الطيب يستكمل اللقاءات حول وثيقة الأزهر بعد العيد
 

شكرا لك وبارك الله فيك استاذ محمد

هو شيخ الأزهر شاطر فى الكلام الفاضى وسايب الأزهر ومدرسينه لغاية ما ينفجر

حسبى الله ونعم الوكيل

وبعد العيد ليه هيعمل الكحك مع جماعته

الله يعينه

هى وثيقة الأزهر بقت كلام فاضى امال ايه هو الكلام المليان؟!

طبعــــــاً

بالله عليك تقدر تتكلم عن أبوك بالطريقة دى!
تأدب يا مستر اتش مع العلماء

رسالة للطيب
 

ياعم الحاج سيبك من الوثائق اللى أنت داير تتمنظر بيها دى وخليك فى المتعاقدين أكبر فشل أنك ماتقدرش تحل مشاكلك الداخلية يبقى أزاى تعمل نفسك مصلح زمانك وعلى كلآ بخاطرك يازعيم دور ولف وأعمل وثائق براحتك خالص أقعد مع الأخوان ومع الأحزاب وأعمل كل اللى نفسك فيه
بس أحنا المتعاقدين مش هنسيب حقنا فى التثبيت وعلى فكرة منطقة بنى سويف مقفولة كل الأوراق فيها وحتى الشيكات بتاع المرتبات بتاع الموظفين الأساسيين مقفول عليها جوا المنطقة ولسه الأمتحانات جاية ومفيش حاجة أسمها أزهر فى بنى سويف إلا أما نتثبت
وخلى بالك أحنا بنحملك كل المسئولية لأنك أنت اللى أجبرتنا أجبرتنا بكل ماتحتويه الكلمة من أق المعانى لأشملها أن أحنا نعمل ده وخللى بالك الثورة قامت والشاطر هو اللى يتعظ

موضوع التثبيت الآن ليس فى يد شيخ الأزهر بل هو بين أيدى الجهاز المركزى للتنظيم والإدارة ووزارة المالية فقط ومتخليش حد يضحك عليك ويقولك شيخ الأزهر مأخر التثبيت والدليل السبع محافظات اللى خلصوا وجارى استكمال باقى المحافظات. مش كل حاجة نفضل نشتم ونسب ونتريق على شيخ الأزهر !

هو فيه حد اسمه ............شيخ الازهر
كان نفسنا في اسد من هيئة كبار العلماء
مثل الراوي اونصر فريد واصل او سامي السرساوي
يااخ محمد ......والله ما كانت له لولا امن الدولة
وكفاك دفاع ..............طفح الكيل

والله يا أخ أبوزياد أنا مابدافع عنه لشخصه وإنما لا يجوز أن يهان ويسب شيخ الأزهر لأشياء ليست فى يده ولا يملك منها شيئاً .. انتقاده بموضوعية أمر مقبول وربما كان واجباً من أجل الإصلاح والتقدم إلى الأفضل، لكن أن يصل الأمر إلى الشتائم البذيئة كالكلب وشيخ المنصر فهذا ما يجب الوقوف عنده لأنها سفالة وانعدام للأدب والتربية يجب أن نقف عندها، هل سمعت يوماً نصرانياً يصف البابا شنودة بالكلب أو ما شابه؟!!

هو حد يقدر ينكر البلاوى اللى فى الأزهر يا أستاذ مونو
أنا موافقك فى كل كلمة وكل حرف حضرتك كتبته وممكن أزيدك من البيت شعراً لو حبيت لأنى محبط أصلاً من كم الفساد والإهمال الإدارى والعقلية المتحجرة المزمنة وحاسس إنه عايز ألف ثورة زى ثورة يناير لحل مشكلاته، لكنى ضد التجريح والسباب والإهانة لأهم رمز للإسلام فى العالم كله. هل يصح أن نقول شيخ الأزهر منافق وعميل وعلمانى وكلب وشيخ منصر؟ بالله عليك هل يصح؟ إذا كنا كأزهريين نتفوه بهذه الألفاظ المشينة فكيف بمن خارج الأزهر ومن ليس مسلماً أصلاً؟ النقد أمر صحى ومطلوب بشرط الموضوعية وعدم السب والإهانة والتجريح.