هندسة وهندسة وهندسة
 

بص هندس حاسبات بيدروس الهاردوير
و حاسبات و معلومات بيدرسوا السوفت وير

ما هو انا كنت مفكر كدة بردو بس لما دورت مطلعش كدة بالضبط ياريت حد فاهم يفهمني

اولا :خريج حاسبات ملوش نقابة ومش معترف بيه كمهندس رسمي والدليل انهم مش موافقين يدخلهم نقابة المهندسين اما المهندس فده طبعا مقيد في النقابة

ثانيا: حاسبات كلية كويسة جدا بس لو كنت في بلد تانية احنا حظنا إن احنا في مصر اللي مبتقدرش المبرمج
والعمل بيكون متاح للمهندس احسن من خريج حاسبات 100 مرة طبعا لان اقسم هندسة كتير وكده

ثالثا :
هندسة احسن مش عشان هي احسن عشان ظروف بلدك هتقولي يعني إيه ظروف بلدك يعني مصر مفيهاش امكانيات إنك تطلع مبرج وتشتع.ل بسهولة طبعا احنا الفرق بينا وبين اوروبا كتير أوي يعني لو هتسافر اوروبا التعليم في مصر مش هيساعدك حتى إنك تواكب الناس هناك وتقدر تكون زيهم

رابعا :الشركات في مجال البرمجة قليلة في مصر وبلتلي فرص عملك هتكون قليله

خامسا : شوف سوق العمل طالب إيه وأكيد المهندس مطلوب اكتر من خريج الحاسبات لانك مش لازم تكون مهندس متميز عشان تشتع.ل إنما لازم تكون خريج حاسبات كويس جدا عشان تشتع.ل طبعا عشان قلة فرص العمل بتاعت الحاسبات طبعا

سادسا :ممكن واحد ياخد كورسات في حاجة معينة ويكون زيه زيك في الحاجة ديه إنما مش أي حد يقدر يضاهي المهندس بـكورسات ولا أي حاجة

أنا رأي إن حاسبات كويسة بس مش في البلد ده
ويا ريت تتقبلوا رأيي

أنت يا عم بيشو أنت هو أنت مش كنت كاتب الرد ده في موضوع تاني هو أنت ماشي في المنتدى عمال تحبط الناس
ماشي يا سيدي الكلية دي تيييييييت
وابن خالتي ده اللي سافر أمريكا سافر عشان يشحت مش عشان هو خريج حاسبات
يا عم طالما أنت مشوفتش بعينك متتكلمش
على فكره أنا ابن خالتي كان شغال فري لانسر مع شركة من أمريكا
لغاية لما طلبوه يسافر يشتغل في الاستديوهات عندهم
المهم بس أنا عايز أعرف حضرتك ايه بالظبط

وبالنسبة لسؤال الموضوع هندسة حاسبات دي بتهتم بالهاردوير وبياخدوا جزء بسيط برمجة عشان يربطوه بالهاردوير
إنما حاسبات دي كلها شغل على السوفت يعني بتاخد برمجة كلها وملكش دعوة بالهاردوير
وأظن يعني إن مفيش مصانع بتعمل كمبيوتر هنا في مصر فحاسبات أحسن

بيشوى كلامك صح 100%
بصوا انا لية فى البرمجة و التصميم و الشبكات و كدة و احب اقولك ان حاسبات و معلومات فى مصر مش قد كدة
يعنى مش بيدرسوا اللغات كلها بتعمق و كل حاجة لازمها كورسات و كدة و لغات البرمجة تاخد فيها كورسات و هتبقى زى الفل و ربنا يوفقك و يوفقكنا جميعا

انا شايف انك تدخل هندسة لانك احتمال كبير هتغير رايك وتدخل قسم تانى غير حاسبات.
وبالنسبة للموضوع ده انا دورت كتير برده ولقيت الناس اتخانقوا كتير اوى عليه بس فى راى ان مهندس حاسبات ملوش شغل هنا لانه مفيش مصانع هاردوير هنا يعنى اخره يشتغل صيانه انما البرمجه فهى شغاله فى مصر يعنى كويس بس فى ناس بتاخد كورسات وفى ناس بيبقوا خريجين هندسة اقسام ملهاش علاقة بالبرمجه بس خدوا كورسات واشتغلوا فى البرمجه وبعدين حكاية الشغل دى كلها ارزاق ملناش دخل فيها.

shokran ya spy man w dah ra2y msh 3aref el nas z3lana leh