|
طلبه طب ساااااااااااااعدونا
انا طالبه فى تانيه ثانوى وبصراحه انا حلمى وهدفى انى ادخل طب وعايزاكو تساعدونى ازاى كنتوا بتذاكروا وازاى بتنظموا وقتكو انا اخدت كيميا ف تانيه بس كتير بيخوفونى من ده هل ده صح ولا لا؟
|
ان شاء الله تحققى حلمك
بس اهم حاجه انك تؤمنى بقدراتك ويكون عندك امل وثقه فى الله عز وجل أولا اعرفك بنفسى انا احمد ان شاء الله داخل اولى طب ثانيا مينفعش انك تسألى حد كنت بتذاكر ازاى لان كل شخص بيختلف عن الاخر انا كنت زيك كده وسالت وكل واحد كان بيقولى راى وجربت كلو ومرتحتش غير فى طريقتى انما بالنسبه لموضوع انك كيميا مقدرش افيدك فيه لانى طالب ازهر ونظام التعليم يختلف بس انا اكتر اصدقائى كانوا كيميا فى تانيه وكانوا متفوقين ودخلوا طب . |
اقتباس:
|
ماتخافيش يا د ساره ان شاء الله
ربنا يوفقك انا كنت كيميا زيك فى تانيه وانتى ماشاء الله جايبه مجموع كويس استمرى ع هذا النحو وربنا هيوفقك للخير ان شاء الله وتنورى طب السنه اللى جايه انا ساره رايحه اولى طب |
ان شاء الله ربنا يوفقك ان شاء الله يا د سارة
اما بالنسبة للكيمياء متقلقيش خالص انا كنت واخداها فى تانية برضه والحمد لله كانت تمام وبعدين انت ما شاء الله مستواكى ممتاز حافظى على كده واستعينى بالله وهو ان شاء الله هيقف جنبك ويحقق لك كل اللى تتمنيه وبالنسبة لطريقة المذاكرة شوفى انت كنت بتذاكرى ازاى فى اولى وخليكى على كده بس زودى المجهود شوية وكترى المراجعات لان زى ما دكتور احمد قالك ان طريقة المذاكرة بتختلف من حد للتانى وربنا معاكى يا رب ومع كل الطلبة ويا رب كمان سنتين تدخلى كليه الطب وتتفوقى فيها |
ربنا معاكي ياسارة انا شريهان داخلة أولى طب جايبة 99.8% بصي يا جميل انتى شكلك ما شاء الله شطورة اهه ده انا اولى ثانوي دي كنت جايبة فيها 81% باين هههههههههههههههه ماكنتش بفتح فيها كتاب المهم اتوكلي على الله كده وخلي قلبك جامد و الثانوية مش صعبة زي مانتى متخيلة والله سهلة جدا جدا جدا للي يتعامل معاها صح نظمي وقتك كويس و نامي مش اقل من 8 ساعات كل يوم بلاش بقى نظام الناس اللى تقلك انا بنام 3 ساعات بس وبزاكر الباقي !!!!!!!!!!! كلام فارغ طبعا مفيش عدد ساعات ماكرة معين يعني حسب يومك عامل ازاى انا ايام كنت ازاكر ساعتين وايام ازاكر 8 ساعات وايام مازكرش خالص لو عندك يوم فى الاسبوع فيه درسين مثلا ممكن ده تاخديه راحة من المزاكرة او تزاكري فيه ساعتين بس ولو يوم فاضية خالص يبقى زاكري براحتك بقى بس بلاش متواصل متواصل متواصل لازم تاخدي بريك كل فترة مثلا بعد كل ساعتين مزاكرة ربع ساعة راحة بلاش تسهري كتييييييييير لان مزاكرة الصبح احسن 398283740141417 مرة من مزاكرة بعد الساعة 12 دي خليكي مؤمنة انك تقدري تحققي اللى انتى عايزاه و انك تقدري على اي مادة اصلا سنة تانية سهلة جدا بالنسبة لسنة 3 فحاولي تجيبي فيها أعلى مجموع بالنسبة لحكاية الكيميا فعادي جداااا انا كنت كيميا ف تانية مش هتفرق الاحياء والفيزيا مع بعضض صعبين بس مش مستحيلين يعني تقدري بذكاء توفقي بينهم المراجعة المراجعة المراااااجعة لازم اللى زاكرتيه يتراجع كل فترة يعني مثلا لو زاكرتي النهاردة درس قراءة وبعد كام يوم جاية تزاكري درس قراءة تانى تراجعي على الاولاني حاولي كمان لما المدرس يقول ان في امتحان تزاكري للامتحان ده كويس جدا عشان معلوماتك كده هتتجدد باستمرار كلي فاكهة و خضروات كتير و ابعدي عن المنبهات واهتمي بصحتك جدا عشان قلة الاكل دي مش شطارة في ناس تقلك انا من كتير المزاكرة مش باكل , والله ده هبل لازم يبقى عندك ف جسمك طااااقة ماتفتكريش انك لازم كل يوم تزاكري 10 ساعات لأ الكلام ده ف اخر شهر ممكن او اخر شهرين لكن فى الاول ظبطي نفسك بعدد ساعات كويس ربنا معاكي ان شاء الله وكمان سنتين نشوفك معانا فى الكلية :) |
اقتباس:
كلنا كان عندنا الاحساس ده والمذاكره مفيش فيها خبرات دى فن وكل واحد له طريقته وطالما كنتى متوفقه فى اولى لهذه الدرجه استمرى على نظام المذاكرهبس لازم تكثفى مجهودك وخليكى عارفه حاجه ان السنتين دول هيوقف عليهم مستقبلك كله ياما تكونى ياما متكونيش |
وايه يعنى كيمياء فى تانيه !!!!
ايه التفكير الغريب ده |
فعلا كلام الدكاترة صح طالما انت مستواك كويس كده أوعي تسألي حد عن نصيحة أو طريقة مذاكرة وحاولي بقدر الامكان مش تتأثري بغيرك لو ده هيضرك خليكي مع نفسك قيمي نفسك على طول وبلاش الغرور والتقليل من الشأن الزائد
ويارب يوفقك ونشوفك دكتورة. |
اقتباس:
أقسم بالله كلام زي الفل انا ف اولي كنت ناقص 9 درجات "احسبيها انتي بقي:p" وف الثانوي 100% ومن الواضح فعلاً انك اوائل جمهوريه (بنشجعك بقي:022yb4:) ربنا معاكي وترتبي ع الجمهوريه مشتخشي بشري بس كمان |
اقتباس:
يا حيبتي 90% من اليداخلين بشري خدوا كيمياء ف تانيه واحياء تالته بينما الي خد احياء ف تانيه هيا قله شريره مندسه بين الطلاب:d ومعانا دوك هدي كانت خدت احياء ف تانيه وزي الفل ولاخت محبه اللغه "مجموعها جايب بشري وهيا دخلت صيدله" كانت احياء فتانيه فالكيمياء ف تانيه عن نفسي سهله جدا والله والله والله ما كنت بحفظ معادله ودخلت قفلت ال6اسئله كمان اصل الكيمياء دي حلاوتها ف انك تفهمي المعادله مش الناس الي كانوا بيحفظوا كل معادله بالوزن والشروط والشخبطه الي المستر عاملها ف المذكره وف الاخر ولا واحد فيهم عدي 45 اساساً الاحياء تقيله جااااااامد بس يعني اهو مع التكرار هتمشي والفيزيا اسهل ماده ف التاريخ ولا هتبقي تقيله مع ايا منهم والله يعني هيا ساعه ف اليوم بالكتير والله ممكن تخلصي وحده كامله فيزيا فساعه ونصيحه اخويه بلاش تاخدي اي جدول معمول من اي طالب او استاذ انتي لو قدرتك انك تخلصي ف ساعه بضمير ليه تخدي جدول معمول ف3 ساعات مثلا لان فكرك ودماغك مختلفه عن الي حط الجدول فحطي جدول لنفسك بس يكون عقلاني وصارم يعني متقوليش ف اليوم هخلص 14 فصل قصه مثلا هما 4 او 5 كفاااااااااايه اوي وتلتزمي بيه يعني يوم 14/5 مثلا حاطه انك تكوني خلصتي الانجلش مراجعه تخلصيه ف اليوم ده بالظبط 15/5 لأه 16/5 اوعي 17/5 لا تعليق:p وربنا يوفقك وترتبي ع الجمهوريه |
نصيحه
ذكرى زى اما انت بتذكرى بس حاولى تركزى كويس فى مذاكرتك ومتشغليش نفسك بحاجه غير المذاكره ونصيحه المواد كلها تافهه د/محمود عاطف |
طبعا مافيش كلام بعد كلام الدكاترة
فعلا لازم انتى اللى تعملى نظام لمذاكرتك والكيمياء جميلة فى تانية وزى مابيقولو امسكى العصاية من النص اتمنى ليكى التفوق وتدخلى طب زى مانتى بتحلمى |
اقتباس:
|
اقتباس:
|
| جميع الأوقات بتوقيت GMT +2. الساعة الآن 12:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.