ولكن دى امانة وكان لازم ابعتهالك |
بجد حاجه تزعل جدا
الناس الحلوة اللي ف المنتدي يوم ورا يوم حد فيهم يمشواا اومال احنا بس هنقعد نعمل ايه ... !! بس المنتدي الايام دي فيه حاجه مش طبيعيه خناقات واعضاء بيمشواا ايه اللي حصل مش كنا متعودين ابداا علي كده..!! بس ادام دا قرارك ياسمر احنا هنحترمه طبعاا.. وربنا يوفقك ف حياتك باذن الله.. ويكرمك ويسعدك ياعسل.. |
ربنا يوفقك ياقلبى وانا معااكى مدام القرار دا هيخليكى تركزى اكتر فى دراستك.. ومش زعلاانة اوى بصراحة..:d لاننا هنفضل مع بعض..:friendsxs3: اصلا المنتدى لاشئ من غير اعضاءه واجمل مافيه انى اتعرفت عليكم بجد .. بالتوفيق حبيبتى دايماا |
ربنا معاكِ حبيبة قلبي وزي ماحبيبة قالت مش زعلانين اوي لاننا قاعدين على قلبك :p وربنا يوفقك فحياتك ودراستك و خليكِ فاستقبالنا بئا ;) ربنا معاكِ ياقمر |
ربنا يوفق سيادتك ان شاء الله الى ما يحب و يرضا لكن هناك سؤال الا توجد عندك اى حلول اخرى..........؟؟؟:confused: ؟ ؟ ؟ ؟ ؟ و على العموم مع السلامة وفكرى تانى و كل سنة وانت بخير دائما بخير ان شاء الله |
هاتوحشينا اووووووووي يا سمر
كان نفسي نبقى اصحاب ربنا يوفقك ان شاء الله وبجد هاتوحشينا اوي مع السلامة |
ايه القرار المفاجىء ده!!
سمر مشيت!!! والله المنتدى هيخسر كتيير بغيابك عموما ربنا يوفقك ويسعدك |
كل فترة يخرج من المنتدي من كان يعتز الناس به فرداً
.............. اتمني ان يوفقك الله في حياتك و يجعل لك الخيرة فيما اخترتي |
ربنا يوفقك فيما اخترتي
|
| جميع الأوقات بتوقيت GMT +2. الساعة الآن 08:33 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.