|
طلب مساعدة فى اختيار الكتب الخارجية للصف الثاني الثانوي
السلام عليكم و رحمة الله و بركاته
أنا عضو جديد فى المنتدى و دا لسه أول موضوع ليا و طالب فيه المساعدة .. و أتمنى فعلاً انكم تساعدوني .. أنا خلصت أولى ثانوي الحمد لله .. و داخل تانية ثانوي بإذن الله .. و بصراحة استفدت كتيييييييير من المواضيع المثبتة هنا فى ازاى اقسم وقتي و ازاى استعد للثانوية و المشاكل ..إلخ .. انا كنت طالب منكم ترشحولي أفضل الكتب الخارجية اللى ممكن أعتمد عليها ((((بجانب كتاب الوزارة و مذكرات المدرسين)))) و المواد اللى انا هاخدها بإذن الله هى :: لغة عربية -- رياضيات -- لغة إنجليزية -- لغة إيطالية -- كيمياء -- ياريت اللى يقول كتاب معين يقول ايه مميزاته .. عشان ابقى عارف و ياريت كمان اللى يقول أكتر من كتاب فى المادة الواحدة يقول ايه الفرق بين الكتابين و مميزات كل واحد .. و شكراً |
وعليكم السلام اخي بالنسبالي لغة عربية --الاضواء اوالوسام الأضواء ...غزير بمفرداته ومنسق وورق يفتح النفس الوسام...يعتبر ادق في الماده العلميه شخصياً بفضل في تانيه الاضواء بجانب قرايه تعليق النصوص من كتاب الوزاره رياضيات -- رياضه 1 مش مستاهله اكتر من كتاب متشتتش نفسك وهات المعاصر لغة إنجليزية -- شخصياً جبت المعاصر وكنت مرتاح معاه جداااااااا وبمذاكرتنا منه انا وكتير من زمايلي جبنا 25 ف الانجلش كتاب يفتح النفس بجد ولكن يفضل في شهر 2 او3تجيب سربرايز او توب في المراجعه لغة إيطالية -- كنت فرنساوي :d كيمياء -- الشرح انت حر مذكره المستر او كتاب المدرسه لان الكيمياء متفرقش كتير في طريقه العرض الاسئله الوسام روعه هو و الامتحان بجد وابعد عن المعلم شرح هاته اسئله لو عايز |
لغة عربية -- الأمتحان أسئلة و الرسالة في المراجعة النهائية
رياضيات -- مكنتش باستخدم كتب خارجية لغة إنجليزية -- ذا بست او سينيور او سيربريز لغة إيطالية -- معرفش كيمياء -- الأمتحان اسئلة |
اقتباس:
وربنا معاك |
أنا بجد مش عارف اشكركم ازاى على مساعدتكم ليا .. و استفدت منكو كتير و الله
اقتباس:
و متشكر على مساعدتك ليا بس انا سمعت ان فى ناس كتير بتشكر فى مادة الرياضيات فى كتاب اسمه "لامي" و كتاب تاني اسمه "100%" .. فكنت عايز أعرف ايه اللى يفرقهم عن المعاصر ؟! |
اقتباس:
هششششششششششششششششششششششش المعاصر هو الاصل خدها من واحد خبره وكتب المراجعه كتييييييييييييييييييره اوى العربى >>> ممكن تجيب النماذج وتراجع من الكتب اللى قولتلك عليها وكفايه كده اوى على العربى لانها اصلا ماده حفظ الانجليزى>>> هات senior مراجعه وامتحانات الرياضه >>> دى بقى عادى بس لو خلصت الكتب اللى قولتلك عليها ((وانت مش هتخلصها)) ابقى هات المعاصر مراجعه الكيميا >>> دى بقى اللى موال ابو زيد الهلالى احسنلك تجيب مندليف والمعلم للمراجعه وللحل هات الامتحان بس هتلاقى نص الاسئله متعاده من الامتحان اللى هتجيبه اول السنه وربنا معاك ومعانا:006et4: |
ياجماعة أنا رايح تانية ثانوي و عاوز حد يساعدني اجيب ايه كتب خارجية في المواد دي (قسم علمي )
اللغة عربية رياضيات فرنساوي كيمياء فيزياء أحياء اللغة الانجليزية والمواد الجديد هنتعامل معاها ازاي |
لغه عربيه الاضواء وبالنسبه للاسئله الامتحان حلو اوى انجلش The best وخصوصا المراجعه رأيى انه جميل رياضه المعاصر بلا منازع كيميا الشرح هيكون من المدرس او كتاب المدرسه والاسئله كتاب الامتحان طبعا اما الايطالى انا مقدرش افيدك انا كنت فرينش
|
اقتباس:
كتاب لامي كتاااب راائع لكن بلاااش 100% لانه ملياااان اخطاء ... وبالتوفيق ... |
| جميع الأوقات بتوقيت GMT +2. الساعة الآن 07:11 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.