فرصتنا الأخيرة التي لن تتكرر
 

لحد امتى هنفضل على الحال ده الوحيد اللي في الدولة اللي مش عارف مرتبه كام ولا أي حاجة خالص مع إن وزارة التربية والتعليم أهم وزارة في مصر فبدونا مافيش دكتور - مهندس ضابط - عالم ...، الموظف اللي معاه دبلوم أو إعدادية وشغال في اي وزارة طبعا مش في زارتنا المحترم اللي بتكدر معلميها وتعاقبهم عشان ازاي طلعوا معلمين حراااااااااام ، طبعا -حرام- من وجهة نظر الوزارة إن المعلم يرتاح نفسيا واجتماعيا فلازم تزل فيه عشان لما يدخل الفصل ويشرح للتلاميذ يشرح وهو مبسوط بالمرتب اللي بياخدوا آخر الشهر المرتب الضخم - 400جنيه- اللي بيحتار بيه المدرس يا ترى يصرف بيه ايه يا ترى يجيب (عيش - لحمة - دواء - لبس - حتى من نفسه يتفسح زي الناس المحترمة
الزيادات المزعومة اللي هي 75% ، 50% ، 25% طبعا بالنسبة من وجهة نظرهم كبيرة جداااا ، يعني كل ما نطلب منهم زيادة بيفضلوا يعذبونا يوم بيجب يوم وشهر بيجيب شهر وفي الآخر يزودك بالعافية زي ما يكون بيدولك من جيب ابوهم والأدهى من ذلك بيطلعوا في الجرائد والتلفزيون ويقلك مش كفاية زودناكم 75% ، 50% ، 25% وطبعا هم عارفين ان هي زيادات وهمية بيضحكوا بيها علينا ، عشان نعمل مظاهرات تاني وترجع ريمة لعادتها القديمة وبعد ايعذبونا تاني تلاقيهم بقدرة قادر بيذودوك تاني ، طب ما كان من الأول لازم نعمل مظاهرات عشان كل ده يحصل
ارجو من السادة الزملاء المحترمين ان لا نتخلى عن مطالبنا كاملة ونعلنها صراحة ونظهر كل مطالبنا أمامهم مرة واحدة وإلا مافيش دراسة بدون ما نعرف فين حقنا
اعتصام
اعتصام
اعتصام
مافيش دراسة
مافيش دراسة
مافيش دراسة
لأنه لم يعد هناك كلام بل أفعال
وهي المطالبة بكل حقوقنا

دراسة ايه وليه

طالما شايفين ان وضعنا هامشي في الدولة
يبقي لا تعليم وألف لا للتعليم حتي نكون في أعيونهم موجودين

الوزير بتاع الفجل و الجرجير عشمان ان يكون اول يوم في الدراسة يوم 17 / 9 ها دا عشم ابليس في الجنه لما ينصلح حاله او يغور في داهية يبقى نشوف امتى الدراسة !!!!!!!

دراسة بلا مدرسين