ليتنى اعود طفلة
 

يا ريت ارجع طفله تانى على الاقل مكنش فيه مسئوليه ولا تفكير وكنت عايشه حياتى ضحك ولعب وجى وانطلاق
الا ليت الطفوله تعود يوما لاخبرها بما فعل بى الشباب معذره

ده ايه الكلام الجميل ده لكنى احيانا اتمنى ان اكون طفلة

ولكن دانما اتمنى انى اكبر

ايه يا ملك ده الحياة لسه حلوه هو احنا لسه عملنا حاجة فى حياتنا علشان نرجع اطفال

اى والله الواحد نفسه يرجع وهو صغير:)
بتفكرونى اما كان عندى حوالى خمناشر تمناشر سنه:pكدا ايام التشرد الاطفالى كنت بحب اخبط على الجيران واجرى:Dواخبى الجذم فى الثلاجه
كنت داهيه:D
شكرا على الموضوع ياجميل:)

ايام الطفولة جميلة
بس للاسف مش هترجع تانى
بس الايام دى مش وحشة اوى بردو يعنى
اللهم لا اعتراض

صعب ارجع طفله تاني عشان لو رجعت حرجع تاني ادخل ابتدائي واعداي وثانوي لا حرام
بس لو حرجع يوم
حلعب واركب عجل واروح البحر

شكرا لمروركوا جميعا

انا بدون تعليقات بايخه من اي حد


انا رغم سني انما بعمل اي حاجه بحبها حتي لو كانت طفوليه

يعني بشغل كارتون والعب واجري واعمل اي حاجه بحبها

بس مش طول الوقت عشان محدش يفكر ان عيل على طول

لا الحمد لله انا بعيش احلى لحظاتي وبحب استمتع بيها

السلام عليكم
موضوعك بجد جميل فعلا وكانت الفكره على بالى
وكنت دايما اقول لنفسى ياااااااااه لو ارجع طفل تانى
والسبب بجد انى عايز ارجع طفل تانى لان حياتى مش عجبانى
نفسى ارجع طفل عشان متعودش على الحاجات الغلط اللى بعملها دلوقتى
بس بصراحه اكتر حاجه بتخلينى مش افكر فى الموضوع دا
هى الدراسه لسه هنرجع فى الحضانه تانى وناخد المشوار دا تانى
لا يا ملك اليمين شكرا ارجعى انتى لوحدك :p
شكرا على موضوعك