حوافز المدارس التجريبية
 

حد يعرف حوافز المدارس التجريبية اتلغت ليه ؟؟؟؟؟؟؟؟ وممكن يرجعوها تانى ولا اللى بيروح مش بيرجع ؟

مين اللي قال هي اتلغت هي فعلا اخرها شهر 4
لكن مسمعناش انها اتلغت يعني

تقريبا ان انا قريت فى مرة ان الوزير قال ان حوافز التجريبى من ضمن 200% فتقريبا يا اما هتتلغى يا اما هتتحسب من ضمن ال200% يعنى لو انتا معلم مساعد بتدرس بالعربى وبتاخد 50% يبقى هتاخد حوافز 25% يعنى 75-50=25 و هكذا ولو بتاخد 75 يبقى انسى ملكش حافز 75% بتاع المعلم المساعد ودة تقريبا كان فى مقال فى اليوم السابع وهية اسمها حافز جهود غير عادية

ياااااااااااااااااااحلاوووه
ايه الجمال بتاع الوزير بتاعنا ده
ده مش بيرفعنا ده بينزلنا للارض

أيوة ياجماعة الحوافز اتلغت خلاص ومش هناخدها خالص ولا لشهر 4 ولا 5 احنا اتساوينا بالمدارس العربى بالرغم من الشغل التقيل اللى عندنا وهى فعلا دخلت فى ال200% اللى بيقولوا عليها وماشفناش منها حاجة

جزانا واياكم ان شاء الله ...... بس غصب عنى انى بقول اخبار وحشة .. الاخبار بتيجى لوحدها والله والواحد مش بقى عارف يلاحق منين ولا منين ...... على الله السنة دى تخلص بقى بجد سنة اعوذ بالله

رمضان كريم

يا أخوة يا أفاضل حوافز التجريبي لا علاقة لها بالميزانية والحكومة والمالية
هذه الحوافز تصرف للمعلمين الذين يعملون بالمدارس التجريبية من مصروفات الطلاب والتي هي أعلي بكثير من مصروفات المدارس العادية
وكذلك يتم صرفها بحسب عدد طلاب المدرسة وكلما كثر العد زاد البند المخصص للصرف ،ولابما يكفي لكل العام ولكن عندما لا يكفي فتصرف حتي ينتهي البند وممكن يكون ده علي شهر مارس أو أبريل بالكثير من كل عام
وأما أن تحسب ضمن ال 200 % ذا خبر سمعته أيضا ولكن إن تم ذلك فمن يعملون بالتجريبيات سكون عليهم فلوس للوزارة هههههههههههههههه وطبعا ده هجص ولو صحيح يبقي المدارس دي هتفشل لأنها لا تكلف الوزارة شيئا طب ولما يلغوها هياخدوا الفلوس دي يعملو بيها إيه

معلش يا جماعة هيا تقريبا ممكن متتلعين ولكن لن يتم صرف الحافز بتاع 75 او 50 او 25 ويتم الخصم كمان وضحت من قبل واللى بياخد 50 هياخدهم ولكن الحفز هيبقى 25 علشان يبقى المجموع 75 وهكذا والله واعلم

المرده دى جايب اثبات




أوضح مصدر مسئول بوزارة التربية والتعليم، أن تقرير مجلس الوزراء للحافز الجديد للمعلمين جاء بعد جهد كبير، واجتماعات متواصلة للوزير مع نائب رئيس الوزراء ووزير المالية وفى اجتماعات مجلس الوزراء لمنح المعلمين مزايا إضافية، بعدما أعتبر المرسوم بقانون الذي منح العاملين في الدولة زيادة في الحوافز لتصل إلى 200% من المرتب الأساسي، أن مكافآت الامتحانات تدخل ضمن الدخل الإجمالي، ومن ثم لن يستحق غالبية المعلمين أية زيادات، ولذلك تحرك الوزير مبكراً للضغط من أجل زيادة حوافز المعلمين ونجح في الحصول على موافقة مجلس الوزراء على صرف حافز آداء للمعلمين يصرف اعتباراً من 1/7/2011 بنسبة 75% من الأجر الأساسي للمعلم المساعد، 50% للمعلم، و25% للمعلم الأول والمعلم الأول (أ) والمعلم الخبير وكبير المعلمين، وهو تقدير من الدولة والمجتمع لدور المعلم في إعداد قادة الغد.
وعن الإداريين بوزارة التربية والتعليم أفاد المصدر بأنهم سوف يستفيدون من قرار رفع حافز الإثابة والذي تضمنته الموازنة العامة الجديدة، حيث سيتم رفع حافز الإثابة لنحو 570 ألف إداري، بنسبة 90% من أساسي المرتب.
وتنص المادة الحادية عشر من المرسوم بقانون رقم 51 لسنة 2011 على " إعتباراً من 1/7/2011 تزاد الحوافز المقررة للعاملين المدنيين بالوزارات والمصالح والأجهزة التي لها موازنة خاصة بها والهيئات الخدمية ووحدات الإدارة المحلية أو ما يتقرر لهم من حافز، بحيث لا تقل جملة ما يتقاضاه كل منهم من مكافآت دورية أو سنوية أو حوافز أومقابل جهود غير عادية أو بدلات أو غير ذلك عن 200% من المرتب الأساسي، ولا يدخل في حساب تلك الزيادة أو ما يتقرر من حافز كل من مكافئات جذب العمالة وبدل التفرغ وبدل الإقامة في المناطق النائية وبدل ظروف ومخاطر الوظيفة.

وبالنسبة للمعلمين يتقاضون فإنهم يتقاضون حاليا حوافز بنسبة 25%، وبدل معلم ثابت لجميع المعلمين قدره 50%، ومكافأة امتحانات تعادل 85%، وإجمالي ذلك مايعادل 160% من الراتب الأساسي، فإذا أضفنا بدل الاعتماد المقرر لدرجات الكادر فسنجد أن النسبة ارتفعت علي سبيل المثال إلى 210% لوظيفة معلم ثم تزيد حتى تصل إلى 310% لوظيفة كبير معلمين، وبإضافة النسب المقررة للزيادة الجديدة ترتفع النسبة الإجمالية لما يتقاضاه المعلمون من حوافز إلى نسب تتراوح بين حد أدني 235% للمعلم المساعد و335% لوظيفة كبير معلمين، وهو ما يؤكد ارتفاع الدخل الإجمالي للمعلمين مقارنة بباقي موظفي الدولة.
ويؤكد مسئولو وزارة التربية والتعليم على حرصهم الدائم علي تحقيق كل ما يسمو بمفردات العملية التعليمية، وفي مقدمه ذلك المعلم عماد العملية التعليمية وركنها الراسخ







كدة حوافز التجريبى ضاعت

معلش يا استاذ عمرو انا بقالى 6 سنوات شغال بعقد عادى وعمرى ما خت تجريبى ولما فكرت ابعت المدرية بتاعة القاهرة اسال فعلا بعت شكوا والمهم انهم ردو عليا بقرار ان العقد العادى ليس له تجريبى بحجت انى مليش فى الكادر والكلام دة من 3 او 4 شهور يعنى ملناش تجريبى بس انا عاوز اعرف بقى احنا لينا فى الحد الادنى ولا لا ارجو النواصل