|
جروب اللغة العربية (1)
اهلاً بيكم معـــــــــــــانا فى جروب مادة اللغة العربية لسنة تانية ثانوى عام .
هنا أنا هكون بمثابة الصديق الصدوق لكل الأعضاء بإذن الله تعالى , وعاوزين نبدأ صفحة ناصعة البياض مع بعض لغاية منوصل لمرحلة من السنة نكون فيها متمكنين خالص من المادة ومرجعنها تمام ان شاء الله . وزى مقلت قبل كدة انا لما اقترحت الفكرة دى كان هدفى نعمل جروبات تواصل فى كل المواد دا بحسب اجتهادنا يعنى أنا هعمل زى المنظم الى بيوزع المهام ويطمن انى الكل ماشى معانا فى المذاكرة , وكمان هنربط الفات بالحاضر عشان مننساش أى حاجة ورانا كله أول بأول . والى عاوز يقرأ الموضوع من أوله ويشارك معانا بآراؤه وكما لو حابب يعمل جروب لمادة هو حاسس انى يقدر يدى فيها أهلاً بيه أو بيها , ممكن تروحوا على موضوع (فكرة هاااااااااااااامة للغاية ) ودا هتلاقوه فى قسم (اجتماعيات طالب ) على الول من بره . ويلا نبدأ عهد جديد كله حب ووفاء وتقدير واحترام فيما بينا |
ربنا يوفقنا كلنا يارب ونجيب 100%ان شاء الله
|
:040vk0:ااه صحيح انا بقي مشكلتي البلاغه مابطقهاش ومش بعرف اقفلها
|
البلاغة هى علم الكلام ، يعنى ازاى ممكن نتكلم لغة عربيةبشكل فيه زوق ويعبر عن مقاصدنا بشكل رائع .
دا الصورة الأولية للبلاغة عشان تبقو حاسييين بيها . |
اوكي ماشي انا بس بطلب من سيادتك انك تشرح لي البلاغه كلها طبعا علي اجزاء وفي الوقت اللي حضرتك تبقي فاضي فيه
|
عاااااااااااااااااااااااملين ايه ياشباب سنة تانية .
|
هنبدأ المناقشات باذن الله .
يلا ياشباااااااااااااااااااااااااب . |
فكرة رائعة جدا شكرا على الموضوع وياريت لو تقبلنى كعضو معاكم وان شاء الله اقدر افيدكم اقتباس:
البلاغة دى عاوز واحد مدرس متمكن يفهمهالك واحسن حاجة تفهمك البلاغة ان المدرس يشرح ويجبلك امثلة من النصوص اللى عليكى فى المنهج بحيث لما تيجى تذاكرى تتطلعى انتى المظاهر الجمالية مش تحفظيها اتمنى ان اكون افدتك تحياتى:d |
Bobty2011 انا هحاول ابسطلك البلاغة على قد ما اقدر اولا هنبتدى نفهم يعنى ايه بلاغة ايه هيا البلاغة البلاغة فى اللغة "مطابقة الكلام لمقتضى الحال مع فصاحته" يعنى باختصار "لكل مقام مقال" يعنى الرجل اللغوى اللى بيتكلم عربى يتكلم فى موضوع محدد وباللهجة المناسبة للجو العام يعنى مش اتكلم بلغة عربية فصحى قدام بياع ترمس:d اكلمه بلغة عربية صحيحة لكن فيها معانى سهلة ولما اتكلم مع علماء لغة لازم اتكلم بفصاحتهم مش اساوى كلامى مع بياع ترمس مع كلامى مع عالم فى اللغة مينفعش فهيا باختصار "لكل مقام مقال" اتمنى ان تكونى فهمتى من شرحى يارب اكون وصلتلك المعلومة صح |
اقتباس:
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . انت هتضحك علينا ولا ايييييييييييييييييييييييييه:d:stickjo4::040vk0: احنا عايزين البلاغة البلاغة المقررة علينا فى المنهج السئلة والاجوبة وكيفية الاجابة والفرق بين التشبيه والاستعارة والكناية والطباق والكلام الرززززززززززل ده ;);) مش هنروح نكتب فى الامتحان اتكلم ازاى مع بياع الترمس :o ثم اشمعنا بياع الترمس يعنى بالزاااااااااات;):rolleyes: مينفعش بياع الجرجير مثلا :d:p |
اقتباس:
كان المقتول مات لوحده كل حاجة بتيجى واحدة واحدة يعنى انا لو شرحتلك يعنى ايه تشبيه او استعارة وانتى مش فاهمة البلاغة تقصد ايه هتفهميها ازاى ؟:stickjo4: |
اقتباس:
|
اقتباس:
وانا ان شاء الله هشرح التشبيه يا بليل يا بكرا وهبسطهولك ان شاء الله على قد ما اقدر |
:slap1qk6: طب وانا واحد ضايع ف البلاغه والنحو يعمل ايه
:eek: انا دلوقت معلوماتى عن البلاغه زى الطالب الى لسه رايح اولى ثانوى يعنى تقريبا صـفـرّ |
ربنا يوفقكم يا شباب
|
| جميع الأوقات بتوقيت GMT +2. الساعة الآن 02:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.