استطلاع راى
 

ياريت الكل يرد على السؤال ده

لو كانت كليه العلوم بتاخد مجموع اعلى من الصيدله كنتم حتفضلوها على الصيدله ولا لأ ؟؟

وشكرااا

السلام عليكم
ممكن نصيغ السؤال بطريقه تانية لو كان فرص عمل علوم ومستقبلها احسن من صيدلة كنتم هتفضلوها الاجابة ايوه وبدليل ان في ناس مجموعها اكبر من صيدلة ويدخلها كليات تانية بس هما اختاروا صيدلة والموضوع مش حكاية مجموع لحد حاطت حاجة في دماغه. تقبلي مروري

المساله مش مساله مجموع
كل كليه ليها تقديرها واحترامها
انا فضلت صيدله وكان قدامى كل الكليات متاحه
لو هتكلم بمنطق المجموع كنت هختار طب لكنى اخترت الانسب ليا
انا شايفه انى بحب الكيمياء وبالتالى نظام الدراسه هيكون اقرب لميولى
بس فيه ناس بتاخد الموضوع من وجهه نظر تانيه وهى وجه النظر اللى حضرتك عرضتيها يعنى بيختاروا الكليه الاعلى ف المجموع

اولا شكراا جداا على المرور

ثانيا انا عن نفسى لو كنت جبت مجموع طب مكنتش دخلتها وكنت دخلت صيدله بردو

لكن انا سالت السؤال ده لان فى ناس كتيير مش بتدخل علوم وبتدخل صيدله علشان بتستخصر مجموعها فى العلوم
وكمان عايزه يبقى اسمها دكاتره

بالاضافه الى المستقبل الغير مضمون والنظره العامه للمجتمع له

وانا عن نفسى اتمنى ان تتحسن كليه العلوم و يتغير وضعها علشان تخرج لينا اجيال من احمد زويل وفاروق الباز ويكونوا مش محتاجين يدرسوا بره او يشتغلوا بره

وشكرا مره اخرى

انا شايفه ان كليه العلوم كليه محترمه لكنى فضلت الصيدله لان كليه العلوم وضعها متدهور جدا حاليا لافى مراكز بحوث ولا امكانيات ولامعامل محترمه ولا تقدير لأدميه الخريجين
وكل كليات الطب دى ماهى الى فروع من العلوم والى ليها اهميه كبيره نتمنى ان كل الكليات تتحسن وضعها
بدأ من تجاره الى بترول وتعدين لان كل تخصص وليه اهميته مش علشان تجاره او اداب يعنى وحش لاكن راعو ان فى ميول وان علشان البلد ترتقى لازم كل ده يتعمله حساب
وشكرا

انا عن نفسي مجموعي يوديني طب و اسنان بس اخترت صيدله عشان بحب الكيمياء اوي واما كنت في تانيه ثانوي كنت بذاكرها اكتر من الازم حبا فيها حتى اخويا الكبير كان بيقولي هو انتي هتمتحني كيمياء بس السنادي وعشان كمان بحب الانجلش
فدول السببين الرئيسين اللي خلوني ادخل صيدله يعني الحكايه مش حكايه مجموع وبس وزي ما انا حابه الصيدله اوي ليا صاحبتي اختارت علوم وكانت مصممه عليها رغم مجموعها الكبير فده كله على حسب الميول

صيدلة طبعا

اككككككككككككككككككيد كنت هختار صيدله
لانها مش بموضوع المجموع انا حبااااهااااااااااا

الحقيقه ياريت دخول الكليات كلها يكون حسب الميول مش حسب المجموع و كل واحد يشتغل فى مجاله علشان يكون حابب تخصصه و وظيفته .

وشكرا على المرور

انا كنت هختار صيدلة طبعا لانى بحبهاااااااااااااااااااااااا جدا اكتر من اى كلية تانية

بس انا فى راى الشخصى العلوم تبقى اعلى كلية فى مصر لان بجد مجدش مقدر الكلية دى نهائى و لو اتصحح الوضع فيها

بجد محدش يقدر يتخيل الكلية دى ممكن تعمل ايه