استفسار بخصوص تخفيض المصروفات
 

انا سمعت ياجماعة ان ممكن الواحد يعمل حالة اجتماعية علشان يشيلولو المصاريف او على الاقل يخفضوها هل الكلام ده صحيح لان انا عندى ظروف فعلا ومش هينفع ادفع المصاريف الكتير دى انا تجارة انجليزى ومصاريفى 3.500
والنبى اللى يعرف حاجة عن الموضوع ده يقولى ايه هى الخطوات اللى الواحد المفروض يعملها مع العلم انى من القاهرة وجاتلى الجامعة فى طنطا ارجو حد يقولى لان بجد لو فيه كده هيفرق معايا لانى كنت خلاص رايح احول تجارة عادى

والله انا واحد قريبى هوا دلوقت خلص تجارة انجلش اول ما راح قالهم كده هوا والدة متوفى وممكن يعمل بحث اجتماعى وكده بحيث يشيلو جزء من المصاريف بس للاسف مفي فايدة
بس اسال يمكن ينفع الكلام دا من 5 سنين وربنا معاك

شكرا لردك وياريت لو حد يعرف يقولى لان ده متوقف عليه مستقبلى

اقتباس:

المشاركة الأصلية كتبت بواسطة ahmed_20101520 (المشاركة 3879273) والنبى اللى يعرف حاجة عن الموضوع ده يقولى ايه

ازيك يا أخى ملحوظة على ما قلت إذا أردت أن تطلب شئ بشدة حاجة لا تقل و النبى ولكن قل بالله عليك لماذا؟!
لآن من النبى علمنا أن من كان حالفا فليحلف بالله ومن حلف بغير الله فقد أشرك .. طيب كفارة الذى قلته إيه.. حاجة بسيطة جدا .. قل لا إله إلا الله .. جزاك الله خيرا .. و أغنانى الله وإياك و أعاننا على سد المصاريف إنه على كل شئ قدير ..

لو انت مش حتقدر تدفع الفلوس دى و كمان مينفعش تخفيض
اولا انت لو جبت تقدير امتياز يعملوا تخفيض
بس لو مش حتقدر
ممكن تحول عربى
و تحاول تشد حيلك فيها
و تجيب تقديرات كويسة
و تحضر دبلومة بع د الكلية بحيث تدرس انجليزى و كانك اخدتها انجليزى بالظبط و ربنا يوفقك
و تجارة مش وحشة زى مالناس فاكرة
بالله كلية كويسة جدا و مستقبلها حلو
بس عشان الدفعة بتبقى كبيرة و الشغل قليل
بس عشان انت تتميز
يبقى يكون معاك لغة كورسات كمبيوتر و حاجات تانية كتير
و ربنا يوفقك

كلاااااااااامك تمام جدااااااا
و ربنا معاك يا باشا ان شاء الله ربنا يعينك و مش هتحول عربى .. توكل على الله و ادعى على طول و هو هيسهلها من عنده و اتصل بالكلية و اسال على موضوع انك تقدم التماس و الحاجات دى ان شاء الله

على فكرة انا لما روحت قدمت لكليتى بس مش تجارة الوكيل قالنا اللى باباه متوفى يقدم عشان يعمل بحث اجتماعى و يتعافى من المصاريف شوف برده دى

شكرا لردودكم ويارب يحصل ويخفضولى الفلوس مع ان الامل ضعيف

ما تقلقش اى حاله اجتماعيه بتروح للعميد و بيخفض المصاريف و بيخليها بالتقسيط كمان

قال تعالى ( و من يتق الله يجعل له مخرجا ويرزقه من حيث لم يحتسب )
ربنا ييسر لك الخير حيث كان ثم يرضيك به