عايزين باش مهندس يفيدنا في الحكاية دي
 

متقلقش يابشمهندس الانتظام بيبقى من تانى اسبوع او التالت كمان

ده ميمنعش ان فى محاضرات بتبقى شغالة اول اسبوع بس كلها ملهاش لازمة

ربنا يخليك يعني اتطمن , , , . . . اهم حاجة السكاشن
و ولو في محاضرات انا ممكن اروح احضرها . و طالما اسمي مش هيكون لسا وصل في الكلية فا لو فكر ياخد غياب مش هيلاقيني اصلن

لا يابشمهندس مفيش سكاشن خاالص ف اول اسبوع
ومعظم السكاشن مبتبقاش شغالة تانى اسبوع كمان
بس اسماء المحولين بتنزل متأخر شوية ممكن تحضر ف اى سكشن لحد مااسمك يوصل

باذن الله و الف شكر على التوضيح

ربنا يوفقك يا أحمد ومتقلقش الحكاية محتاجة صبر واحتساب ودعوة حلوة وباذن الله تقبل ف التحويل الورقي وتجيبلي حاجه حلوة


بالتوفيق يا باش مهندس
لاحظ
الحكاية محتاجة
صبر
احتساب ( عند ربنا سبحانه وتعالى)
دعوة حلوة
ومتنساش وتعمل فيها هندي
عايز حاجه حلوة لما تقبل يعني أكيد هتجيبها لأنك هتقبل ^_*

باذن الله يا باشمهندس طه , , , و انا صابر و الحمدلله .

eng/yasmeen
بس هوا عادي اني اسمي ما ينزلش في السكاشن اذا ربنا كرمني و اتقبلت . اصلي اسمع السكاشن بيبقا فيها حضور و شيتات بتتحل و اعمال سنة ,

ربنا يوفقك يا هندسة في التحويل بإذن الله

مع إنى مش عارف إيه مشكلة المنصورة معاك ياعم

أنا سألت بعض الطلبة القدامى اللى أعرفهم فى هندسة بورسعيد .... قالوا إن الدارسة الجادة والمحاضرات بتبتدى من الأسبوع الثانى أو الثالث لكن السكاشن بتبدى من الشهر الثانى .... بس مش عارف إذا كان كل الجامعات alike ولا لأ.

Eng. Ahmed Said Hamed
يا باش مهندس هندسة المنصورة لا غبار عليها , , , بس المشكلة اني غيرت محل اقامتي من اول السنة دي , تمام ؟

قصدك من الاسبوع التاني
مستحيل تكون من الشهر التاني ده استهبال بقى :d

طيب سؤال ماهو السكاشن الحضور و غياب يعني بدرجات اعمال سنة .
يعني العمل ايه ؟

بص يا ايزاك انت لو عملت التحويل الورقي لهندسة القاهرة او عين شمس تقدر تحضر من اول يوم ... ببطاقة ترشيح هندسة المنصورة ... و لو كلموك عالبوابة تقولهم محول ورقي لحد ما الكشوف توصل و تقدم و تبقي زي اي طالب عادي
ده كان اللي بيحصل مع اي حد محول ورقي
كان بيحضر ببطاقة الترشيح القديمة

السكاشن بتبدا من تانى اسبوع

و الكشوفات بتنزل مرتييييييين فى اعدادى

اول كشف اللى فيه الدبلر و الفريش اللى جايين من ثانوية عامة

و الكشف التانى بينزل بعده باسبوعين فيه الطلبة من الخارج و معرفش مين تانى بيزيد عليه

المهم يعنى ان اى حد بيحول اسمه هيبقى فى الكشف عادى جدا و الكشف مش بيروح للمعيدين غير بعد ما ينزل فاينال

بس دا ميمنعش انهم ممكن ياخدوا غياب فى ورقة لحد ما الكشف ينزل

و المعامل كلهاا بتشتغل اول و تانى اسبوع

الدراسة الجد بتبدا حسب الدكتور

فيه دكاترة بتبدى تكتشف ان عندها منهج بعد شهر من الدراسة و دكاترة تانيين بيدخلوا اول محاضرة يشرحوا من غير حتى صباح الخير

بس فى اعدادى الفترة الاولى دى بتكون لسة مش دراسة اوى على ما الطلبة ياخدوا على نظام الكلية و المدارس العربى ياخدوا على اختلاف اللغة