امتحان كادر المعلم هام جدا جدا
 

لو سمحتوا فى حد يعرف كام نسبه النجاح المفروض فى الكادر سواء تربوى او لغه عربيه او تخصص يعنى المطلوب الحصول على كام فى الميه لتحقيق النجاح

الناس اللي عندها امتحان ، تبذل أقصي ما في وسعها في المذاكرة و تقول يارب نجحنا

يا استاذه حضرتك لو شفت الاسئله وكميه الاخطاء الموجوده خاصه فى التخصص هتعرفى ان احيانا اللى بيضع الامتحان محتاج يدرس من اول وجديد لانه ملوش علاقه بالتخصص وبعد كده تيجى النتيجه على دماغ المدرسين:040vk0:

ربنا يستر يا اخواني

لعلمكم احنا اقل ناس بناخد حقنا

على فكره كلامك صحيح استاذ احمد
احنا جالنا سؤال صياغته خطأ في التخصص
معرفناش نعمل ايه خدنا الاجابة الخطأ لان هي الوحيدة اللي كانت صح
كان السؤال بيقول
أي الجمل الاتية صيغ صياغة صحيحة:-
1 - اجتهد مهندسو السد العالي.
2- حضر الوا الفضل للحكم في لمنازعة.
3- أتقن مصممو المنهج عملهم.
4- اقتنع معارضو الفكرة بالحجة
طبعاً الاجابة 1 ، 2 ، 3 هم اللي صح ، والاجابة2 هي اللي خطأ ملقناش فايدة غير اني احنا ناخدها هي

وعلي فكرة كمان استاذاحمد انا سمعت ان الامتحانات الالكترونية فكرة جديدة والوزارة عايزها تنجح علشان تتعمم علشان كده ان شاء الله اطمن على النتيجة
كمان النتيجة ما بتظهرش على طول لما تتطبخ وتتسبك في الوزارة الاول
وكل عام وانتم بخير
مش عايزين نجيب سيرة الناس في رمضان

تصدقوا بالله يا جماعة كان في اتنين بيمتحنوا معانا من مواليد 1954،1956

نفس السؤال جالى اما عن التخصص فالاسئله لها اجابات اما كلها خطأ ولا تحتمل الصواب او كلها صح ولا تستطيع ان تقول واحده صح والباقى خطأ غير الفزلكه فى السؤال اللى وضع الاسئله لابد ان يدرس من جديد ويمتحن من جديد:friendsxs3:

هو الامتحان كله لازم يلغى ليه المهانه والله كان فى ناس خلاص يمكن سنتين تلاته ويطلعوا معاش

يا جماعة حد يعرف متى تظهر النتيجة؟ وشكرا

كل عام وانتم جميعا بخير

وحضرتك بخير:022yb4:

ظهور النتيجة بيقولو بعد امتحانك باسبوعين وبالتوفيق لينا كلنا

انتبهو يا اخواني من الوقت فالوقت يجري وساعات الاجهزة تكون تعبانه والنت بايظ فيعطلك في التحميل من سؤال لسؤال ودا خلى مجموعه من الممتحنين يكتبو شكوي وقدمناها للسيد المسؤول عن الكادر في طنطا بس البيه رفض استلامها وخاف وقال كلمو الدكتور مدير المركز علاء بيه صبره والبيه طبعا رد على الموبيل وقال الوقت محدد يا بيه وانا اعملكو ايه مع ان المفروض ان البيه بيرسل تقارير للوزارة فيها الملاحظات والمعوقات بس الكل ليسه خايف من الكرسي وربنا يسترها البيه كان مشغول بتغشيش مدام دكتور مهم في القاعه ومش عايز يطلع يستلم الشكوى وفي الاخر استلمها مدير مركز التطوير وقال انه هيزكرها في تقريره وربنا يرحمنا من الناس دي