طلب من طلاب كلية سياحة و فنادق
 

اولاً أهلاً بيكي معانا

كلية سياحة وفنادق بتنقسم إلى 3 أقسام
1- قسم الإرشاد السياحي
2- قسم الرداسات السياحية
3- قسم الإرشاد السياحي

1- قسم الإرشاد السياحي
دراستك بتكون متركزة على تاريخ مصر منذ الفرعوني وحتى الحديث
بالإضافة إلى مواد اخر + مادة عملي وبيروحوا فيها المتحف المصري
بالإضافة إلى الرحلات العلمية لأماكن آثرية

بتطلعي منه تشتغلي مرشدة سياحية ورخصتك بتكون لمكان معين
هو أصعب قسم بالنسبة للدراسة وأكثرها تشويقا
شغلها قليل بس فلوسه كتير ومحتاج يكون معاكي لغات نادرة زي البولاندي والتشيكي وغيرها .

--------

2- قسم الدراسات السياحية :

بتدرسي فيه الادارة والمحاسبة والتنظيم ومنشأت السياحية وكل حاجة خاصة بالطيران وشركات السياحة وكده
بالإضافة ليكي تدريب صيفي بعد سنة 2 و سنة 3 في شركة سياحة او طيران

وبتشتغلي منه في شركات السياحة والطيران في الحجز او الادارة
وممكن تشتغلي في الاستقبال في الفنادق

بالنسبة للدراسة هو قسم سهل
شغلها كتير وده لكثرة شركات السياحة ومراتباتها متوسطة
بيحتاج لغات برده بس مش زي الارشاد

3- قسم الدراسات الفندقية :

بتدرسي الحجات الخاصة بإدارة الفنادق او المطبخ والمواد الغذائية
وليكي برده تدريب في فنادق سنة 2 و سنة 3

قسم دراسته سهلة برده

بتشتغلي فيه في فنادق ومطاعم
شغلها كتييييييير جدا وفلوسها كويسة جدا ... بس شغلها متعب شوية

-------

أي معلومات تانية ؟ :)

المواد وحساب الدرجات بتختلف من جامعة لأخرى

المميزات والعيوب :

العيوب : انها مش بتديكي لغة كويسة يعني لازم كورسات

المميزات : مجال شغلها واسع ومتوافر

عفوا ... ولو في اي اسئلة تانية احنا موجودين ديما :)

طيب هو ارشاد صعب اوي بالنسبه للدراسه لانها انجليزي ولا ممكن اي حد يمشي فيه مع العلم اني بحب الانجليزي وجايبه فيه 46 """"ممكن رد """"لاني محتااااااااااااره جدااااااااا بين ارشاد ودراسات سياحيه

تمام بما انك بتحبي الانجلش ده كويس
الصعوبة كلها بتتمثل لو انتي مش بتحبي التاريخ بس :)

لالالالالالالا انا بحب التاريخ كمان بالذات تاريخ الفراعنه ....... طيب يعني ايه رأيكم ؟؟ اكمل ارشاد وخلاص ؟؟؟ اصل انا خايفه بعد ما ادخل معرفش اكمل فيه ؟

لا طالما بتحبي الانجلش والتاريخ وحابة القسم ده
يبقى كملي فيه
وبالتوفيق ان شاء اله :)

شكرا كتييييييير ع الرد

انا الخوف كله ان لو المعيد كلامه ورا بعض بالانجليزي وانا مش عارف الاحق وراه في الكتابة

بجد نقطة مهمة لو تقول لنا يا treka ?

العفو ...
------

محمد بالنسبة للمواد الانجلش من الطبيعي ان الدكتور او المعيد هيتكلم انجلش :)

بس اعتقد في اول سنة هتبقى بسيطة على ما تتعودوا :)

شكرا للرد

اصل انا خايف جدا من النقطة دي خصوصا ان معظم الطلبة مش متعودين وكدة فاهتكل علي الله وادخل انجلش

بس بقولك هل فيه قسم ارشاد في حلوان عربي عشان ناس بتسال

والله يا محمد انا اللي اعرفه ان قسم ارشاد هو واحد وكلهم بيدرسوا مواد انجلش
معرفش ايه حوار عربي وانجليزي ده :)