هذه هي الحقيقة
 

السلام عليكم ورحمة الله وبركاته الموضوع دة بخصوص اشاعة موتي وهو دة آخر الموضوع .:::::
انا تامر خالد 17 سنة تالتة ثانوي كان ليا بنت عمي اسمها كيم انا كنت بحبها اوي وهي كانت اصغر مني بسنة انا كنت دايما بحكيلها على مشاكلي وهي بتحلها معايا و عمرها ما اتاخرت عني في حاجة هي كانت حساسة اوي و بتحب الناس كلها . وانا لما كنت في 3 اعدادي كنت بوصلها لدروسها و في يوم وانا بوصلها خبطتها عربية و كانت صايمة التلات ايام الوسط في الشهر الهجري وماتت ادام عنيا و انا اخدتها المستشفى على امل ان هي تعيش بس ما فيش فايدة ماتت على اديا صدقوني انا حاولت انتحر وكنت هاروح فيها فعلا ولغاية دلوقتي باخد حبوب مهدئة وبروح عند دكتور نفسي . والسنة دي آخر سنة ليا في الثانوية العامة و كنت دايما بافتكر ان هي نفسها تكون دكتورة عشان كدة دخلت عالمنتدى دة باسمها في الاول خالص بس نيتي ماكانيتش اني اتعرف على البنات باسلوب وقح وانتوا ممكن تسالوا البنات بنت بنت و هاتعرفوا اني مش عارف اي سر من اسرارهم الا الي وافقوا وكانوا بيكلموني بعضوية تامر خالد ودخلت على الركن التعليمي بتاع 2 ثانوي وحليت فرنساوي و بيولوجي واينجليزي على اساس ان انا تانية ثانوي ولما لقيت ان انا حبيت المنتدى اوي و حسيت بصحوبيتكوا عملت موضوع ان كيم مش هاتدخل تاني وانا دخلت بعضويتي تامر خالد وعشت معاكوا بحب اوي و الي فكرني بالحادثة ان كيم الله يرحمها عيد ميلادها يوم 5 اتنين الي جاي وافتكرت وحسيت ان انا السبب في موتها فمش عارف انا فكرت ازاي و قولت هاجرب الاحساس دة على نفسي و مش هادخل المنتدى تاني نهائي وتعتبروني فعلا مت بس انا او كنت اعرف ان انتوا بتحبوني اوي كدة وهاتزعلوا عليا كدة ماكنتش عملته ولا حتى فكرت اني اعمله لأني بحبكوا اوي ..وبعد كدة لما دخلت تاني ولقيت ان انتوا تعبتوا اوي فادخلت وكذبت الموضوع خوفا عليكوا وكنت ناوي اعرف اصحابي على حقيقة الموضوع و بعد كدة امشي من المنتدى خالص بس لما لقيت ميدو و مصطفى عملوا الموضوع بتاعهم انا حسيت ان انا نزلت في نظر المنتدى كله وكلكوا كرهتوني حاولت ابرر نفسي باي حاجة وبعد كدة ابقى اتصرف....
____________________________________
مصطفى: انا آسف على الي عملته معاك وانا عارف انك كنت عايز نكون اصحاب ودة نفس احساسي بس انا هديت كل دة في ثانية .
ميدو:كويس انك بتهتم بالمنتديات .
استاذ عصام:آسف على ان انا ماطلعتش زي ما انت فاكر
استاذ حسام:آسف على ان انا ماطلعتش زي ما انت فاكر
احمد رضا:آسف يا حبيب قلبي
كريم:آسف يا حبيب قلبي
عمار:آسف على الي سببتهولك
ابراهيم:آسف يا حبيبي
(سارة ,نيرة, مي , طمعانة,وكل اخواتي الباقيين ):آسف ان انا ماطلعتش الاخ المثالي ليكوا
(((((((((((((((((((((((((((((((((((((((((((((((((( كيم ))))))))))))))))))))))))))))))))))
انا آسف يا كيم انا خليت الناس كلها تظن فيكي ظن وحش و اتعاملت باسلوب وحش عن طريقك ....
______________________________________
عتابي الوحيد ليكوا::::: انتوا ليه لما قالوا اني كداب ما اتاكدتوش من الحقيقة فين واية سبب الكدب

اللة يرحمها يا تامر ويحسن اليها

وان شااااااء اللة حتلاقى بنت الحلال اللى تحبك وتحبها فى يوم من الايام وتكون خير نافع ليك مثل كيم بأذن اللة

وشكرااااااااااااااااااااااااااااا

انا مش عارفه اقولك ايه ياتامر الله يرحمها الله يرحمها بجد

وانا اسفه بجد انى ظلمتك

معنديش كلام اقوله والله

شكرا يا ايمو وانا الي آسف على الي عملته معاكوا

شكرا ليك يا مصطفى وانا آسف على الي عملته معاكوا

خلاص يا تامر ربنا عارف نيتك كويس

وعلى فكره شجاعتك فى انك تقول الحقيقه بالشكل ده خلتنى احترمك اكتر

وخليك هنا بقى

شكرا يا ايمو بس صعب افضل في المنتدى بعد دة كله

الله يرحمها

بس الموت مش لعبه يا تامر واللعب بعواطف الناس وطيبتهم تصرف واطي اوي

وانت مش بتحبها علي فكره لو كنت بتحبها فعلا ماكنتش هترضي ليها البهدله دي ومكنتش هتستغلها في حاجه زي كدا

آسف وانا عارف ان انت عندك حق بس انا بحبها اوي والله

ايه يا جدعان الناس اللي كلها بتموت وتصحي دي

مره واحد يموت ويصحي والتانيه عايزه تنتحر ومره واحده ماتت والتاني عايز ينتحر

انا مش عارف اقول ايه

المرة الاولانية (ان انا مت )كانت كدبة لكن المرة تانية (كيم)لأ....آسف يا كيم على الي سببتهولك

حصل خير ننسي اللي فات بقي وننتبه لمستقبلنا

شكرا ليك وىسف على الي انا سببتهولكوا انتوا كمان

كلنا اخوات يا تامر واطن انت اتاكدت من كده اثناء الاشاعه وشفت ان المنتدي كله بيعزك وبيعتبرك واحد منه

اعتقد ان الناس هنا مابتشلش من حد وهيقبلوا اعتذارك ونرجع بقي نشوف دراستنا وهنعمل ايه في ايامنا اللي جايه دي

انا عارف انهم مش بيشيلوا من حد بس انا زودتها اوي معاهم ..شكرا ليك