جالى المجمع التكنولوجى المتكامل بالاميرية يعنى ايييييييييييييه دا ؟
 

السلام عليكم


يا جماعة انا جالى المجمع التكنولوجى المتكامل بالاميرية

بتاع ايه دا

ونظام تعليمو كام سنة

و الشهادة بتاعتو ايه


انا عايزة اعرف شهادة التخرج الى هى البريطانية زى اى معهد سنتين

ولا بكالريوس ايه



حد يفهمنى بليييييييييييييز


انا علمى رياضة وجايبة 85.8

حد يرد بليز عليا

و انا كمان جتلى و مش عارف حاجه عنها خالص و هل هى خاصه وله عادى ؟ لو سمحت حد يفهمنا :confused::confused:

انا برده اتفااجئت بيها وجتلى ودورت بيقولواا ان ليها اختبار شخصى لازم نعمله ودى كلية فنية جديدة وليها اقسام زى الميكانيكا والكهرباء وحاجة تانية كده مش فاكرة اسمها ودى نظاامها ان احنا بندرس فيها سنتين وبعدين سنتين كمان للمتميزين ومنها بياخد بكالوريوس وبرده عايزين معلوماات اكتر وربناا معانا

دى يا جماعة الى اعرفوا انهاا زى المعهد بتاخد شهادة المعتمدة وخلاص
لكن مش كليه واخرتك مدرس صنايع


هو فى ايه ايه المجمع دا

وبعدين دا لسه مفتوح 2010 بس


و لما بنتخرج بناخد شهادة اسمها ايه

بكالريوس مجمع تكنولوجى


و لما حد يقولى انتى فى كليه ايه اقولو مجمع تكنولوجى دا غباء بجد


حد يفهمناااااااااااااااا

لا لا لا هى مش خاصة بس بيبقى تعليم فنى

انت جايب كام

ايه ده ازاى يعنى بس دى منها قسم الكهرباء يعنى هدرس لصنايع كهربا ولا ايه؟ وكمان ميكانيكا وقسم غريب كده اازاى يعنى اخرتنا بعد ده كله نبقى مدرسين وكمان صنايع والله حرام

السلام عليكم
انا عرفت كام معلومه
أولا ده مجمع من غير مصريف

و مده الدراسه سنتان و سنتان أخر للمتميزين و تحصل على شهاده البكالوريوس
و المجمع ليه موقع

دوه الى انا قدرت اتوصله حتى الأن وربنا معانا إن شاء الله

المجمع التكنولوجى المتكامل بالأميرية التابع لوزارة التعليم العالى المنشأة بالقرار الوزارى رقم 1214 بتاريخ 8/6/2009
مدة الدراسة على مرحلتين :
الأولى :سنتان دراسيتان يحصل بعدها علي شهادة تكنولوجي متخصص .
الثانية : يتم ترشيح المتميزين منهم للدراسة لمدة سنتين أخرتين يحصل بعدها علي بكالوريوس تعليم الصناعي .

من دراسة احتياجات الصناعة في مصر وعلى وجه الخصوص منطقة الأميرية والمناطق المحيطة بها، تم تحديد التخصصات العلمية في المجمع كالتالي: الميكانيكا، سيارات، كهرباء، ميكاترونيك..
• تم البدء في أعمال الإنشاءات بالمجمع في 3/11/2008، وتم التعاقد مع المركز القومي لبحوث الإسكان للإشراف على التنفيذ..
• تم التعاقد مع هيئة Edexcel في مايو 2009 – إحدى أكبر المؤسسات التعليمية المعتمدة من الحكومة البريطانية والهيئات الأوروبية والتي تمنح شهادات معترف بها ببريطانيا وبكافة الدول الأوروبية. كما أن لها خبرة كبيرة في مجال التعليم والتدريب المهني في مصر والدول العربية حيث أنشأت العديد من الكليات التكنولوجية بالمنطقة العربية في الشارقة والبحرين وسلطنة عمان – لتقديم الدعم الفني في تصميم البرامج الدراسية المتكاملة والاحتياجات المعملية والمعدات والورش والكتب الدراسية في جميع التخصصات بالمجمع (الميكانيكا، والسيارات، الكهرباء، الميكاترونكس) بحيث تكون الشهادة الممنوحة للطالب معتمدة من بريطانيا وأوروبا ومتوافقة مع المهارات القومية البريطانية (SEMTA) والمهارات القومية المصرية. .
• تم التعاقد مع هيئة Edexcel في مايو 2009 لدراسة احتياجات المجمع من معامل وورش وعمل قائمة بالأجهزة والمعدات لكل التخصصات بالمجمع، ودراسة احتياجات التخصصات المختلفة بالمجمع من الكتب الدراسية والتي سيتم تصميمها خصيصاً للمجمع بالتعاون مع دور النشر الدولية مثل Pearson و Longman.
• قام صندوق تطوير التعليم بتوقيع بروتوكول تعاون مع شركة مصر لخدمات التدريب غير المحدود (EUTS) في اغسطس2010 لآقامة مركز لخدمة المجتمع بالمجمع
• تم التعاقد في مارس 2010 مع خبير بريطاني في مجال توكيد الجودة وتنمية الموارد البشرية بالمشاركة مع هيئة Edexcel لضمان جودة سير العملية التعليمية

دا اللى انا عرفت اجيبه ربنا معانا معاكم

شوط القبول بالمجمع التكنولوجى بالاميرية للمرحلة الثانوية كاملة لعام 2011

1) الحصول على شهادة اعدادية حديثة (2010 -2011).
2) الحصول على مجموع 70 % فيما فوق للشهادة الاعدادية.
3) اجتياز اختبار اللغة الانجليزية.
...4) اجتياز اختبار فى الرياضيات.
5) اجتياز اختبار ف مهارات الجاسب الآلى.
6) اجتياز الكشف الطبى.
7) اجتياز المقابلة الشخصية

رقم واحد ورقم اتنين يعنى الشروط دى للى هيدخل ثانوى صناعى اللى هى المدرسة الثانوية الصناعية الجديدة فى المجمع (عشان هو بيضم 3 حاجات المدرسة والكلية ودى اللى هندخلها ووحدة التدريب) طيب واحنا بقى لينا شروط ولا ايه؟

طب بليز كدا انا ابتديت افهم بس انا الى عايزة اعرفة

طلاب ثانوية عامة الشهادة بتاعتهم بعد الاربع سنين تبقى ايييييييييه؟؟؟

دا الى انا عايزة افهموا بليز

و كمان لو ممكن الموقع بتاعو بلييييييييييز

بعد الاربع سنين بيبقى معاهم بكالوريوس فنى صناعى والبكالوريوس اكيد بياهل للماجستير والدكتوراه وبيبقى معتمد من بريطانيا واوروبا وتقدرى تشتغلى بيه فى اى حتة فى العالم بس اللى عايزة افهمه ازاى يعنى ادرس كهرباء ااو ميكانيكا وبعدين ابقى مدرسة صناعى ؟! وكمان ازاى كده هبقى مؤهلة لانى اشتغل بيه فى اى حتة والصنايع اصلا مش موجودة غير فى مصر بس.؟