طلبات التحويل الورقى
 

بــسم الله الرحمـــــــــن الرحيــــــــــــــم


انا شايفة ان ناس كتير مش عارفة ايه اللى مطلوب للتحويل رغم ان كتير من الاعضاء كتبوا المطلوب اكتر من مرة

بس بردو فى اعضاء لسه بتسال عنه

انا قلت اعمله فى موضوع عشان كله يلاقى المطلوب براحته من غير ما يسال و يستنى رد

المطلــــــــــــــوب:-
1- صورة من شهادة النجاح
2-صورة من بطاقة الاب
3-صورة من البطاقة الشخصية
4-وصل نور او ماية او تليفون
5-بطاقة الترشيح او صورة منها
6-150 او 200 جنيه على حسب

وبعدين هيتاخد وصل منه ويقولك تيجى تانى امتى

ومتخافوش لو المدة كبيرة هى بتبقى كده قبل الدراسة على طول بيوم او 2

ساعتها بتروح تدفع من 1000 لــ 3000 مش اكتر خالص

فى اسكندرية سمعنا انها 2500

تعديـــــــــــــــــــــــــــــل

العلمى3000 والادبى 2000

اخر حاجة سمعتها بردو فى اليكس بس

بس خلصت الحكاية و ان شاء الله يتم التحويل

بالتوفيــــــــــــــــــــــــــق للجميـــــــــــــــــع :)

طيب ما ممكن التحويل لا قدر الله يترفض
ساعتها ممكن نقدم للكلية السابقة او المعهد العالى السابق ولا بتبقى راحت علينا

تقريبا التحويل الورقى مش بيترفض ان شاء الله

طب هل فى تحويل لكليات اللغات اصل انا تجارة انجلش طنطا وانا من القاهرة وعايز احول للقاهرة فى ولا خلاص احول تجارة عادى وخلاص

طيب انا والدي مش مقيم في القاهرة و انا بطاقتي القاهرة لازم اجيب صورة بطاقته ؟ اصل هو في السعودية

ربنا ما يجبش وحش يا جماعة بس خلي بالكم لان اعداد الكليات بعد التحويل الالتكروني زادت جدا بطريقة بشعة عن السنين الي فاتت , ربنا يوفقك الجميع .
و يجعل النتيجة قبل الدراسة و يقبلها للجميع

مهما زاد العدد يا استاذ نيوتن
متنساش ان فى سنة الفراغ
يعنى الكليات فيها اماكن فاضية
مهما زاد العدد عمره ما هيوصل للضعف ابدا
وحدش يستهتر بالمساحة الفاضية اللى عملتها سنى الفراغ دى
صح ولا ايه؟؟

هههههههههههههههه
يا راجل شوف كده الكليات قبل التحويل وبعد التحويل كان موجود على موقع الأستاذ
بس انا هديك فكره سريعه طب المنصوره قبل التحويل كان فيه 647 بعد التحويل اصبح 717 احسب بقى وشوف وصلت ال 15 فى الميه او العشره فى الميه اللى سياده الوزير الله يقرضه ويقلل من امثاله قال عليها ولا لأ

مهو طب بنها كان 505 وبقى 448

طب اللى لسه معملش بطاقه شخصيه؟؟؟

الحق اعمل البطاقة بسرعة أنا سألت في السجل قالوا ممكن تتعمل في نفس اليوم بس بتقريبا بتدفع 65 جنيه
لو عملتها عادي بتاخد 15 يوم ودي مهمة في التحويل والمدينة.

انا زيك بالظبط بس جالي اسيوط وكنت هروح اقعد سنة وخلاص وبعد كده عرفت ان تجارة انجلش مش بتقبل تحويلات بعد سنة حتي لو جبت امتياز يعني لو روحت هتقعد اربع سنين

highlight
حضرتك سنة الفراغ ملهاش دعوة بالاعداد . , , , اصل عميد هندسة القاهرة قالي جايلنا اعداد زيادة و فوق طاقتنا

من الاخر بقى علشان نبقى على وضوح التحويلات الورقيه دى هتتقبل و لا لأ ؟

Black memory
هتتقبل يا هندسة انطلقي انتي بس و ربنا يوفقك