حياتي فارغه
 

ياجماعه انا بجد تعبت انا مش عارفه اعمل ايه انا بجد نفسي اعرف ازاي الانسان يرمي مشاكله وراه عشان الدراسه انا بعمل كل حاجه لكن بجد انا حاسه ان في حاجه اتكسرت فيا في حاجه ضاعت مني ومش هترجع تانني حاسه اني عايشه ومش عايشه اعمل ايه بجد تعبت واتخنقت ونفسي اعيش لوحدي لوحدي لوحدي

ممكن سوال بس

هو ايه اللى حصل لده كله؟

في ايه في اني مريضه وكمان مرضي مخليني عصبيه اوي ومحدش مستحملني لا اهلي ولا اصحابي ولا اي حد نفسي اعيش لوحدي بجد وكمان انا شايفه ان كل الناس بتعرفني مصلحه او تقدر تقول الناس حياتها فاضيه فبيعرفوني واول ما حياتهم يبقي فيها حد يجرحوا فيا انا بجد بفكر اروح لدكتور نفساني لاني كرهت حياتي ودنيتي وناس كتير هنا اوي اتكلموا معايا في الموضوع ده وحاولوا يخففوا عليا ومفيش فايده

عارفين اانا قررت ايه اني اعيش حياتي لنفسي وبس واعمل اللي انا عايزاه ومش مهم راي اي حد اين كان وعمري ما هعمل حساب مشاعر اللي قدامي طالما محدش مراعي مشاعري بجد انا عبيطه اوي لاني عايشه براعي الناس وبحس بالذنب نحيتهم لو جرحتهم غصب عني لكن ده ماينفعش في الدنيا تماما

مرض ايه بالضبط ممكن اعرف

احب اخليه لنفسي لاني قلته كتيييييييييير اوي وبجد بتعب لما بفتكره او بجيب سيرته

طيب هو مرض جسمى يعنى واللا عقلى واللا نوعه ايه

انتى فين انتحرتى واللا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟

جسمي وعقلي في نفس الوقت

استهدي بالله بس واقري قرآن علي طول وان شاء الله حالتك النفسية تتحسن وفكري فيما ابتلي به الانبياء والمرسلون وكيف
صبروا علي البلاء وتقربي من الله عز وجل وان شاء الله هتتحسني

ياااااااااااااااااااااااااااه

كبرى دماغك عن كده شويه احنا كبرنا على الكلام ده واللا ايه

كبرنا ازاي يعني مش فاهمه

انا مع الراى ده وكمان عندى اقتراح عظيم
بدل ماتروحى لدكتور نفسانى زى مابتقولى
اتكلمى مع اى حد او حتى مع نفسك بس بصوت عالى
واحكى كل مشاكلك وحاسه بايه وصدقينى هتتحسنى :d

يعنى دى بتبقى حاله بتيجى ساعات للمراهقين يعنى 15 او 16 سنه بالكتير انما احنا دخلنا ثانوى خلاص ومينفعش تكون دى حاله طبيعيه يعنى انتى فعلا عندك مشكله ولازم تحليها

وكمان استغلي الايام العشرة الاواخر من رمضان في التقرب من الله بالصلوات والتراويح والادعية ومتنسيناش من الدعاء