أخبار عن المـــــــــــــــــــــــــــــــــــدن الجامعية
 

السلام عليكم انا يا جماعة سجلت في المدينة الجامعية لجامعة الفيوم وبعد ماعبيت البيانات دخلت بكم يوم وقالى

لم يتم مراجعة طلبك بعد

طب انا هستنى كتييير؟؟؟
وياريت اى حد قبل في المدينة الجامعية لاى جامعه يقولنا ضرورى

ودا الرابطhttp://srv136.mans.edu.eg/eu/ApplicationForm.py

طيب حضرتك فيه ورقتين لازم تطبعيهم وتقدميهم للكلية علشان كده لم يتم مراجعة طلبك

لازم تروحى المدينة الجامعية بالفيوم

اولا من مدينتك ممكن تنزلى الاستمارة من النت عبارة عن 3 ورقات بتكمليها و كل ورقة بتتختم من شخصين بيضمنوكى لما تروحى المكتب المسؤل فى مدينتك انا مش عارفة عو بيختلف اسمه من مدينة لاخرى ولا لا
وبعدين هتروحى المدينة الجامعية فى الفيوم و تديهم ورقك و هم هيقلولك نظام المدينة هناك

احسنلك تنزلى الورق والاستمارات من النت بدل ما تسافرى مرتين
كدة انا هسفرك مرة واحدة بس

طب انا لسة مقدمتش ف الكلية اقدم ع النت دلوقتى ولا لما اقدم ف الكلية لاول؟

طب مين الشخص المضمون اللى هيختم ع الورق؟؟
وللمعلومية انا ماقدمتش في الكلية اصلا..
يعنى الاول الكلية ولا المدينة؟؟
وروح امتى؟؟
اليومين دول يعنى؟؟

ارجوا الرد لو سمحتوااا بسرعة

ياجماعه
مفيش اى اوراق بتروح الكليه غير لما تظهر نتيجه النت اول يوم 9/9 ودا مكتوب للمستجدين لكن للقدام يوم 24/8
ويقولك اذا كنت قبلت ولا لأ لو قبلت بتخلص ورقك ومنهم ورقتين الضامن الاجتماعى
الضامن بيكون اى حد يعرفك والدك عمك اى حد وبتروح تتختم من الهيئه الى هو بيشتغل فيها

ربنا ييسر لنا الامور جميعا
والله اعلى واعلم

انا سألت في منتدى تاني دكاترة وقالوا لازم ملف المدينة يتجاب من هناك وان تقديم النت ده مالوش لازمة وبالنسبة ليهم قالوا ان تقديمهم للمدينة في طب عين شمس على سبيل المثال نهايته الأحد القادم فمش عارفة هل الكلام ده علينا ولا لأ
كمان قالوا تقديم الكلية الأول وبعدين المدينة
وبالنسبة لتقديم المدينة كده هيحتاج مشوارين مرة للملف ومرة بعد ما تملى البيانات وتجيب الدمغات والكشف الطبي.

لازم حد يضمنك وما يكونش ولى أمرك كمان الضامن ده لازم مرتبه يكون أكتر من 300 جنيه علشان لو ما دفعتش مصاريف المدينة يكون هو المسئول وبيملي ورقة ضمن الملف ده ويختمها من شغله وبتوديها تاني
كمان محتاج 20 صورة 4*6 وصورة لبطاقتك و أصل وبطاقة ولى أمرك

تمام كلام واحد من الناس مظبوط بس فى 2 بيمضوا عليها و كمان الشعار بيتختم على كل ورقة
بس انا بتكلم على المدينة الجامعية تجهزى ورقك و تقدمى على طول فيها مش تستنى اى حاجة

ازاي مش لازم نقدم في الكلية الأول؟

المستندات المطلوبه :

1- استيفاء طلب الالتحاق بالمدينة الجامعية بكافة الرسوم والدمغات
2- بطاقة الرقم القومي اصل وصورة
3- صورة من بطاقة الرقم القومي لولي الامر
4- صورة بطاقة الرقم القومي لشخص ضامن
5- ايصال حديث لفاتورة الكهرباء او الماء او الغاز تثبت السكن
6- بطاقة الترشيح اصل وصورة
7- عدد 20 صورة حديثة 4*6
8- اجتياز الكشف الطبي واجراء التحاليل الطبيه اللازمة لدي ادارة المراقبة الطبية

ياجماعه انا كنت فى شئون الطلاب جامعه المنصوره النهاردا وقلوا مفيش حاجه اسمها سحب ملف قبل ما تظهر ع النت اذا كنت حولت ولا لأ
والنظام دا جديد السنادى لأن الطلبه عملت مظاهرات السنه اللى فاتت لأنهم جابوا الملف ب75 وخسروا تمنوا لأنهم متقبلوش
بالنسبه للضامن عمى كل سنه بيعملوا لأختى وبيختموا من المدرسه اللى هو شغال فيها وبتروحى تختميها من مكتب كدا فى الركز مش عارفع اسموا ايه بالظبط هبقى اسأل واقولكوا
بالنسبه للصور معرفش بالظبط بس اختى كل سنه بتودى 7 تقريبا مش عشرين

والله اعلى واعلم

مفيش اخبار عن المدينه الجامعيه لجامعه المنيا

كلوا زى بعضوا على فكره ادخلى ع اللينك واختارى جامعتك

السلام عليكم
لو سمحتم طمنوني انا سني كبير عن زاميلي يعني انا مواليد 92 وهما 93 هل معنى كدا اني مش هدخل مدينة
ولا ايه
وفي سؤال تاني هو بالنسبة لجامعة المنصورة هنسكن بعد الدراسة باسبوع ولا المستجدين الي هما احنا بيتاخروا في السكن يعني ااجر شقه مع حد ولا استنى ولا ايه النظام
يا ريت لو حد عنده معلومة يقولها اصل انا خايفه من البهدلة .