|
ll - آســــف جـــــدا بس أدعـــولي ^^" - ll
بسم الله الرحمن الرحيم السلام عليكم و رحمة الله و بركاته ^^ اولا مش عارف ابدأ منين و لا منين ؟ ممم .. انا قررت خلاص اني امشي من المنتدي ( ده خلاص قرار نهائي ^^ ) بس و الله مش علشان أي سبب هنا مزعلني ممكن يكون ( من ضمن الاسباب ) ان المنتدي فيه مشاكل كتير و معادتش فيه الروح اللي كنا بنحسها فيه زي رمضان اللى فات كده ( ده احساسي انا :D ) بس و الله مش معني كده اني زعلان من أي حد هنا .. و الله ربنا وحده عالم انا كل واحد فيكم بحبه في الله و بعزه أد ايه و الله من غير نفاق او مجاملة بس جه الوقت اللى خلاص مش هقدر اكمل تاني و كمان بقالي فترة تعبان صحيا .. ياريت تدعوليى ^^ و اتمني تذكروني بالخير كلكم و لو حد افتكرني يبقى يدعيلي ^^ انا زي أخوكم برضه :P و بصراحة كنت كاتب لكل واحد فيكم كلمة اقولها هنا فى التوبيك بس الجهاز النسخة باظت و عملت نسخة جديدة و ملف الوورد كان ع الديسك توب و اتمسح فقولت خلاص مش لازم أكتب لكل واحدة كلمة انا هكتب ( بعض ) الناس اللى حبيتها و اتعاملت معاها و يارب منساش حد علشان عارف اني هنسي ناس برضه ليها معزة عندي بس و الله اللى مش هكتبه ميزعلش مني J أساتذتي ^^ أ/ ممدوح مصطفىالانصاري .. الأستاذة أم شاهندة .. الاستاذ أبو بطة .. الاستاذةنغم أ. محمد حسن ضبعون الاستــاذة F الاستاذ ضياء الدين سعيد الاستاذ علي( Mr.Ali ) الاستــاذ رضا عطية .. الاستاذة آية كمال استاذ عبد الله الرفاعي أستاذة ام عمار أستاذ صوت الامة استاذ محمد حسين الشربيني ---- معلش لو نيست حد بس و الله بحبكم كلكم في الله J الاميــــر محمد حودةجمال زيكا ستار . بيبــو 96 بانزر .. وليــد أنصاري . محمــدالشربيني ( اللورد ^^ ) The Coder مصطفى وليد .. عمـــار فور ايفر .. عاشق البلانكو .. أمجــد ( يوزر نام ) فري لاف . بلالل.. عابر سبيل ( طاهر ) أحمد ابو الفتوح هاني الشرقاوي دي برولي ربنا يوفقكم يارب و انتوا كلكم اصحابي و حبايبي ربنا يوفقكم و يكرمك و يثبتكم دايما و طبعا متواصل معاكم ^^ باذن الله و أدعولي برضه J ......... ..Love Ur Life سمرسعد حبيبة حمدي نقاء الروح مكعبات روووز توووتة Just Imagine نور الايمان Yoya for Ever Moon master سؤئةالطيوبة لولي التريكاوية ويل ويل 7 توتو الصغيرة ياراعطية عاشقة الطفولة مسلمةمتفائلة أريد الجنة أسطورةالاحزان الصمت الحزين تسابيحالنجوم كوول جيرل عزة صوفيا د. ميادة صوت العقل Eng.Hager محبة الرسم أريد الفردوس الاعلي *moon* شروق sh المياه آنجل جيرل انا مسلمة ابتسام دانا 2000 بنت من المستقبل H.M هوبفول جيرل داندن Lina – The Sad Angle ميستي آنجل اخواتي طبعا .. ربنا يثبتكم على دينكم و يوفقكم و يكرمك يارب و يحفظكم من كل سوء ^^ اللهم آمين أكيد نيست ناس كتييييييير بس و الله أي حد نسيت أكتبه برضه بحبه فى الله و الله و دعواتكم كلكم بالشفاء لفـــرح ( الصمت الحزين ) و لي ^^ و ربنا يعجل بشفاء جميع المسلمين .. اللهم آمين و ربنا يوفقنا جميعا يارب العالمين أستودعكم الله ^_^ " في رعاية الله جميعا و السلام عليكم و رحمة الله و بركاته .. |
انت متعرفش وانا بقرا الوضوع قلبي اتقبض ازاي :o
ليه يا حلمي عاوز تسيب المنتدي:angry2: اذا كنت مريض ان شاء الله ان شاء الله ربنا يشفيك ويعافيك دايما وهدعيلك في كل صلاه انما انك تسيب المنتدي ده قرار مش بايدك:( ومفيش حاجه اسمها قرار نهائي كل قرار ممكن الرجوع فيه ارجوك راجع نفسك تاني وقلل دخولك علي المنتدي لو متضايق بس مينفغش فنان المنتدي يسيب المنتدي فاهم:friendsxs3: |
زعلت جدااا بجد لما شفت التوبيك ياامحمد..:( رغم انى عاارفه انك اخد القراار من زماان انت انساان واخ محترم بجد وهنفتقدك جدااا بس عموماا ربناا يوفقك للخير دايماا ويوفقك فى كليتك ان شااء الله .. وربناا يشفيك وتكوون بخير قريب جداا بالتوفيق.. :( |
ياااااااااااااااااا الهي لا حول ولا قوة الا بالله
"اسأل الله العظيم رب العرش العظيم ان يشفيك شفاء لا يغادر سقما عاجلا غير اّجل" بس ليه يا محمد عايز تسيبنا و تمشي..بجد ناس كتير اوي هتزعل و انا منهم يا رب يكون السبب خير ربنا يجمعنا ع كل خير |
الظاهر ان انا كمان هسيب المنتدى قريب اوى:blush:
ليه ياجماعة كل الناس الكويسة اللى ف المنتدى بتمشى :( سمر ومستر على وغيرهم كتير واخرهم محمد كمان:excl::frown: اكيييد المنتدى عمره ماهيرجع زى الاول طالما انتو مشيتوا والله انا بقيت بتفاجىء بالقرارات دى عموما حضرتك اخ فاضل وبنتمنالك التوفيق ف حياتك ولو انى زعلت جداا والله بسبب قرارك ده:o بس عموما ده اختيارك واكيد عمنا ماهننسى مشرف محترم زى حضرتك وربنا يشفيك يارب وبالتوفيق ف الكلية ان شاء الله:) |
اولا ربنا يشفيك ان شااء الله بس ليه كده يعنى لو كان على الكلية عادى ممكن تدخل على فترات انا شايف اللى بيحب حااجة ما بيسبهاش يا ريت تراجع قرارك كويس |
:(طب انا مش عارفة اقول اى بجد
قرار مؤسف جدا اتمنى الرجوع فيه يا حلمى بجد حضرتك المنتدى هيبقى وحش من غيرك ونتمنى ترجع تانى حضرتك عارف ان كل الاعضاء بتحب وجودك عارفة انك كنت عاوز كدة من فترة وافتكرت خلاص صرفت نظر بس اتمنى تعتبر ان دى فترة كدة تنفرد بنفسك شوية ((كلنا بنحتاج كدة)) وترجع تانى بجد انا هعتبر ان الحكاية كلها فترة اتمنى مش تطول ويا ريت حضرتك ترجع تانى والف سلامة على حضرتك أسأل الله العظيم رب العرش العظيم ان يشفيك ويزيل كل احزانك يا رب يا شافى اشف محمد حلمى وفرح وكل المسلمين يا رب كان فى استاذ كان قال انه هيعلمنا الرسم على اصوله فى قسم الفنون ومشى اعمل اى انا :d لا يا حلمى ان شاء الله حضرتك راجع تانى منتظرين العودة .... |
الموضوع زعلني جدا رغم اني كنت متوقعاه لكن تمنيت انه ممكن تغير رأيك لأن بجد هنفقد انسان محترم خلوق و فنان جميل تواجد معانا ، و ربنا يوفقك فحياتك وفكليتك ويشفيك وتكون بأفضل حال دائماً |
محمد حلمي او .. فنان المنتدى .. كما اطلقت عليه .. اشكرك على ان ذكرت اسمي ضمن الأشخاص المقربين اليك .. محمد كان وما زال اخا صغيرا لي سنا ولكنه كبيرا مقاما .. ما قصدته في شيء الا ونفذه ليه على الرحب والسعة قال كثيرا انه يريد ان يترك هذا البيت وقرر فعلا ثم تراجع والآن اخذ القرار مرة ثانية .. واعتقد انه لا رجعة فيه .. عندك كل الحق يا محمد في ان المنتدى لم يعد كما كان منذ عام او اكثر .. وهذا اضطر الكثير في التفكير في الرحيل عنه وسيظهر قريبا الكثير الذي يخرج لنا بموضوعا مثل موضوعك هذا .. اخيرا .. ادعو الله لك ان يتم شفاءك على خير كما ادعوه سبحانه ان يوفقك في ايامك المقبلة وسنواتك الأتية وان يجعل الفلاح والنجاح حلفاءك دائما انه ولي ذلك والقادر عليه |
لا حول ولا قوة الا بالله .. حقيقى انا حزينة جدا للخبر ده ..
ممكن حضرتك تبعد فترة لحد نفسيتك ما ترتاح .. وصحتك تكون افضل .. لكن انك تبعد على طول عن اخواتك واصدقائك .. شئ محزن لينا بجد .. من فضلك راجع نفسك تانى .. اتمنى ان ربنا يخفف عنك ويشفيك ..ويوفقك فى حياتك ان شاء الله .. واتمنى حقيقى انك ترجع فى قرارك ده .. حقيقى هنفتقد اخ طيب خلوق .. ربنا يوفقك دايما .. |
ليه يا محمد ؟؟ .. اينعم ربنا يشفيك و يعافيك .. بس انا صدى ان الواحد لما يتعب بيخف ..و مش المشاكل اللى تخلى الواحد يبعد يا محمد .. عمتاً ده لو قرارك اتمنى لك حياة علمية و عملية كويسة .. و اشوف كلمة Helmy Designs على اكبر الماركات و الاسكتشات العالمية ^^
|
وعليكم السلام ورحمة الله
محمد لو ده قرارك اتمنى لك التوفيق فى حياتك كلها وربنا يشفيك يارب ويعافيك وتكون احسن من الاول بأذن الله وربنا يكرمك ف كليتك وتحقق كل اللى تتمناه بالتوفيق دايما اختك ابتسام:) |
كيف يكون شعورنا عندما تغمرنا السعادة لما نهنئ عضو بالتسجيل في منتدانا الغالي وكيف يكون شعورنا لما نفقد ونودع عضو مثلك له بصمة في أرجاء منتدانا الغالي و الله كلمات الوداع تترك الأثر العميق في القلب ومع ذلكن فنحن نقدر ظروفك ونفتقدك جدا ولك بصمة لن تمحوها الأيام ولا الغياب فنحن لن ننسى فنان المنتدى ابدا ولن ننسى مجهوداتك العظيمة هنا وانا لن انسان حتى لو تركت هذا المنتدى واشكرك لذكر اسمى فى التوبيك ربنا معاك ويوفقك ويشقيك ويكرمك يا رب وتحقق كل امانيك واحلامك وبالتوفيق دائما |
على فكرة انا مش حرد عليك
لينا يوم حنتقابل فيه :d |
شفاك الله وعافاك يا محمد
أنت انسان مهذب وعلي خلق طيب وان شاء الله ربنا هيوفقك في حياتك الجامعية وحياتك الخاصة ويا رب أشوفك فنان كبير في القريب العاجل بأمر المولي عز وجل . وان شاء الله تعود يوما ما للمنتدي بعد أن تكون كل الأوضاع الخاطئة قد تم تصحيحها . فأنت من الأعضاء الذين يضيفوا للمنتدي , ولكن مع الأسف الشديد أصبح المنتدي يتبع سياسة ( العملة الردئية تطرد العملة الجيدة من التداول ) أدعو الله عز وجل أن يسعد أيامك وحياتك ويحقق لك كل أمنياتك وطموحاتك ان شاء الله . خالص تحياتي ودعواتي لك يا فنان المنتدي بالشفاء العاجل شفاء لا يغادر سقماً . Mr. Ali 1 |
| جميع الأوقات بتوقيت GMT +2. الساعة الآن 08:09 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.