|
أخيـــــراً تم الإنتــــــداب من حافظة لمحافظ أخرى ..
سلام عليكم جميعاً الحمد لله أخيرا وبعد أكثر من ثلاث سنوات من العمل بمحافظة القليوبية تمت الموافقة على الانتداب لمحافظة الشرقية ونصيحتى لمن يعانى من مشقة السفر والعمل بمدرسة بعيدة عن مقر سكنه لو مش معاك واسطة ذى حالاتى سيبك من موضوع النقل وتوكل على الله وامشى فى ورق الندب وان شاء الله هيمشى وربنا يوفق الجميع ......... |
الف مبروووووووووووووكك أنا والله من شهر 6 وأنا بعمل ندب من محافظة المنيا لمحافظة الغربية ولسه القرار فى يد المحافظ ومنتظر ادعيلى يا استاذ أحمد |
يا عم أنا بقالي 5 سنين في بلقاس ولا ندب ولا نقل لطلخا وشكرا
|
الف مبروك يا احمد وعقبالنا
|
ايه الخطوات من فضلك وليه الندب اسهل من النقل
|
اقتباس:
الله يبارك فيك يا أستاذ أحمد ونصيحة متستناش المحافظ وانساه خالص وعليك وعلى وكيل الوزاره وربنا يوفقك اقتباس:
اسعى بس فى الندب وان شاء الله ربنا هيكرمك اقتباس:
الله يبارك فيك يا تامر وربنا يكرمك ان شاء الله وينولك كل اللى تتمناه |
لو عيز تفيدنا قولنا عملت اية بسرعة
|
1 مرفق
اقتباس:
اقتباس:
موضوع النقل يا جماعة للأسف عايز واسطة لانى توجهت انا وزميلى لوكيل الوزارة فى المديرية ببنها وقدمنا طلب نقل داخل المحافظة لكن للأسف اعتمده بتأشيرة وهمية فى ضوء القواعد والقوانين يعنى من الاخر تأشيرة ملهاش لازمة فى حين انى اعرف ناس نقلت بس كان معاهم واسطة المهــم كتبنا طلب ندب لمحافظتنا فى الشرقية بعديها علطول ورجعنا قدمناه والحمد لله ربنا كرمنا واتوافق عليه مباشرةً وتم تحويل الطلب لقسم التنقلات بالمديرية هياخدوا الطلب ويدوكم جواب مختوم موجه للإدارة التعليمية بتاعتكم تاخدوا الجواب وتروحوا للادارة اللى انتو شغالين فيها وتتطلبوا منهم صحيفة أحوال ليكم تاخدوها بعد كدا هيا والجواب والطلب وترجعوا للمديرية هيدوكوا جواب موجه للمحافظة اللى انتوا عايزين تنتدبوا ليها لطلب موافقة المحافظة اللى انتى هتروحولها وهما طبعا يتمنوا ودا لسبب انك هتروحى تسدى عندهم عجز وفى نفس الوقت انت مش هتفرقى معاهم فى حاجة لان درجتك المالية مش هتتنقل عندهم يعنى قبضك هيفضل من ادارتك الاساسية وهكذا ترجعوا للمديرية اللى فى محافظتك تانى وتكملوا بقا بقية الاجراءات وامشوا بس فى الموضوع وان شاء الله ربنا يكرمكم والجواب رفعتهولكم فى المرفقات عدلوا البيانات وربنا يوفقكم |
شكرا على هذا المجهود الطيب .
|
معلش سؤال اخير بالنسبه للنقل بين الادارات داخل نفس المحافظه نفس الاجراءاتبرضو
|
اقتباس:
الشكر لله يا أستاذ حسن اقتباس:
فى البداية انا حاولت اتنقل فى ادارة تكون قريبة داخل نفس المحافظة لكن للأسف النقل عايز واسطة زى ماقلت بس اجراءات النقل والندب عامتاً هيا هيا نفس الاجراءات بالظبط كل الموضوع بدل كلمة ندب هتبقا نقل والاتنين موجودين فى نفس النشرة ونفس ترتيب الحطوات اللى فاتت والبداية من وكيل الوزارة وربنا يوفقك ................ |
الله المستعان وبالتوفيق
|
على فكرة احنا فى المنيا عندنا شرط المحافظ ده شى اساسى لازم يوافق على الندب
|
اقتباس:
على فكره المحافظ ملوش أى دخل نهائى فى الموضوع دا دا تعامل مديرية مع مديرية أخرى وحالة واحدة اللى بيتم فيها اللجوء للمحافظ لو انا عايز انقل مثلا ومش عارف ساعتها تجيب معرفة للمحافظ ( يعنى واسطة ) عشان ينقلك ومش أكتر من كدا جرب وروح على وكيل الوزارة ومتسمعش كلام من حد اسعى وان شاء الله ربنا يكرم |
اقتباس:
على فكرة والله يا أستاذ أحمد أنا متاكد من كلامى لأنى شوفت المذكرة بنفسى وهى رايحه للمحافظ وفيها اسمى واسماء كل المنتدبين عام أول وعلى فكرة المذكرة اتعملت اكتر من خمس مرات وترجع لأن المحافظ مش عايز يوافق عليها بس المحافظ اتغير وربنا ييسر والمحافظ الجديد يوافق |
| جميع الأوقات بتوقيت GMT +2. الساعة الآن 08:04 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.