والله العظيم حرام وظلم
 

ياجماعة انا كنت تنسيق مرحلة تانية وجبت 87.5 وقال اية الاقى نفسى دخلت اداب واصلا من اول السنة كلة عمال يقول التنسيق هينزل وكده والله حرام انا عايز بس كل واحد يدخل يقول هو مجموعة كام ودخل اية انا علمى رياضة على فكرة ههههههههههههههه وضاعت احلامى كلها ادامى

انا جاية 89.6 علمى علوم وجاتلى زراعة المنيا
بعد كل التعب ده انا بجد كرهت التعليم ومش عارفه هو احنا مش من البلد دى ولا لازم اجيب 99 علشان ابق منها

هههههه والله انا هتجنن واداب دى اصلا اخر كلية كنت اتمنى انى اكون من طلابها انا لما شوفت كده والله قلبى كان هيقف بس قدر الله ماشاء فعل

طب انتو كويسين انا جايب 84 علمي رياضه وجايلي
معهد عالي دراسات تعاونيه و إدارية بالمنيرة بمصروفات

انا ماكنتش مصدق عينى والله وانا بشوف الحد الادنى لكليات المرحلة التانية حاجة يعنى تقرف الواحد مش عارف اية الهبل والهزار ده

ارجوكم حد يعرفنى اي ك 0 ت0 فنى صناعى

فين الردود

انا مش فاهم انت كات اية انت تقصد كلية تعليم فنى صناعى

انا بقى 89.15 % و جالى تجارة خارجيه مش ظلم ده ولا ايه
لاااااازم اموت نفسى عشان ادخل الحاسبات مثلا ليه التفريق ده ! و ربنا يوفق كل اللى دخل الكليات الكويسة دى بمجهووووووده و من غير غش و اللى غش ربنا يولع فيه

هو كدة مكتوب بس انا كنت اقصد معهد فنى صناعى نجع حمادى بس مش لقيت غير كدة ك.ت.فنى صناعى نجع حمادى هو يمكن يكون اسمة كدة ممكن تفيدنى انا جايب 82 حرام

ياجماعة ربنا يوفق الجميع بس اللى يعيش حياتة كلها على امل هندسة ةبعدين يقل خلاص حاسبات مش وحشة فى والاخر لا ياخد دى ولا دى ويدخل اداب حاجة صعبة اوى والله