بوابة الثانوية العامة المصرية - يا وزير التعليم غور فى دهية كفاية ظلم

كل يوم نطالع اخبار جديدة تحرق دمنا والوزير بارد مش هامه . مرة يعطى المدرس المساعد 75% والمدرس 50 % والمدرس الاول 25% ومرة اخرى يقول الوزير أن العمال والاداريين ياخدوا200% حوافز وياخدوا درجاتهم المالية وترقياتهم كاملة بدون امتحان ولا وجع قلب ولا تعب فى الفصول مع الطلبة والمدرسين لازم يدخلوا امتحان كل 8 سنوات علشان يزيد 5 جنية علاوة مع حرمانه من ال 200 % والدرجات والترقيات . كل ده علشان عارف إن المدرسين بيخافوا برغم إن البلد كلها مبقاش فيها حد بيخاف . الاداريين عملوا إضراب اعطوهم كل حاجة والمدرسين خايفين علشان مفهمش راجل يقول للظلم لأ لحد إمتى يا مدرسين تقبلوا تداسوا بالجزم ؟ كل الوزارات عملت إضراب وزادت مرتباتهم وأخذوا حقوقهم وانتم مفكوش راجل يتكلم . خليكوا كده اوعى حد يفتح بقه موتوا بجبنكم فقد استحل الوزير دمكم ولحمكم وعظمكم ولقمة عيشكم