نحتاج معلومات عن المعهد الفنى الصناعى
 

اى حد عنده معلومات اى معلومات بس تكون اكيده يتفضل يقولها و ما يبخلش علينا

اعتقد ان حضرتك علمى رياضة
انا زى حضرتك ولسه من شوية صغيرين كنت فاتحة جروب المعهد على الفيس بووك
وكان فى حد بيسأل لو فعلا ينفع يدخل المعهد بعدين يدخل هنسة
وفى ناس قالوله ايوه بس لازم يكون التقدير فى السنتين امتياز
والمعهد ليه فرع فى شبرا وفرع فى المطرية...قالوله انه مهعد المطرية احسن

شكرا لمرورك ارجو معرفة الاكثر لان حكايه الهندسة دى معروفة اوى و على فكره امتياز فى المعهد يعنى 90 %

الامتياز في المعهد من 85%
لكن القبول في كليات الهندسة من المعهد يتحدد وفقاً لتنسيق الشهادات الفنية وليس وفقاً لحصولك على الامتياز
والحد الأدنى في السنوات القليلة السابقة يتراوح بين 87% و 89%

أنا طالب رايح سنة تانية إن شاء الله في المعهد الفني الصناعي بالمطرية
وهو أفضل معهد فني صناعي على مستوى الجمهورية بشهادة السابقين وعن تجربة خاصة

اسأل في الموضوع هنا عن أي حاجة وهجاوب حضرتك
أو ادخل على صفحة المعهد وإن شاء الله خلال رمضان هكون نزلت معلومات وافية وشاملة تفيد الدفعة الجديدة
طبيعة الدراسة والأقسام والمواد والمهندسين وكل حاجة

الكلام ده سليم وصحيح
وعايز اضيف حاجة لو نويت على المعهد الفنى الصناعى ضع امام عينيك كلية الهندسة وان المعهد هو وسيلة للكلية يعنى موت نفسك فى المعهد لان انتا هتلاقى معاك ناس ضااااااايعة كمستوى علمى وكمستوى خلقى -دى تجربتى -فمتخليش حد يأثر عليك واعمل اللى عليك وارضى ضميرك وربك وانا اضمنلك باذن الله كلية الهندسة

طيب لو سمحت هو مش بيدخل من علمى علوم اصل كان جايلى فى التنسيق

من الاتنين علمي علوم وعلمي رياضة
لأن المعاهد الفنية الصناعية في دليل القبول على موقع التنسيق تندرج تحت البند الآتي
الكليات الجامعية والكليات التكنولوجية والمعاهد التي تقبل من الشعبتين العلمية والهندسية

يا استاذ sna3y
يعنى انا مثلا طالب ثانوبا عاما و عايز ادخل المعهد
اذا خلصت المعهد و جبت امتياز هل كلية الهندسة بتقبلنى على اساس التقدير اللى فى المعهد ولا مجموع الثانوية العامة

طيب حد يقدر يفيدني ايه ظروف الدراسة ف المعهد من حيث المواد وعددها وهو في مشروع تخرج ف المعهد كمان ولا ايه النظام ؟؟؟؟؟؟؟؟؟؟؟؟؟