عايز رأيكم في الموضوع ده
 

انا جايب 98% مرحله اولي .. بس ناقص في العربي لوحده درجتين و نص و دول كتير اوي و انا مضايق من الدرجه دي .. و انا عارف ان في نقطة في النحو بدرجه انا ناقصها و التعبير انا كتبه زي الفل و متأكد منه يبقي فيه درجه و نص انا مش عارف نقصتهم في ايه .............ز هل اعمل تظلم و اشوف الورقه ولا ممكن تكون دي درجتي فعلا

اعمل تظلم و شوف
بس ماتستبعدش انها تكون درجتك فعلا
لان العربي بيمشي شويه حسب مزاج المصحح

اعمل تظلم وانشاء الله هتاخد االدرجه انا جبت برده نفس الدرجه وهروح اعمل تظلم انشاء الله بس ا نا جبت 96% بقي الحمد لله طبعا
وده رابط اجراءات التظلم وربنا يوفقك ويوفقنا جميعا للخير انشاء الله
http://knowledge.moe.gov.eg/arabic/
هتلاقي في الجنب ناحيه الشمال :تقرير عن مواعيد واجراءات تظلمات الثانويه العامه تضغط هتحمل الاجراءات

اولاًَ بسم الله ما شاء الله على درجتك

ثانياًَ ربنا يكرمنى واجيب زى مجموعك

ثالثاًَ انت لو عملت تظلم محدش هيرجعلك درجتك يعنى هتعرف انك ناقص ظلم بس

والله بتكلم بجد يعنى ليه تتعب نفسك لان فى بنات اعرفهم اكبر منى عملوا تظلم بس عرفوا انهم ناقصين ظلم بس محدش رجع لهم الدرجات
واحمد ربنا انها درجه بالكتير او اتنين

فما بالك اللى ناقص 10 درجات ظلم

بصراحه يعنى هو النظام الفاسد لسه ما انتهاش


مبروك على المجموع وربنا ويوفقك ويوفق الجميع

انا لما كنت فى تانيه جبت 96 ونقصت 6درجات فى العربى بس معملتش تظلم لانى كنت داخل رياضه وكنت مستريح الى حد ما نصيحه العربى والانجليزى متدققشى فى الدرجات وحاول تقفل الخمسينات وانت هتعتدى وانا الحمد لله عليت السنه دى وجبت 98

طب هو فتره تقديم التظلمات لسه مفتوحه ولا قفلو خلاص