بوابة الثانوية العامة المصرية - كل اللى قدم فى اداب عين شمس.....دقيقة من فضلك...

اقتباس:

المشاركة الأصلية كتبت بواسطة zero111 (المشاركة 3822540)

يا جماعة ياريت لو حد راح قدم للكلية وخلص يقولنا عمل ايه من حيث:

اقتباس:

المشاركة الأصلية كتبت بواسطة zero111 (المشاركة 3822540)

*الاوراق اللى خدها معاه.
حضرتك بتطبع ورقة الترشيح اللي موجودة على موقع مكتب التنسيق اللي مكتوب فيه ان حضرتك اتقبلت في الكلية وبتاخدها مع الطلبات ديه :
1)الاستمارة البيضاء الدالة علي النجاح.

2)عدد (6) صور شخصية.

3)شهادة الميلاد الأصلية أو مستخرج رسمي منها.

4)نموذج (2) جند للطلاب الذكور فقط (من مكتب البريد).

5)شهادة التفوق الرياضي (للطلاب الحاصلين علي حوافز رياضية فقط).

6)موافقة كتابية من مدير المدرسة الثانوية الجوية والثانوية العسكرية الداخلية للطلاب الحاصلين علي الثانوية العامة من إحدى هاتين المدرستين للالتحاق بإحدى الكليات أو المعاهد.

طبعاً فلوس علشان في طوابع هتشتريها بس بتكون من جوه الكلية في مبنى شئون الطلاب

النقط ديه كتبها العضو tarek

*هل وانا رايح بقدم هدفع مصاريف الكلية وهى كام المصاريف بالظبط .
بصراحه مش فاكره النقطة ديه بس اعتقد بعد ماتظهر نتيجة التنسيق الداخلي للاقسام بتدفع المصاريف.

* هل انا بملئ رغبات الاقسام وانا بقدم والنتيجه بتبقى امتى.
لا مش بتقدم رغبات الاقسام في نفس اليوم
في حاجه اسمها تنسيق داخلي بعد ماحضرتك تقدم الورق اللي فات هيحدده لحضرتك ميعاد وفي الميعاد ده تتواجد في موقع الكلية على النت وتكتب رغباتك في الاقسام بترتبها حسب مجموعك وشروط القسم وبتطبع الورقة ديه بعد مابتكتب الاقسام الي عايزها
وده بيكون زي الثانوية العامة بتكتب الكليات اللي عايزها والتنسيق حسب مجموعك بيحدد الكلية هنا الكلية هي اللي هتحدد لحضرتك القسم حسب الاولوية في الترتيب وشروط القسم ومجموعك والعدد المطلوب في القسم .
والنتيجة بتكون بعد اسبوع .

معليش انا طولت عليكوا ياريت تقولنا مبنى الكلية حلو ولا لا وفين مكانه بالظبط
يقع مبنى الكلية بشارع الخليفة المأمون بالعباسية ( داخل الحرم الجامعي ) ،وهو على مساحة 5420 متراً مربعاً ،ويتكون المبنى من أربعة أدوار بمساحة إجمالية تبلغ
21680 متراً مربعاً ،هذا إلى جانب مبنى آخر مربع الشكل مساحته 1300 متر مربع ،ويتكون من دورين ،كل دور به مدرج.
تحيط بالكلية حدائق خضراء تبلغ مساحتها حوالي 1560 متراً مربعاً .

ربنا يوفق حضرتك وكل الطلاب