للأسف/// معظمكم فاهمين حافز الإثابة....((( غلط )))
 

وأشار الوزير إلى أن قرار المجلس الأعلى للقوات المسلحة بصرف حوافز للعاملين بالدولة بنسبة 200% من أساسى الراتب يفيد بأن يصل إجمالى الحوافز إلى هذا الحد وليس أن يحصل الموظف على 200% تضاف لما كان يحصل عليه.




يعنى ::



لو فيه موظف إجمالى الحوافز بتاعته كان 100%


يبقى هيجيله 100% عشان يصل لـ200%


ولو واحد كان 170% هيجيله30% بس


وهكذا...


طيب بالنسبة للمعلمين


بصراحة إحنـــا جنب ناس ثانية كثير
حوافذ + بدل معلم + كادر + مكافأة

(( حلوة الحمد لله ))


ومن الآخـــــر بالحافز الجديد هنخطى الـ 200% مرتاح مرتاح


وهنخطى الـ 700ج (( دا لو وزعنا المكافأة على الأشهر ))



أنا عارف إنهم ......ولكن واحدة واحدة يا جماعة
وهذا رأيي الشخصى

رباااااااااااااااااا يستر

خير انشاء الله

مع احترامى لرايك

انا كدةوصلت للحد الادنى اة بس ال700 دة المفروض اللى ياخده عامل امى فى الدرجة السادسة مش معلم مؤهل عالى درجة تالتة مش كدة ولا اية؟

انا كد مش هعدى ال700

انا معلم تعين 1/3/2011 بقرار 53 ومرتبى 450 وبعد الحافز الاداء ال50% هيبقى 560 وبعد توزيع المكافاة 1600
جنية على 12 شهر قول140 ونوزعها على المرتب هيبقى700جنية

فعلا لازم المعلم يكون مميز

أيه الحلاوة ده يارب بارك في القليل
شعار الحكومة الجديد بعد الثورة

ماشى ياسيدى مع اننا كلنا عارفين الكلامده مش محتاجه مفهوميه وللاسف كلنا زعلانين عشان فاهمينه صح لان الصحه بتصرف كادر وكمان هيطبق عليهم حد ادنى 1200 وكمان يااستاذى الفاضل الاداريين والعمال ف التربيه والتعليم بياخدوا مكافاه وهينصرف ليهم حافز 200 يعنى مرتب العامل والادارى هيعديك كمدرس بمراحل مثلا انت هتاخد 700 جنيه هو هياخد 900 وانا كمعلم اساسى لسه مااخدتش كادر قصدى الكادر المزل مرتبى للاسف مش هيوصل الحد الادنى لان مرتبى 380 +حافز 75 يدوب هيوصل 550 والعامل الحديث هياخد 700 عشان كده احنا كلنا فاهمين الحافز صح ياسيدى الفاضل وده اللى مزعلنا ياريتنا مش فاهمينه

كلام سيادتك كله عقل وما علينا الا ان ننتظر وباذن الله الخير سياتى

هو انت عندك حق
بس حرام قوى انى معلم مؤهل عالى وواخديت دبلومة كمان ويبقى العامل بياخد اكتر منى عيب قوى يبقى خسارة على التعليم اللى اتعلمته

وزارة التعليم تنتهك كل القوانين

ماذا تريد الوزارة من المعلمين لماذا تلتف حول القرارات لماذا تجادل في أشياء واضحة وضوح الشمس هل تريد الوزارة أن يطلع المعلم من هدومه أم يشق هدومه نصفين أنا عن نفسي بدأ يصيبوني الشلل الرعاش عندما أفرأ القوانين الخاص بنا وبالكادر وبالدرجة المالية المستحقة للمعلم بدون تقديم وطلبها بورق رسمي وبين الوزير رجل القانون أ استاذ القانون والله لم أكن أتصور أننى في يوم من الأيام سوف أقرأ عن القانون وأشكر الوزارة التي جعلتنى أتثقف في القوانين ولا أطيل عليك إقرأ أنت بنفسك وفسر أنت بنفسك "" ومعلش راح أتعبك وأطلب منك طلب عشان أنا بجد قرفت يا ريت تبلغ الوزير إن الناس فاهمه وبيها اللى مكفيها ""
انظر المادة (70) و (80)من قانون العقوبات قصدى من قانون الكادر 155 ولاحظ ذكر قانون 47 وان ساري المفعول ولم يتم إلغاءه
مادة(70 )
تسري أحكام هذا الباب على جميع المعلمين الذين يقومون بالتدريس أو بالتوجيه الفني أو بالإدارة المدرسية وعلى الأخصائيين الاجتماعيين والنفسيين وأخصائي التكنولوجيا وأخصائيي الصحافة وأمناء المكتبات .
وتسرى أحكام قانون نظام العاملين المدنيين بالدولة الصادر بالقانون رقم 47 لسنة 1978 فيما يرد بشأنه نص خاص في هذا الباب

مادة(89)
يمنح شاغلو وظائف التعليم المشار إليها في المادة (70) من هذا القانون الموجودون بالخدمة في تاريخ العمل بهذا الباب أو الذين سيعينون مستقبلاً بدل معلم وقدره 50٪ من أساسي الأجر ، وتسرى عليهم العلاوة السنوية المقررة،وكل زيادة في الأجور تمنح للعاملين بالجهاز الإداري بالدولة ، وتتم ترقيتهم للدرجة المالية الأعلى وفقاً للأحكام المنصوص عليها بقانون نظام العاملين المدنيين بالدولة ،وتطبق عليهم الأحكام الأخرى الواردة بهذا الباب .
ويصدر قرار من وزير التربية والتعليم بتحديد الوظائف المقابلة لوظائف المعلمين الواردة بالجدول المرفق.
ويمنح شاغلو وظائف المعلمين المشار إليها في المادة (70) من هذا القانون وبقرار وزير التربية والتعليم طبقاً للفقرة السابقة بدل اعتماد بنسبة تتراوح ما بين 50٪ إلى 150٪ من الأجر الأساسي ، على النحو المبين بالجدول المرافق وذلك عند نقلهم من الوظائف المشار إليها في الفقرة الأولى من هذه المادة لشغل وظائف المعلمين بعد استيفائهم متطلبات الشغل والاعتماد المقررة لها ، مع احتفاظهم بصفة شخصية بالأجور التي يتقاضونها ولو تجاوزت نهاية الأجر المقررة للوظائف المنقولين إليها ، وبحيث يبدأ في التطبيق في موعد لا يتجاوز 1/7/2008

ويكون ترتيب الأقدمية بين المنقولين إلى وظيفة واحدة بحسب أوضاعهم السابقة فى حالة استيفائهم الشروط والمتطلبات في ذات التاريخ .
وبهذا تكون الوزارة انتهكت بالفعل والقول والعمل المادة 70 و89 و47 والله أعلم ايه تاني ، ولذلك لابد من عمل شئ نوقف به عن عدم احقية الدرجات المالية أيضا .

مين قال إن العامل المعين حديثـــًا هياخد أكثر من المعلم (( إزااااااااااى ))
وإن حكاية الحد الأدنى طلعت فاشوش و سمير أفندى اتشال بسببها
وجانا الببلاوى أفندى بالحافز .

ههههههههه

طب ما نقارن نفسنا بقى بالسادة وكلاء النيابة والطيارين وبتوع الاتصالات والبنوك و.............و.............و.......
أما بتوع الزراعة اللى بيبقوا شغالين طول السنة حتى يوم العيد

(( الناس دى منعرفهاش )) صح .


ومين قال إن العامل المعين حديثـــًا (( اللى أصلاً بيكون بعقد مع المدرسة أو لإدارة ))
هياخد أكثر من المعلم (( إزااااااااااى ))
وإن حكاية الحد الأدنى طلعت فاشوش و سمير أفندى اتشال بسببها
وجانا الببلاوى أفندى بالحافز .

بص يا زيدان أحمد ربك .