ياجماعة والنبى حد يفهمنى انا هموت من القلق
 

ياجماعة هو فى تحويل ورقى ولا لا لانى قدمت على وطبعا اترفض انا جاتلى تجارة انجلش طنطا وعايز احول للقاهرة لانى بجد مش هعرف اعيش فى طنطا لان عندى ظروف صعبة اوى تمنع كده ارجو لو حد يعرف حاجة عن التحويل الورقى يقولى وكمان ايه هى الطرق والخطوات الى الواحد يعملها ارجو الرد السريع والمؤكد

ربنا يعينك كان نفسى اعرف اساعدك بس هكتفى بالدعاء لانى فعلا مش عندى اى معلومات انا محتاسة زيك
ربنا يعينك وييسرلك امورك وان شاء الله تتحل وتفااااائل بالخير تجدة ان شاء الله

بص يا سيدى انا من اليكس و رحت انهارده مكتب التنسيق و عملت التحويل الورقى ده موجود و كل حاجه بس انا شفت حاجه و مش عارفه دى هنا بس ولا على مستوى الجمهوريه (مفيش تحويل من الكليات اللغات يعنى مينفعش تحول من اى كليه لغات لكليه مناظره عايز تحول بقى ممكن تحول عربى او اى كليه تانيه مجموعك جايبها الموظفه قالت ان ده قرار وزارى) شوف برضو بينك و بين نفسك انهو افضلك تحول القاهره عربى و لا تكمل طنطا انجلش ؟!! و ربنا يوفقنا كلنا.

انا عارف ين جالك فنون جمياة المنيا و عايزة تحولى و انا كمان بس انا عايز احول لحلوان بس لما روحت انهاردة الجامعة قالولى لسة مش انهاردة , و بعدين ازاى يتفتح فى محافظات و محافظات تانية لا ؟

شكرا لردك ويارب يكون فى تحويل بقى انا زهقت وقرفت من اليوم اللى دخلت فيه ام التعليم

اولا شكرا لردك ثانيا هو انا فعلا بعد لما نتيجة التنسيق طلعت انا اتصل بكتب التنسيق وقالولى مفيش تحول فى كليات اللغات لكلية مناظرة بس لما التحويل نزل على النت لقيت التحويل مفتوح عادى وعملت طلب تحويل بس اترفض

والله انت فى مصر يعنى كل محافظة لا ده مش كل محافظة ده كل شارع بيبقى كانه دولة لوحده

اولا شكرا لردك ثانيا هو انا فعلا بعد لما نتيجة التنسيق طلعت انا اتصل بكتب التنسيق وقالولى مفيش تحول فى كليات اللغات لكلية مناظرة بس لما التحويل نزل على النت لقيت التحويل مفتوح عادى وعملت طلب تحويل بس اترفض



اى خدمه , بس الموظفه انهارده رفضت تماما انها حتى تستلم طلب التحويل من كذا شخص عايزين يحولوا انجلش اليكس , فلازم يكون عندك حل بديل.

طب عايز اعرف استفسار هى تجارة عربى بتفرق جامد عن تجارة انجلش من حتة الشغل والكلام ده يعنى

اولا الف مبروك على التحويل
بس هو الكلام ده من مكتب التنسيق ولا من الكلية الى عايزين نحول اليها ؟؟؟؟؟ لانى اتصلت ببوابة الحكومة الالكترونية وقالى احنا معندناش معلومات روح الكلية واسال ؟؟ يعنى انا عايز احول من هندسة حلوان للقاهرة اروح كليه الهندسة جامعة القاهرة ولا مكتب التنسيق الرئيسى ؟؟ وهل فى طلبات تانية فى ناس قالولى بيان حالة من حلوان مع انى لسه مقدمتش ؟؟؟
شكرا ومنتظر الرد

طب يعنى بالنسبة للمرتبات لو انا فى تجارة عربى ومعايا كورسات هلى المرتب بتاعها بيبقى قريب من تجارة انجلش ولا لا بيبقى اقل بكتير ولو تعرف تقولى كحد ادنى لمرتبات تجارة عربى وانجلش

لأ للاسف معنديش فكره اوى عن الموضوع ده , بس طبعا لو انت انجلش بتقدير و بتشتغل فى بنك او شركه كبيره بيبقى مرنبك حلو جداااا , تقدر بقى لو عندك واسطه انك تشتغل فى مكان زى ده يبقى مش هتفرق كتير عربى من انجلش, بس برضو اسال حد فى المجال ده

معلش انا عارف انى تقلت عليك اوى بس انت متعرفش حاجة عن تجارة خارجية اللى فى حلوان يعنى شروط القبول ومستقبلها وكده يعنى وهل ينفع احولها دلوقتى

انا مستنى ردك ضرورى جدا يا استاذة سمر ... علشان لغاية دلوقتى مش عارف هحول فين ؟؟؟؟

اولا انا هستنى مبروك دى ان شاء الله لما احول :)
ثانيا : بالنسبه للتحويل انت بتروح مكتب التنسيق التابع للجامعه الى عايز تحول اليها يعنى انا عايزه احول من المنيا لاليكس رحت مكتب التنسيق هنا فى اليكس التابع لجامعتنا احنا .
ثانيا الطلبات (وصل مياه او نور انا وديت ال 2 , صوره بطاقتك , صوره استمارة النجاح , صوره بطاقة الترشيح, و احتياطى خد معاك صوره بطاقة باباك هى اخدتها منى عادى , و طبعا ال150 جنيه :d )
و اسفه جدا انى مشفتش المشاركه السابقه :)
و ربنا يوفق الجميع

لا طبعا عادى انا اتمنى انى اقدر اساعد حد , بس انا مش فاهمه يعنى ايه تجاره خارجيه اساسا للاسف :$