اللي سافروا قبل كدة هااام جداا
 

السلام عليكم ورحمةالله وبركاته
كل عام وأنتم بخير
لوسمحتم ياجماعةكنت عايز أخد رأيكم في أمر محيرني أنامعلم أتعينت في 2/2011 والحمدلله دلوقتي جالي فرصةسفرعن طريق شركةرفعت للسفريات بالمهندسين بمدرسةخاصةبالخبر في السعودية بس ب2000ريال
رأيكم إيه فالمرتب وسمعةالمكتب ده لوحديعرفه ولووافقت هاعرف آخد أجازة من هنا
بالله عليكم تردوا علياضروري لأنهم مستنين مني رد بكرة
محدش يخرج من غيررد أرجوكم محتاج مشورتكم ضروري

ياريت حد من إدارةالمنتدى يفيدنابخبرته والأساتذةالكرام
محدش يبخل علينا
أرجوووكم

يارب اللي يرد ويفيدني تفتح له أبواب السماء ويجاب له الدعاء ويحقق كل مايتمناه

ربنا يوفقك و يرزقنا و اياك صالح الاعمال
 

السلام عليكم اخي الفاضل اولا من حيث العمل في المدارس الخاصة بالسعودية الراتب في حدود 1800-2000 ريال لمدة 10 شهور فقط المهم انك تتأكد قبل السفر من التاشيرة وذلك من خلال موقع وزارة الخارجية السعودية على هذا الرابط
https://visa.mofa.gov.sa/
و تخش على البحث عن تأشيرة صادرة من وزارة الخارجية و تدخل رقم التاشيرة الي مكتوب عليها ورقم السجل كمان لازم تعرف السكن عليك و لا على الكفيل و بصفة عامة اعمل حسابك انك شغال هناك بتاع كله يعني ممكن اداري معلم بدنية عربي احتياطي انسى التخصص ده إلا اذا كانت المدرسة محتاجة فعلا تخصصك الحاجة التانية الجدول بيكون 24 حصة في الاسبوع + 2 احتياط و اعرف كمان هاتدفع التاشيرة و لا لا و الاقامة و التامين مي هايدفعهم التاشيرة و التامين و الاقامة دول حسب القانون ولكن الي بيحصل فعلا ان فيه مدارس بتدفعهم لموظفيها و فيه مدارس بتدفع النص و فيه مدارس بيدفعها المدرس التاشيرة دي 2000 ريال و الاقامة 750 و التامين حسب الشركة بيكون في حدود 850 تقريبا مش عارف مبلغ التامين بالضبط اما المكتب معنديش خبرة اذا كان المكتب ده كويس و لا لا لكن بصفة عامة عقود المدارس الخاصة السعودية كتيرة و يمكن يكون متوفر في المكتب الي بتقول عليه حاول تسال عن اسم المدرسة و مكانها و تشوف يمكن حد سمع عنها او يعرفها اما بالنسبة للاجازات الاجازات مفتوحة للجميع بس بالنسبة ليك انته بالتحديد اسال في الادارة التعليمية بتاعتك (الاجازات) لانك تعيين جديد وربنا يوفقك

أشكرك جزيل الشكر على ردك واهتمامك
طبعاعندي استعداد أدي دروس
وكيل المدرسةمصري
اسم المدرسةالعلوم والمعرفة
المكتب هياخد 4000جنيه

‏‎
‎أشكرك أخي الفاضل جزيل الشكر ‏
بالنسبةللسكن فهو مرتب 3‎شهور أوتوفيرسكن أعزب على حسب رؤيةصاحب العمل

30مشاهدة و2 مشاركةفقط
أرجوكم انصحوووني
فالدين النصيحة ونحن في رمضان

نصيحه لوجه الله اذا كان مسموح لك باجازه يبقى جرب السفر اما اذا كان مش من حقك اجازه يبقى اوعه تضيع عملك لانه عمر السفر مش عيعوضك عن الوظيفه حتى لو كويس مش دائم الوظيفه هى الدائمه اما بالنسبه للراتب هى المدارس الخاصه راتبها كده يعنى يدوب حتقدر تعيش بيهم هناك يعنى اولا واخرا حافظ على وظفتك اولا وبعد كده يبقى جرب السفر وربنا يوفقك للى فيه الخير

نصيحتى لك ان كنت غير متزوج وتعول أسرة فجرب فاتجربة تفيد
ولا تضر
لأما اذا كنت صاحب اسرة فلا تغامر لأنك لن توفر ما يوازى غربتك ونصيحتى لك ركز هنا احسن

أنا كنت فى الدمام بجوار الخبر والسكن هناك نظام الهبل فى الجبل غالى جدا يعنى فى حالة وجود الأسرة مش هتقدر أما لوحدك الأمور ممكنة وربنا يوفقك

السلم عليكم ورحمه الله وبركاته
الاخ محمد
انا كنت في الخبر
الخبر تقع علي الخليج العربي وهي بلد جميلة
بالنسبة للسكن فهو غالي لانها تعتبر بلد سياحية
بالنسبة للاكل مثله مثل جميع انحاء المملكة
نصيحتي لك سافر ومش هتخسر علي الاقل هتجرب وربنا يكرمك بحج وعمرة
لو انت مدرسة ثانوي هدي نفسك عشان العيال هناك مش في دماغهم تعليم
وربنا يوفقك

توكل على الله اضعف الايمان استحمل لغاية ما تحج بيت الله وتعمل عمرة ولا اثنين
و دا اكبر مكسب
على فكرة اى درس يجيلك وافق لاى مادة و لاى صف كده كده الطالب لا يفهم
و ربنا معاك

خليك في مصر افضل ليك ، انا سافرت سنتين اتمرمطت على الفاضي

أشكرجميع الأساتذةالأفاضل على الأهتمام
وربناييسرالخيرلي ولكم ولاتنسوني بالدعاء