التماس التحويل
 

ياجماعه ايه الفرق بين تقليل الاغتراب والتماس التحويل
وهو لازم لو انا عايز احول لكلية خارج منطقطى الجغرافية ( أ)ان انا اثبت ان ليا محل اقامة فيها عشان كدة بيطلب منى سبب التحويل
باختصار انا جاتلى حاسبات الاسماعلية بس عايز احول لحتة قريبة واللى فى منطقتى ( أ) بنها
بس لو انا عايز احول للمنصورة اعمل اية

لو المنصوره ( أ ) يبقى انتا مناظر انما لو حاجه غير كده يبقى انتا التماس و تكتب سبب التحويل للمنصوره و انتا ونصيبك . ودي قواعد تقليل الغتراب .
قواعد تقليل الاغتراب

الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:
أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة:
· يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات.
· يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط.
· فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية خارج النطاق الجغرافى (أ) ، بابداء رغبته فى التحويل لأحد الكليات المناظرة داخل النطاق الجغرافى (أ) ويتم تحديد إمكانية التحويل للكليات داخل النطاق الجغرافى طبقا للأعداد والطاقة الاستعابية للكليات وترتيب الطالب بين الطلاب الراغبين للتحويل والطاقات الاستعابية للكليات فى النطاق الجغرافى (أ) للطالب ويتم ترتيب الطلاب طبقا للمجموع ، وتحويل العدد الذى حدده المجلس الأعلى للجامعات.

ثالثا: فى حالة عدم انطباق قواعد تقليل الاغتراب على الطالب أو الطالبة (أى طلب التحويل لكلية خارج النطاق –أ ) يمكن للطالب اختيار التقدم بالتماس من نوعين:
1- التماس لتحويل مناظر خارج المنطقة الجغرافية .
2- التماس لتحويل غير مناظر خارج المنطقة الجغرافية .
مع تحديد السبب فى طلب الالتماس.

اخوك محمود الشامي حاسبات منصوره . زمايل ان شاء الله .

المنصورة عندى مش ( أ ) بس لو عايز احول لها اكتب سبب اية وهل لازم ان انا اثبت ان ليا محل اقامة هناك

اكتب سبب الالتماس مقيم في المنصورة او ليك اقامة في المنصورة وسبها على ربنا .
( اقوى اسباب الالتماس ) : -
ان يكون والدك شغلو اتنقل للمنصورة , كدا تروح وانت حاطت رجل على رجل
ربنا يوفقك

اكتب كدة حتى لو الكلام دة مش صحيح "عادى يعنى مش حيدوروا ورايا "؟

ازاي لاء طبعا , , , بعد كدا اكيد اكيد هتقدم الي يثبت الكلام دا , ولا ما كنش الواحد غلب

طب انا مفيش لا والدى راح ولا جى زى ما هو اكتب ايه بقى ؟

, , , شوفلك سبب كويس يعني لو مش والدك هينقل ولو مش هتنقل محل اقامتك هتبقا صعبة
فا حاول و تبقا محاولة و ربنا يسهل
مثلن لان الدراسة في المحافظة كذا افضل , كدا يعني

طب بص انا من اسكندرية وجاتلى حاسبات حلوان وعايز اروح القاهرة عشان احسن من حيث الدرسة والعيشة وكدة حاعمل التماس ماشى
لو اتقبل بقى حيبقى ليا مدينة جامعية عادى صح ولا لاء؟

يا ريت حد يرد عليا عشان اعرف احول ولا لاء؟