التحويل من التعليم المفتوح الى العام
 

يا جماعة لو سمحتوا حد يعرف هل فى تحويل من التعليم المفتوح الى التعليم الجامعى العام اصل انا سمعت بس مش متأكد ان الطالب ممكن يحول للتعليم العام لو جاب تقدير فى السنة الاولى للتعليم المفتوح حد يعرف حاجة عن الموضوع دة وشكرا

وانا بردو سمعت زيك كده
وعايز اتاكد

ياريت يكون فى كدة
بس دة لو كنت باين انتساب
والانتساب اتلغى
انا اداب تعليم مفتوح لو حد عندوا معلومة صح يا جماعة يقولها عن التحويل دة

ياريت يكون كده بس انا سمعت انه للاسف الانتساب هو اللى كان ممكن لو جبت تقدير كويس تحول انتظام انما المفتوح لا بيفضل مفتوح ويارب يكون غير كده

طب فى استفسار هو دلوقتى الطالب اللى فى التعليم المفتوح بيبقى فى نفس مستوى طالب انتظام من حيث المواد اللى بيدرسوها وشهادة التخرج بتاعة التعليم المفتوح بتأثر بعد كدة فى مجالات العمل يعنى اصحاب الاعمال بيركزوا اذا كان الطالب دة خريج انتظام ولا تعليم مفتوح ارجوا الافادة وشكرا

ما ينفعش تحول عام امال مين هيدفع ليهم الفلوس ؟؟؟؟؟؟؟؟

اكيـــــــــــد اكيـــــــــــــــد مينفعش .... ما دام أنت داخل تعليم مفتوح يبقى هتكمل تعليم مفتوح لغاية ما تتخرج حتى لو جبت كل سنة امتياز ... مينفعش يا كابتن تحول من تعليم مفتوح لعام و متصدقش أى كلام من أى حد عشان فى ناس كتير بتحب تفتى و خلاص .... و يا عم مالو التعليم المفتوح دة على فكرة تمام أوى بيبقى زيك زى الطالب العادى عايز اية اكتر من كدة .... و ربنا معاك و يوفقك ....

هو الطالب اللى فى التعليم المفتوح بيبقى فى نفس مستوى طالب انتظام من حيث المواد اللى بيدرسوها وشهادة التخرج بتاعة التعليم المفتوح بس ...... إنما من حيث الشغل اكيـــــــد الطالب اللى متخرج من الانتظام بيبقى لية الأولاوية عن الطالب اللى متخرج من التعليم المفتوح .... و ربنا يوفق الجميع

المشكله معايا ومع التعليم المفتوح ان سمعت ان بعد مايتخرج ياخد بكالريوس باسم التعليم المفتوح <~

طب لو افترضنا ان فى طالب متقدم لوظيفة خريج تعليم مفتوح وجايب تقدير كويس وواخد كورسات برضة يفضلوا علية خريج انتظام ولا اية؟؟

لو الاتنين واخدين كورسات ..... اكيـــــــد هيفضلوا اللى خريج انتظام ......

ياجماعة بصوا من الاخر الي معاه فلوس ياخد معهد خاص والي علي قده ياخد تعليم مفتوح ومفيش تحويل من مفتوح لانتظام