ممكن ولا لأ____________________________________
 

[color="rgb(139, 0, 0)"]بسم الله الرحمن الرحيم[/color]

دلوقتى يا جماعى انا جاتلى حاسبات ومعلومات حلوان بس سمعت ان حاسبات حلوان مستواها اقل من القاهرة وعين شمس وقالولى الى مادخلش حاسبات عين شمس او القاهرة يبقى مدخلش حاسبات فانا كنت عايز احول القاهرة بس انا مجموعى 382.5 والقاهرة اخذت من 383.5 فينفع احول ولا لأ ولو ينفع اعمل اية علشان احول من فضلكم افيدونى

فى السنة دى مش هينفع تحول ممكن تقضى سنة فى حلوان وبعدين تحول عادى للقاهرة بدون اى مجموع

وعلى فكرة انا زيك عايز احول القاهرة وجتلى حلوان بس انا جايب مجموع القاهرة انا جايب 384 بس مش عارف اعمل اية ؟

انا بردوا دخلت حلوان

بس سؤال يعنى هما اللى فى حلوان دول هيدرسوا ايه غير اللى كله بيدرسه ؟!!!

معرفش والله بس كل الى بسألوا بقولى عين شمس او القاهرة احسن معرفش احسن لية!

بس انا عرفت ان لو مثلا واحد جاب امتياز فى حلوان لو حول القاهرة هيكون تقديرة اقل ممكن مقبول فهل دة صح ولا غلط

على حسب علمى حاسبات عين شمس احسن واحدة وعايز احول ليها بس مش عارف اعمل اية

ينفع احول ولا لأ ولو انا قضيت سنة فى حلوان ينفع احول لعين شمس وهل لو حولت تقديرى بيقل ولو ينفع احول من دلوقتى من حاسبات حلوان لحاسبات عين شمس قولولى اعمل اية بالله عليكم

مين قال ان حاسبات حلوان مستواها اقل !!
انا ف حلوان و ليا ناس ف القاهره و بندرس نفس المواد بالعكس ده انا ممكن افهم اكتر

الموضوع مش ف المستوى الموضوع ف الطلبه نفسهم
هى هى نفس المواد المشكله بس هتكون ف الدكاتره و احنا عندنا دكاتره كويسين جدا و ف الوحشين جدا و ده ف اى جامعه مش حاجه مختصه بيها جامعه بس

انا كنت عايزه احول و مش كنت عايزه الكليه من الاساس و رغم ده كله و رغم انى داخله مش عايزاها الا انى استفدت كتير جدا و الله
الموضوع مش هتحسوا بيه ف سنه اولى بس هتحسوا بيه بعدين لما المشاريع تبتدى و كده

كليه حاسبات عموما نصها سيلف ستدى و ف حلوان الدكاتره حتى ف الاجازه بيسعدوا اللى عايز يشتغل بجد

و الله يا جماعه انا سمعت عنها كلام ذى الزفت ساعه التقديم و انا لسه بكرها عادى بس الحق يتقال انها كويسه و مستواها كويس جدا و الدكاتره ممتازين و المعيدين بيساعدوا جدا ماعدا معيد واحد هسبكوا تعرفوه لوحدكوا :d:d
و بجد لو اجتهدت فيها هتبقى حاجه جامده اوى فعلا

و حلوان فيها حاجات كتير مميزه ( انا مش بمدح فيها علشان حاجه بالعكس و الله بس ذى م قولت الحق يتقال )

و ف شركات كتير بتيجى الكليه عندنا و بتدى محاضرات ذى ميكروسفت و اى تريبيل اى ز غيره و غيرها
ده غير السمر ترينينج ف اى شركه و لما تيجى تتخرج مش هيسالك انت خريج جامعه ايه .. هيسالك انت بتعرف تعمل ايه

كل جامعه و اكيد فيها اللى بيميزها بس علشان القاهره و عين شمس مشهورين ف الناس بقت تفكر اى حاجه تانى لا

صدقونى حلوان حلوه و فيها وحش اه بس فيها مميزات كتير و هتساعدك انك تبقى كويس جدا و المعيدين و الدكاتره تحفه ( بغض النظر عن القله اللى عايزه الحرق :d

يمكن لو حد شاف كلامى ده من دفعتى ( دفعتى صغيره ف بنعرف بعض بسهوله :d ) هيستغرب جدا علشان انا كل يوم بشتم فيها بس انا نزلت القاهره و كنت هحول و حمدت ربنا ان التحويل منفعش

المشكله بس انهم فيهم طلبه واخدين الموضوع جد و بيشتغلوا بجد لكن ف حلوان نص الدفعه بيبقى عايز يلعب و مش هامه بس هو ده الفرق

و ربنا معاكوا بقى :d

شكرا جدا جدا لأهتمامك ولو سمحت كنت عايز اعرف معلومات عن قسم هندسة البرمجيات الى فى حلوان واية مجال شغلة واية الفرق بينة وبين الاقسام الاخرى

لا شكر ولا حاجه المهم اكون ساعدتكم

بص القسم ده بيبقى التخصص فيه من سنه 1 و بيكون بفلوس ( مش عارفه كام تقريبا بصراحه )

اولا هو مافيش اختلاف كبير بينه و بين الباقى بيمعنى ان ف 1 كانت نفس المواد بالظبط بس معرفش بعد كده ايه النظام

بس ينفع لما توصل 2 او 3 ( شعبه عامه يعنى اللى هى العاديه ) تعمل معادله ف كام ماده بس و تدخل هندسه البرمجيات ف ده دليل ان نفس المواد بس اختلاف بسيط جدا

عموما انا لما جيت اقدم من زمان كده و سألت قالولى هى هى و عموما ف كل الاقسام بتاخد نفس المبادىء سواء كان كمبيوتر سينس او انفورمشن سيستم او هندسه البرمجيات

الفرق ف الدراسه هيكون بسيط جدا ،، انما عدد الدفعه ف القسم ده بتكون صغيره اوىىىىىى

من رايي الشخصى يعنى ادخل عادى الشعبه العامه و لو احتجت اى حاجه زياده ممكن تاخد كورس او سيلف ستدى يعتى

و عموما انت لو سالت اى حد ف القسم بتاعه هيقعد يشكر فيه و يقولك ده احسن واحد و الباقى سلطه :d بس بجد ادخل العادى مش ف فرق خالص

بالنسبه لموضوع الشغل ف كل اقسام الكليه بيشتغلوا المهم قدراتك انت

يعنى لو اجتهدت و اشتغلت كويس و دربت نفسك مليون حاجه هتقبلك :)

متشكر جدا جدا جدا

لو عايز تحول روح شئون الطلبة قدم طلب تحويل وخلي السكرتيرة تمضي علية وكل سنة وانتا طيب .....بسيطة مش كدا