قدمت فى التحويل الورقى !!
 

بسم الله الرحمن الرحيم
عشان كله قلقان بخصوص التحويل الورقى:
ايوه يا جماعه فى تحويل ورقى و انا رحت انهارده و قدمت و اخدت الوصل و قالولى تعالى اسألى كمان اسبوعين الطلبات انتوا عارفينه ابس انا شفت حاجه و مش عارفه دى هنا بس ولا على مستوى الجمهوريه (مفيش تحويل من الكليات اللغات يعنى مينفعش تحول من اى كليه لغات لكليه مناظره عايز تحول بقى ممكن تحول عربى او اى كليه تانيه مجموعك جايبها الموظفه قالت ان ده قرار وزارى)

طيب ده انتى من اليكس لكن الى فى حلوان و قالو ان لسه مفيش حاجة نعمل ايه

يبقى تستنى يوم السبت , لحنا هنا فتحوه انهارده بسبب المشاكل و المظاهرات اللى كانت عند اداره الجامعه امبارح , استنوا السبت باذن الله اكيد هيفتحوه فى باقى المحافظات

و هو ازاى اساساً يفتحو فى محافظة و الباقى لا

يعنى احنا لازم نكسرلهم الحاجة علشان يفتحوا , بلد زبالة زى ماكنت

السبت اجازة يا جماعة على فكرة ... انا كمان هاروح الكلية بس يوم الاحد عشان اشوف التقديم وكدة

ربنا معاكم :)

ودفعتي كام بقى؟

انا كنت لسه فى كلية فنون جميلة الى فى الزمالك امبارح و قالو ان التقديم بعد العيد علشان مش تيتعب نفسك .

الكلام ده فى جامعة اسكندريه , اسأل تانى الاسبوع الجاى.
دفعت 150 جنيه رسوم بس , لو اتقبل ان شاء الله اروح ادفع فى الكليه فى الاغلب 3000

هما طلبوا منك المبلغ ده ولا ايه النظام يعنى ؟

ال 150 بيطلبوها منك و انت بتقدم الطلب , ال 3000 دول على حسب الكليه مش ثابتين و برضو بيطلبوهم منك بس لما تحويلك يتقبل و بيبقى فى هيئة تبرع للكليه الى انت محولها و بتدفعهم فيها مش فى مكتب التنسيق

يعنى ال 3000 دول بيطلبوا رسمى كده