معلمو القاهرة والجيزة منكم لله
 

لا تعليق عليكم غير منكم لله اتت جموع من المعلمين من فايد ومن السويس ومن الفيوم ومن الدقهلية امس لمناصرتاكم والوقوف الى جانبكم لاسترجاع حقوقنا المنهوبة واعادة الثقة والواجبات الى المعلم ولكن هيهات هيهات يا معلمو القاهرة والجيزة فالجبن هو اخلاقكم والضعف هى شخصيتكم لم اجد احد وللاسف ولكننى اشكر جموع المعلمين من فايد ومن السويس ومن العاشر ومن الدقلهية اصحاب الكرامات واصحاب الواجبات واصحاب الهامات وبالفعل نصرنا الله وصوتنا وصل الى القنوات والى الصحافة والاعلام بدونكم يا جبناء وان شاء الله اننا منصرون يوم الاربعاء القادم فى وقفتنا التاريخية امام مجلس الوزاراء الساعة الحادية عشر صباحا لاسترجاع الكرامة قبل الحقوق

الدروس بدات مش فاضين

اتقو الله والبلد مش نقصاكم جاكم القرق كفايه البلد خربتوها وخربتو التعليم كفايه البلد مش نقصاكم كادر ودروس خصوصيه وبيصل دخل الواحد حوالى 12 الف فى الشهر عوزين ايه حرام عليكم

يا ريت بلاش التخبط بعضنا البعض ونتحد على كلمه

واللى مبيديش دروس يعمل ايه

ايه يا اخونا بالراحة شوية جموع مين اولا ثانيا انا من الجيزة وكنت امام الوزارة في تمام الساعة الثانية عشرة بأمارة صلاة الظهر على يمين البوابة الرئيسة وياريت تعرفني عرفتم الناس ازاي ان في وقفة انا لولا اني بدخل على النت ماكنتش عرفت المفروض العمل المنظم نعلم الناس ثم نحاسبهم

ياجماعة الخير : انا من المنيا واقسم بالله لو انى قريب منكم لكنت اول واحد امام الوزارة .. حضراتكم بتعاتبوا الاخوة فى القاهرة والجيزة ؟؟؟ دول نوع تانى غيرنا .. انا لى اصدقاء من المنيا ونفس التخصص ( رياضيات ) تم تعيينهم بالقاهرة .. الواحد منهم بيرفض الاعارة عشان الدروس فى القاهرة اعلى بكتير .. يبقى ازاى عايزهم يقفوا معاك للاعتصام والاعتراض ؟؟ دول خايفين البدلة تتكرمش او تضيع عليهم حصة من اللى بيلفوا عليها فى البيوت .. خليك مع الناس الغلابة احسن .. ورمضان كريم
على فكرة احنا الشهر عندنا فى المنيا ب 20 جنيه واغلب الطلاب غلابه مش بيقدروا يدفعوها .. لكن الحصة فى القاهرة وصلت 50 جنيه .. عايز سيادته يسيب الرزق ده ويجيلك ؟؟؟ رمضان كريم ..

:frown:أولا: احترم نفسك يا أحمد يا صغير....:)ثانيًا: انت اللي جاتك ستين قرف....;)ثالثا: أنت مريض نفسيًا و شكلك من أذناب المخلوع و ما أكثركم....:oرابعًا:12 ألف عفريت لما ينططوك....:oخامسًا: اختار لنفسك الوصف المهين اللي تحبه....:(شفت بقى فيه ديموقراطية في البلد!

والله ياأخي انت بتظلم كل بتوع الجيزة والقاهرة انا معاك ان عددهم كان قليلا لكن مدرسين كثر من الجيزة والقاهرة حضروا

وانا شخصيا من الجيزة حضرت الساعة العاشرة صباحا ولي موضوع مصور في المنتدى عن المظاهرة وما حدث فيها مدعم

بالصور ياريت تشوفه

إذا علم السبب بطل العجب!!
الدروس يا صاحبى.
معروف أن الدروس سوقها ماشى فى القاهرة والجيزة على وجه التحديد بخلاف الصعيد ووجه بحرى فهناك الوضع مختلف ولا يجرؤ مدرس على إعطاء دروس بفيزات مرتفعه لأن أهل القرية كلهم معارف وأقارب وبعضهم يعطى دروس مجانا ، هؤلاء فعلا متضررون من أزمة الرواتب وقد صارت القاهرة والجيزة قبلة الحيتان مثلا فى قريتنا كل الحيتان ينقلون على القاهرة وخاصة إدارة مصر الجديدة والنزهة وكذلك الحالى بالنسبة لحيتان المنايفة ،أما حيتان الصعيد خاصة الأسايطة والمنياوية فمحطتهم إدارة حلون والمعادى والبساتين علشان تبقى جنب موقف المنيب.
فلا تنتظروا من الحيتان إلا السلبية فهو ليسوا متضررين على الإطلاق من الوضع الحالى ودخلهم من الدروس يكفيهم وبعضهم لا يلتفت إلى المرتب أصلا.