|
حملة خاصة البطل فيها ....الشباب
السلام عليكم ورحمة لله وبركاته ...انا شوفت مواضيع كتير في المنتدى خاصة بالبنات وكيفية التعامل مع الشباب في المنتديات وكدة يعني و الحدود بينهم وكدة.... وانا يا شباب شايف ان احنا مقصرين جدا في حق البنات في المنتدى....مش دول اخوتنا ..مش احنا الي شايفنهم ولا اهاليهم الي شايفنهم ...دلوقتي مثلا لو واحدة ردت بااسلوب بايخ عليك رد عليها رد خفيف وابعتلها رسالة وقولها ووضح لها الفكرة بس باسلوب محترم....ودلوقتي في شباب بيضايقوا البنات في الرسايل وبيسالوا عن حاجات ماتخصهمش....لية مثلا مايكونش في مجموعة معينة من الشباب يكونوا مسئولين عن الحوار دة ولو اي بنت واحد دايقها بالرسايل تبعتلهم رسالته و هما يتصرفوا معاه ...وبلاش نشهر بالبنات في المنتدى عشان عيب اوي ....يعني مثلا لو واحدة عملت حاجة غلط مش لازم نعمل موضوع وقول فيه اصل فلانة قالت وعادت وخلت وسوت والكلام دة....ياريت لو بنت حد مننا لقاها فتحت في الكلام زيادة عن اللزوم يبعتلها رسالة وينبهها ومش يمشي في المنتدى ويقول انا قولتلها كذا وكذا....
والبنات ياريت برضوا مش لازم تريحوا اوي انا عارف طبعا ان كلكم ناس محترمين وكل حاجة بس برضوا احنا بنفهم وبناخد بالنا وبالاش تخلي اي حد يقول عليكي كلمة مالهاش لازمة .............ياريت نفهم الكلام دة كويس اوي... |
shukran ya TEMO_KHALED 3ashan btdafe3 3anena :P :Dl
|
يا سارة الموضوع مش ان انا بدافع عنكوا ...الموضوع ان في حاجات كتير اوي بقت تحصل غريبة....وبرضوا في بنات كتيييير اوي بتتصرف غلط...ربنا يهدي ....وانا مش بقول ان انا تمام اوي بس برضوا نحاول نظبط الحاجات دي ....منورة يا سارة
|
يا حلاوة يا ولاد ...هو انا فاتح الموضوع دة عشان اكلم نفسي ولا اية....يا جدعااااان البطل في الموضوع دة الشباااااااااااااااااااااااااااااب و الي ردو ...بنت واحدة ..عيب كدة يعني
|
عندك حق والله
ياريت كل الشباب يفهموا كده ويعتبرونا زى اخوتهم والى ما يقبلهوش على اخواتهم ما يقبلهوش علينا صح ولا ايه جزاك الله كل خير شكرا |
بجد انا فرحانة جداااااااا لان فى واحد بيعتبر ان البنات اخواته و على فكرة يا جماعة ممكن واحدة تكون قالت كلمة مش خدت بالها منها كويس فيلريت ننبه بعض
|
شكرا اوي يا تامر علي الموضوع ده
بجد انا كنت بفكر في الموضوع ده ... عشان انا شفت بعيني محدش قاللي بجد في حاجات بتبقى بايخه كتيير =========================================== علي فكره يا جماعه هو ده تامر بطبيعته اخ لينا كلنا مش جديده عليك يا تامر وبجد فكره كويسه بس واضح انها مش ليها صدي عند الشباب اتصرف انتا بقى ============================ |
منورين وانا طبعا اخ ليكوا وفي الخدمة بس انا واثق مية في المية ان هما لسة ماشافوش الموضوع ..وانا هاكلمهم واعرفهم ان انا عملت الموضوع دة......وبعدين احنا كلنا بنعتركوا اخواتنا يمكن في ناس كتير بتغلط بس دول احنا هانتصرف معاهم....
|
والله يا ريت يا تامر تتصرفوا مع اللي بيغلطوا
عشان الموضوع زاد ..وبقي بايخ ..وبيزعجني شخصيا ===== |
اقتباس:
|
والله مش عارفه مالهم الشباب
حاجات غريبه و ماتصحش بتحصل ...ولا حياة لمن تنادي يارب اهدي شباب اليومين دول عشان هيجيبولي ننح في دماغي ============================ |
والله كلامك جميل جدااااا يا معلم تامر وكلام كله صح بس انتا بتقول لمين لا حياه لمن تنادى :( والدليل ان مفيش قال كلمه حته مع ان المفروض الشباب هيا اللى ترد وبالفعل لازم نحس ان احنا اخوات لأن لو مكنش كده النتدى هبيوظظظظظ خالث :D وشكرااااااااااااااا يا معلم |
اقتباس:
|
والله الموضوع دا انا نسيت اني كنت عامله من اصله ...... بس افتكرت لأن في اعضاء شباب جمال لذاذ خفاف كدة رجعوا للعب العيال دة تاني...وغلطوا في البنات و قالولهم كلام مالهوش لازمة ..وانا انادي باسم كل شاب مصري عنده دم و رجوله(((خفوا حرام عليكوا
اظن عيب اوي لما تكون شاب ماشاء الله طول الباب وشنبك في وشك وتخلي البنات يقولوا احنا مش عارفين نعمل اية معاه و مضايقنا بالكلام و و و و و و..... عيب يعني ...... مش هانتحايل على سيادتكوا عشان تكونوا رجالة ... سلام يا بشر |
والله ساعات الغلط بيكون من الشباب وساعات بيكون من البنات وربنا يهدينا جميعا وشكرا على الموضوع يا تامر |
| جميع الأوقات بتوقيت GMT +2. الساعة الآن 03:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.