|
ياريت تفيدونى فى العلمى علوم او رياضه
انا لسه ان شاء الله دخل اولى ثانوى السنه ديه وان شاء الله قررت على العلمى طبعا والحمدلله بس لما اكلمت مع واحد كان فى الثانوى العام شرحلى العلمى رياضه وعلوم بس مش اوى وقلى ان دخلت علوم لازم تجيب درجة الطب والا هتبقى مدرس علوم والرياضه ممكن مهندس او محاسب او مدرس رياضه فا ياريت حد يفيدنى على الاحسن والافضل والاضمن لانى محتار جدا لانى لسه مجربتش الثانوى والمواد وووووو.........
سؤال ياريت بسرعه ياريت حد يقول مواد اولى ثانوى اوك وجزاكم الله خيرا |
انت طموحك تدخل كليه ايه؟؟؟؟؟ عايز تبقي ايه؟؟؟؟؟؟
لو مكنش ليك هدف لا دي هتفديك ولا دي هتفيدك خد اي كليه خلاص؟؟؟ حدد هدفك وتوكل علي الله الضامن هو الله |
اقتباس:
إنت حدد هدفك وتوكل علي الله. |
هقولك اول كلمة , : انت و ميولك .
لو هتحس انو كلامي متكرر : يبقا اقولك رأيي الشخصي علمي رياضة طبعا . و تبقا مهندس طبعنين . و ابقا اسأل نفسك كدا و انت نايم بالليل بتفكر مين الي كان ماسك البلد و مسيطر عليها و مقلب فلوسها معظمهم مهندسين ههههههههههـ , مش اصدي تبقا حرامي بس لو مشيت حتى في الحلال هتعمل الي انت عايزه |
اقتباس:
انت بتدخل المدرسة ...بيقسموا الفصول جزء علمى وجزء ادبى والترم التانى يتبدل نفرض حضرتك دخلت و كنت فى الجزء العملى حضرتك هتدرس كيمياء و احياء و تاريخ والترم التانى هيبقى ادبى.......فيزياء فلسفة وجغرافيا وطبعا المواد المشتركة عربى و رياضة (جبر و هندسة وحساب مثلثات) والانجليش و الفرنساوى بس تقريبا كده خلاص وممكن المواد التانية بقى مجال ما تختاره و رسم وكده ونصيحة من الاخر و اسمع كلامى بجد متجهدش نفسك فى اولى ثانوى مذاكرة على الفضى لان بجد ده مش هيفيدك نهاااااائى ومتصدقش كلام اى حد والله وبص بالنسبة ل 2 و 3 كل قسم وليه عيوبه و مميزاته عندك العلمى علوم سهل عشان الاحياء عايزة حفظ اكتر من فهم وعيبها انها عايزة مجموع عشان توصل لكليات القمة يعنى لو جبت فى 2 فوق ال 95% ..............اعمل حسابك على سنة تطحن نفسك فيها فى 3 اما الرياضة عايزة دماااااااغ وعلى طوووووووووول حل بلا توقف عشان الرياضة طويلة و الهندسة بتاخد من اول التسعينات يعنى 92 او 93 وملكش دعوة بالسنة دى فى ااااااااااى حاجة لا امتحان ولا منهج دا كانت سنة حظ علينا الحمد لله وفى الحالتين لو بعد الشر بعدت عن كليات القمة وجتلك علوم......امشى فى الطريق الصح و هتلاقى شغل جاااااااامد بمرتبات عالية متخليش حد يخوفك بحكاية مدرس دى وربنا يوفقك.....معلش لو طولت عليك |
اقتباس:
انا متشكر جدا عشان استفدت بحاجات كتيره من كلامك وكلوكوا متشكرين اوى لارائيكم وانا نفسى ان شاء الله اخش علمى علوم واخش على الطب لانى عندنا اتنين قريبى ابن خالى وبنت عمى دكتره وكمان كانت من وصايا امى الله يرحمها نفسها اخش دكتور بس فى واحد صحبى يعنى زى ما تقول بيقولى علمى علوم ديه ان عملت ايه مش هتخشها صعبها من كل الطرق بس انا اقتنعت بكلامك وهخش علمى علوم وكمان انا لسه مش عارف حاجه عن الثانويه كتير بس الى ناقصنى انى اقعد مع ابن خالى واكلم معاه فى حاجات عن الدراسه وايامه وكده عشان اخاد خبره كبيره واحافظ على كل حاجه يقولهالى وياريت تقولولى السنه ديه تنسيق كل حاجه فى العلمى علوم من اولها لاخرها يعنى الاقسام الى فيها من اول الطب الى اخره اوك واسف على ازعاجكوا وبشكركوا جدا |
شوف انت عايز تكون ايه انت لسه داخل اولى ثانوى وبتفكر فى الكلية اسمع منى اوعى تغلط غلطتى وتفكر فى الكلية اوعى تفكر فى اى كلية مهما كان وانت ففى الدراسة كل تركيز المذكرة فقط نصيحة تانية اجتهد فى سنة اولى ناس كتير هتقولك ده نجاح وبس ثانوى عامة لازم تبقة متميز عشان يبقى عندك ثقة بنفسك وانت فى سنة تانية وادخل علمى او دبى لما تشوف المواد وتشوف انت نفسيتك مرتاحة فى ايه محدش يفولك كليات فمة وكليات مش عارف ايه تانى بقولها انت بتحب اااااااااااااااااايه ؟؟؟؟؟ يعنى فرضنا مثلا انت بتحب المواد الادبى ونفسك تبقى محامى لازم الواحد يدخل الحاجة اللى بيحبها عشان يبقى سوبر ستار فيها فيها ايه لما تجيب 100% وتدخل مثلا اداب المجموع ده حاجة للفخر والاعتزاز واثبات الذات اما الكلية ده بتكون بتاعتك انت يعنى اللى يدخل حقوق ويجتهد فيها ويكون مثلا وكيل نيابة او مستشار او محامى او قاضى شاطر ومجتهد افضل من واحد داخل طب عشان هى اسمها الطب وبس مع احترامى للاتنين طبعا كل واحد فى عمله بيخدم الاخر اللى عايز اقولهولك طول منتا فى الدراسة مذاااااااااااااااااكرة وبس
|
اقتباس:
انت كلامك الله ينور عليك وكلامك مميز جدا وانا الحمدلله مختار الطب بس زى ما انت قولت لسه هاشوف المواد لانى ديه انت قولتها من اهم النقط الى قلتها المواد الى هقدر عليها وزى ما اخويا قال انى الاحياء حفظ تعتمد على الحفظ اكتر يعنى انا الحمدلله فى الاتنين فهم وحفظ الحمدلله ولسه ربنا يوفقنا وانا معاك بردك فى نقطة سنه اولى لازم اجتهد اوى عشان اتعود بردك على الجهد الكبير وكمان يا جماعه المرحله اتغيرت على ايامنه لانى هتبقى عندنا مرحله واحده صح |
| جميع الأوقات بتوقيت GMT +2. الساعة الآن 12:15 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.