|
93% ينفعوا ......؟
انا جبت السنة دية 93% وكملت علمى علوم فأن شاء الله حوصل لصيدلة ولا الموضوع صعب وألعب على علوم وخلاص ؟
انا محتار فى الموضوع ده ؟ ! ناس ياما جدا قالتلى كمل رياضة أحسن ... بس المشكلة الموضوع بالنسبالى حب وكره انا عمرى ما تخيلت يوم أنى اكون مهندس ومش بحب الهندسة يبقى كده انا بضيع نفسى ولا ايه .... شكرا لكم |
في رائئ خليك مصر على هدفك وهو مش بيعد اوى انت لو شديت حيلك حتدخل صيدله ومستريح كمان
ولو مبتحبش الهندسه او مش متخيل نفسك فيها اياك تكمل فيها العلوم بالنسبالك حتبقى ارحم وربنا يوفقك يارب |
أحسن حاجة انك تكون محدد هدف معين و متغيرش مسارك عنه ابداا
طالما انت عايز تدخل صيدلة و مصمم يبقى تقدر طبعاا تدخلها بس أهم حاجة انك تبذل أقصى مجهودك و تتعب شوية السنة دي و ان شاء الله ربنا هيكرمك و مش هيضيع مجهودك ربنا يوفقك |
طالما ليك هدف امشي وراه اعتقد انك السنة الجاية هتذاكر اوي ومش هتضيع اي وقت ولا فرصة وهتبقى سنة بالنسبة ليك سنة مختلفة لانها هي اللي هتحدد مصيرك وكمان كلية الصيدلة عايزة اللي ليهم امل مش بس الصيدلة كل الكليات وانا متأكده من ان الطموح اخره الحقيقة وان شاء الله خير وثق بربك وبنفسك وخدها كتحدي لنفسك وكمان لاصحابك
ورمضان كريم |
فعلا زي مابيقولولك كده
لو شديت حيلك السنة الجاية بأزن الله هتلحق صيدلة واعرف ناس كانت جايبة زي المجموع ده في 2 وشدوا حيلهم ودخلو صيدلة الحكاية مش مجموع كل الحكاية انت عايز ايه وربنا يوفقك ويوفق كل الغلابة الي في الثانوية العامة |
انا من رأيى انك تكمل فى المجال اللى بتحبه انت بتحب الاحياء وكده يبقى تكمل علمى علوم
ما تتخلى هدفك ابداا مهما كانت الظروف وغير كده جموعك مش وحش للدرجه انت بس ذاكر جامد اوى فى تالته وان شاء الله ربنا هيوفقك و نصيحه منى ما تسمع كلام الناس شوف نفسك عايز ايه وكل واحد جواه قدرات جباره بس هو اللى لسه مش اكتشفها فى نفسه ما تخلى حد يخليك تتنازل عن حلمك وربنا يوفقك وتدخل الكليه اللى بتتمناها |
انا عايز اقول حاجه انا اصلا اول ما جبت المجموع ده والنتيجة حمدت ربنا والله وقلت الحمد لله راضى بس التنسيق السنه دية معقد جدا وخلانى شبه يأست ... هى الفكره فى كده وبعدين مجاميع الاحياء عالية جدا وقليل لما الاقى حد جايب زى
|
على فكرة معايا ناس كدا وكمان 91 ومكلين علمى علوم ويتمنوا يلحقوا طب سقف حلمهم عالى
خليك كداا ان شاء الله هتلحق صيدله بص دلوقت انسى تانيه دى خالص وركز انك مش هتقلل على 99 فى تالته وان شاء الله هتوصل ل96 او ممكن اكتر كمان ولو التنسيق نزل هتلحق صيدله لو منزلش على الاقل هتلحق علاج طبيعى او طب بطرى والاتنين كويسين جدا ولو باظت خالص يبقى علوم فانت اعمل الى عليك وربنا يوفقك وابقى ادعيلى ادخل هندسه |
| جميع الأوقات بتوقيت GMT +2. الساعة الآن 05:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.