|
الشيخ زايد
يا جماعة اللى يعرف حاجة عن الباصات اللى هتروح الشيخ زايد بكام واشترك منين وكدة ياريت
و اى معلومات عن هندسة القاهرة |
حكاية الاشتراكات دي كام معرفهاش والله
بس اكيد هتبقا الي حد ما معقولة وحتي لو غالية شوية .. هترحمنا من اننا ندور علي مواصلات كل يوم .. الاشتراك اكيد بيبقا م الكلية .. شئون الطلبة او ما شابه .. معلومات من حيث ايه ؟ |
انا كنت فى الجامعه من كام يوم -الشيخ زايد- وسالت هناك قالوا لى ان انت هتيجى قبلها باسبوع-الدراسة يعنى- وتسال وتدفع الفلوس وتشوف انهى اقرب خط ليك بالنسبة للسعر قالوا السنة اللى فاتت كان 200 جنية فى الشهر مش عارف هى بالنسبة لى مش غالية انا حسبتها مواصلات طلعت فى حدود 190 جنية تقريبا فى الشهر يعنى هى هى بس بشرط انه ميجيش يقولى تعلالى التحرير ولا رمسيس لان الميكروباص من رمسيس بياخد 2.5 يعنى 5 جنيه رايح جاى فى اليوم يعنى فى حدود 130 جنية بالكتيير بس طبعا الميزة انه بيريح دماغك على الاخر وكمان سالت على المواعيد قالولى ان المواعيد من 9 ل 3.5 يعنى خييييييييييييييير ان شاء الله قرايبى فى هندسة قالوا انهم كانوا بيقعدوا ل7 و8 ساعة الرسم فربنا يكرم وان شاء الله تكون سنة خير |
اقتباس:
طب اخره فين يا غالي |
أنا كنت سألت هناك في الجامعة وناس سألوا قبلنا وقالولي إنها هتكون في حدود ٤٠٠ جنيه في السنة
|
اقتباس:
مش 200 ف الشهر لا يا ريس صعبة دي كان الناس كلها اشتركت ف الباصات |
اقتباس:
فلو الرقم ده صحيح فعلاً، بتهيألي الأقرب إنه يكون في السنة مش ف الشهر .. وبعدين بصراحة الباصات تعبانة أوي أما الرقم ال قولته إنت فأكيد في الشهر هيكون واقعي أكتر لو كان معلومة صحيحة فعلاًَ |
اقتباس:
انا هشترك لو هيجيبني قريب م البيت كدا كدا هدف اكتر من 9 او 10 جنيه يوميا مواصلات *5 او 6 60 جنيه ف 4 يعني حوالي 240 او 220 جنيه ف الشهر هتبقا صعبة |
اقتباس:
وفعلاً دي حاجة مش ظريفة أوي ولا عملية، أنا بالنسبالي لو كنت في هندسة القاهرة كنت هركب مواصلات حتي لو هدفع أكتر لإن ساكن جنب موقف مكروباصات بيودي للشيخ زايد وهينزلني قدام كلية الهندسة بالظبط إيه إللي يخليني أضاعف المسافة |
اقتباس:
انما احنا نعمل ايه واحنا بعيد عن الكلية كدا المضطر يركب الصعب يا ريس |
اقتباس:
يبقي لازم تركب الصعب يا باشا لحد ما ينزلك عند هندسة القاهرة :d ربنا يوفقك يا هندسة ويعينك إن شاء الله |
بصوا ياشباب
اول مهندسة الشيخ زايد اتعملت كانت دفعة اعدادي بتروح يوم الرسم الهندسي بس والباصات كانت ببلاش وكلام ده من تلات سنين بعد كده السنة كلها اتنقلت ومان اشتراك الباص 100 جنيه كل سنة بقي يزيد 50 لغاية موصل 200 علي سنتي اللي هي قبل اللي فاتت معرفش اللي فاتت كام فلو قالك 400 يبقي في الشهر تاني حاجة اشتراك الباص والحاجات ديه اعتقد في الجامعة مش في الشيخ زايد لان احنا محتجناش نروح الشيخ زايد قبل الدراسة خالص بالنسبة للاتوبيسات بتيجي في اماكن كتير منها رمسيس والتحرير والجامعة والمعادي وكده يعني وانت اختار اقرب منطقة ليك بس كده |
| جميع الأوقات بتوقيت GMT +2. الساعة الآن 09:01 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.