أهم كتاب خارجى للرياضيات (1) تانية ثانوي
 

بصرااحة










المعاصر احسن كتاب خارجي للرياضة

السلام عليكم

اولا افضل كتاب تحل منه فى تانيه ثانى هو دليل التقويم يليه مباشره كتاب لامى لانه جامع كل الاسئله من اسهل ما يمكن لحد الاسئله الصعبه جدا للى فيها تفكير لامى كويس جدا وفى نظرى احسن من المعاصر كمان

نصيحه: سيبك من حكايه الكتب الخارجيه وركز على حاجتين (كتاب المدرسه / دليل التقويم) ولو انت فاضى حل من المعاصر فقط...........عن تجربه والحمد لله جبت 50

كتاب لامى طبعا انا كنت بحل منه ممتاز جدا

انا مع المعاصر من يوم ماتولدت ومنقصتش خالص فى الرياضه

يا عم فى كتير زى ما قولتلك فى لامى والمعاصر و100% وحاجات تانيه كتير بس الفكره حرام انك تجيب كل ده
لان لامى ودليل التقويم فيهم كل حاجة ممكن تتحل عندك قولتلك من اسهل حاجة لاصعب حاجة

المعاصر ولامي وكتاب سلسلة الأوائل اللي المستر بتاعنا هو اللي عامله ... المعاصر لسا مبدأتش احل فيه
لكن هتكلم عن لامي في مسائل حلوة جداااا جداااا وبأفكار مختلفة وجميلة والمعاصر طبعااا منغير كلام كتاب رااائع ومنظم
مش بس في الرياضيات في الفرنسي كمان رااائع ...

انا هقولك الخلاصة وهتكلم عن المعاصر لانى مجربتش غيره
اولا كتاب الشرح والتدريبات : - شرح كل درس بالتفصيل
- عمل امثله محلوله على الدرس
- عمل تدريبات كتيييييير ورا كل درس ومحلوله كلها فى ملحق الاجابات
- بعد كل وحده نموذجى امتحانات عليها غير محلوله
- حوالى 20 امتحان للمعاصر + امتحانات السنين اللى فاتت كلها محلوله
ثانيا كتاب المسائل : - ملخص سريع على كل درس
- تدريبات كتييير على الدرس + تدريبات المدرسى + تدريبات الدليل + الاسئله اللى وردت سابقا فى الامتحانات
- وبعد كل وحده 3 نماذج امتحانات غير محلوله + اسئله للطلبه الفائقين محلوله وصدقنى عمرى ماعرفت احلها
- حوالى 20 امتحان للمعاصر + امتحانات كل السنين اللى فاتت من 1995 الى 2011 للدورين وكلهم محلولين

انا بقى بجيب الكتابين وبذاكر فى الشرح وبحل فى المسائل لانى مبحبش اعتمد على مدرس

بص انا شفت لامى مع واحد صاحبى وزباله ومسائلو كلها تافهه كنا بنحلها على الواقف

اما ميه ميه كويس بس المعاصر انضف وفيه نظام ومسائل اكتر منه