الصدمة!!!!!!!!!!!!!!!!!!!!!!!!!!!!!!!!!!!!!!!!!!!
 

بسم الله الرحمن الرحيم

يا جماعة انا اتصلت بمكتب التنسيق علشان كنت عايز احول من حاسبات حلوان لحاسبات عين شمس ولكن كانت الصدمة لأنهم قالوا مينفعش علشان مجموعى اقل من حاسبات عين شمس وانا مجموعى 382.5 وعين شمس384 ففعلا مينفعش ولا اروح جامعة عين شمس احاول احول

بالله عليكم ردوا ينفع احول ولا لأ

طبعا لازم تحاول وتتأكد بنفسك عشان متندمش بعد كده وان شاء الله تحول وتدعيلينا ساعتها
:039uw8:

السلام عليكم

ممكن تاخد سنة اولى في حلوان وبعدين تحول من تانية ان شاء الله عين شمس
بس انا اعرف حد حول من حلوان لعين شمس على طول كان في حاجة اسمها تقليل حالات الاغتراب من 3 سنين كدة مش عارفة النظام ايه دلوقتي حاول تسال اكتر برده

شكرا لاهتمامك

لا مش هينفع تحول علشان لو انت من القاهره الكبرى ( محافظه القاهره او الجيزه ) ف جامعه حلوان و القاهره و عين شمس يبقى تبع توزيعك الجغرافى

ينفع التحويل ف حاله واحده بس انك تكون جتلك كليه خارج القاهره خالص و ف الحاله دى تحويلك هيتقبل ل عين شمس ع طول الا ف حالات معينه بس

اللى هو لو مثلا انت مرحله تانيه و عين شمس خلصت مرحله اولى ف ف الحاله دى لما تييجى تحول حسب التوزيع الجغرافى هيبقى متاح ليك بس الكليات اللى نزلت مرحله تانيه بس و مش هينفع تروح عين شمس لانها مش مرحلتك

و بالنسبه انك تقعد سنه ف حلوان و بعد كده تحول ف ده صعب ف كليات حاسبات و معلومات عموما لان التحويل بينهم بيكون مرفوض ( الا لو هتحول بعد سنه ل تقليل اغتراب من محافظه ل محافظه )

انا حاولت اسال ليه مرفوض علشان كنت عايزه احول بس مالقتش اجابه واضحه بس اللى استنتجته بعد كده علشان احنا نظام ساعات ف ممكن انت ف سنه اولى ف حلوان تاخد مواد غير اللى بيخدوها ف القاهره او عين شمس ( اى نعم ان ف الاربع سنين هتاخد نفس المواد بس متلغبطين و نظام الدراسه مختلف ف بيكون صعب انك تحول و كده علشان اللغبطه دى )

تقريبا عقدت الدنيه و سودتها ف وشك :d:d

بس عموما هى هى المشكله هتكون ف المشوار و كده بس كله اتحل بالموصلات :d