دماغى هتتفرتك من التفكير
 

يا جماعة انا كان نفسى ادخل هندسة بس الحمد لله جاتلي حاسبات ومعلومات الزقازيق انا حابب الكمبيوتر والبرمجة بس مش أكتر من الهندسة والتخطيط وكده ومستعد أبذل في الحاسبات جهد عالي اوى بس خايف لحسن يطلع على فاشوش واتساوى بواحد معاه دبلومة معاه دورات وخبرات من زمان وهو يشتغل وانا مشتغلش دى حاجة
الحاجة التانية المفروض فيه حاجة اسمها حقوق مهنية يعنى كل واحد يشتغل فى مجاله واللى يشتغل فى حاجة غير مجاله يتقبض عليه ويعرض للمسائلة القانونية دا اللى بيحصل فى أى مهنة احنا نعرفها ماعدا الحاسبات اشمعنا الحاسبات اللى كل من هب ودب يشتغل فيها لو واخدله كام كورس ومتدربله شويتين المفروض يا جماعة الجمعية بتاعة مهندسين البرمجة تسن قانون تلغى بيه الكوسة اللى موجودة فى سوق العمل يعنى مش معقول واحد متخرج من اداب ولا اى كلية تانية يتعلم دروس وكورسات ويقعد مثلا سنتين ويدرس كل حاجة زيى بس الفرق بينه وبينى اننا معايا شهادة تثبت الكلام دا انما هو مش معاه اى بطيخ بس دماغه شغالة
الواحد خلاص تعب ومش عارف يعمل ايه يروح يدخل هندسة خاصة ولا يرمي نفسه فى البحر ولا يعمل ايه

وممكن حد يقول الشغل هيبقا فين وميقوليش شركات برمجة عشان احنا مش هنكدب على بعض مصر ضايعة فى البرمجة ومافيش الا فى القاهرة كام شركة كده

وبرة الشغل عامل ازاى

ياريت تكونوا فهمتونى

فين الردووود يا باشمهندسين

انا سمعت ان فيه شغلانة كده لخريجى الحاسبات برده اسمها غريب شوية

السلام عليكم

مبدأيا "ان الله يضيع اجر من احسن عملا" خليها قاعدة اساسية في حياتك

المشكلة في التعليم المصري ان ممكن يكون واحد متخرج من حاسبات وتيجي تقعده قدام الكمبيوتر ميعرفش يكتب سطر كود
بالتالي اكيد ان اللي واخد كورس في اي حاجة ومتقنها وبيعرف يشتغل بيها هيشتغل احسن من الاولاني رغم انه ميعرفش غير حاجة واحدة

عاوزة اقول كمان متقلقش من ناحية الشغل في طلبة وهمة في سنة تالتة بيشتغلوا في شركات وفي ناس اول ما اتخرجت على طول سافرت واشتغلت في مايكروسوفت وشركات تانية كبيرة جدا
مجال حاسبات كبير اوي وفرص العمل فيه كتييييرة جدا
ومفيش حد بيتخرج من حاسبات وعاوز يشتغل مش بيلاقي شغل الفكرة هتشتغل فين!! وده صدقني مش بيبقى متخرج من جامعة ايه ولا تقديرك التراكمي حتة.... كل الشركات النظيفة اول حاجة بتسال فيها هوة مشروع التخرج ومجهودك العملي وده الفرق اللي بيبقى دايما بينك وبين اللي واخد كورسات لانك انت طول الاربع سنين بتعمل في مشاريع

بجد حاول تستغل الاربع سنين الجايين دول متكتفيش باللي بتخده في الكلية حاول تعرف اكتر في كل حاجة واهتم بالعملي جدااا اكتر من النظري وصدقني هتلاقي في فرق كبير جدا في فرص العمل بينك وبين طالب تاني معاك وجايب جيد جدا بس مكنش بيشتغل عملي خالص


وربنا معاك ان شاء الله

متشكر يا باشمهندسة على النصايح دى

بس مردتيش عليا فى نقطة ان سوق العمل مفتوح لأى حد

هل يصح ان يمارس الحكيم مهنة الدكتور او يمارس العامل مهنة المهندس بغض النظر عن مين الاقل مستوى انا بتكلم عن مؤهلات وشهادات

دا اللى ناقصنا فى حاسبات بجد محتاجين وزارة الاتصالات تتدخل وتحسم الموضوع دا وتسن قانون ان اى حد لا ينتمى لجمعية مهندسى البرمجيات(على ما يعملوا نقابة تضمن حقوقنا ) لا يحق له ممارسة المهنة والا سيتعرض للمسائلة القانونية مثلما يحدث للدكاترة والمدرسين والمحاميين والصيادلة

أستاذ abcd
أنا طالع أولى حاسبات إن شاء الله
و مع فائق فائق فائق احترامي لرأي حضرتك أنا شايف إن أي واحد يعرف يشتغل شغلانة معينة يشتغلها طالما بيؤدي المطلوب منه
يعني لو صاحب العمل عارف إن بتاع حاسبات أحسن من اللي واخد كورسات بس ساعتها هياخد بتاع حاسبات و العكس صحيح
ده رأيي و أنا عارف إن ليه نقطة سلبية و هي تقليل العمل لبتاع حاسبات
السلام عليكم و رحمة الله و بركاته

لا ازاى يعنى انا لو بفهم فى الطب اروح اشتغل دكتور ولو بفهم فى التدريس اروح اشتغل مدرس ازاااااااى يعنى
دا فيها حبس رسمي


وانت نفسك قولتها هى نقطة سلبية فى سوق العمل امتى البلد دى تعرف قيمة التكنولوجيا ويعملوا نقابة لينا عشان هتحافظ على حقوقنا وهتسن القانون اللى انا قلت عليه وكل واحد يشتغل شغلته

بصراحة انا مش شايفاها مشكلة لان سوق العمل واسع جدا اكبر مما انت متخيله بكتير
وطالما واحد اتخرج من اي كلية وتعب في انه يذاكر برمجة كويس وبذمة ووصل للمرحلة اللي هوة عاوزها ليه ميبقاش زي اللي متخرج من حاسبات

لو عاوز تعرف الفرق الحقيقي بينك وبينه
هوة هيبقى programmer او developer
أنت بقى ممكن تختار يا اما تبقى برده programmer او ممكن تبقى computer scientist وفي الحتة دي سوق العمل مش مفتوح غير لحاسبات وبس

بس حضرتك اكيد معايا فى حتة النقابة دى وانها هتحافظ على حقوقنا وتزود فرص العمل وتقلل من تدخل الجميع فى مجالنا بل ستمنع بإذن الله وهترفع مجموع الكلية وهتقترب من بترول كمان وبكرة هفكرك

مظبوط أنا اعرف ناس مش خرجين حاسبات وواخدين كورسات ودورة تدريبية وحاجات من كده ووالله شغالين والكلام ده قدامي أنا على فكرة جاتلي حاسبات القاهرة وهحول هندسة الشروق بصراحة هندسة احسن بكتير في البلد ديه :frown:

نصيحة ليك وليا ولكل الي داخل حاسبات
ادخلها علشان انته بتحب المجال ده ونفسك تمشي فيه وبس
وحط في دماغك انك لازم تعمل حاجة جديدة لازم لازم كل واحد يعمل حاجة جديدة
وما تفكرشي في الشغل ده خالص دلوقتي
خلي قدامك شعار جميل جدا
:::::::::يومك يومك::::::::
انته كويس انك بتفكر كده بس سيبها لله واعمل الي عليك
اصل كلامك مش هيجيب نتيجة ايجابية في الوقت الي احنا فيه
صدقني حب مجالك وربنا مش هيسيبك

شوف ....أنا لسة هادخل أولى حاسبات و متفائلة جدا .. سيبها لله دلوقتى .... احنا مش بلد شهادات .. احنا بلد لازم تشغل فيها مخك عشان تعرف تشتغل .... يعنى لو اللى مش متخرج من حاسبات عارف كمبيوتر و شغال أحسن منك أكيد هايقدر ينتج فى عمله ..... و حضرتك لو قضيتها لعب و تهريج و ما أنتجتش فى شغلك الأحسن لسوق العمل انك تبعد عنه

يا عم احنا قدمنا 4 سنين يارب الثورة تغير فيهم حاجة انا بقول سيبها للة وملكش دعوة بحد