أفضل طريقة للمذاكرة
 

السلام عليكم كنت أريد أن أسأل ما هى أفضل طريقة للمذاكرة و خاصة نحن فى فترة المراجعة و يا ريت أى حد يحتلى جدول مذاكرة أنا علمى

بص يا اخى ما فيش حاجة والله اسمها افضل طريقة للمذاكرة
كل واحد وله امكانياته الخاصة به وتميزه عن غيره
انا عن نفسى بعد ما دخلت الامتحانات حاسيت ان انا كنت بذاكر زيادة عن اللزوم بالرغم انى ماكنتش بعدى الست ساعات وكان فيه ايام كتير بتعدى بدون مذاكرة
ولكن دة راجع اولا لتوفيق ربنا وارادته وثانيا ان ذاكرتى والحمد لله كويسة
وفيه ناس ذاكرت كتير جدا وحست انها يدوب لحقت
دة لان المذاكرة الصح فعلا انك تكون حليت اكبر قدر من الاسئلة وعارف كل صغيرة وكبيرة فى كتب الوزارة
ودى عاوزة مجهود جامد تختلف من واحد لتانى
وفى الاخر انا الحمد لله جبت 98 والمجموع دة هو الى انا كنت عاوزة وطبعا تالتة عاوزة مجهود اكبر بكثير جدا من تانية
والله الموفق

من وجهة نظرى ان انت تعمل لنفسك جدول بالحاجات اللى المفروض تتذاكر خلال كل 3ايام مثلا و تغيره كمرونة و عشان الملل و طبعا ان شاء الله تحاول تمشى عليه و طبعا كتب الوزارة اهم حاجة
ولو كنت بتاخد دروس تظبط مواعيد دروسك مع مذاكرتك لو مش كنت بتاخد_زى حالاتى و لله الحمد_يبقى تذاكر اليوم كله و وقت بسيط اللى يضيع و ده اللى انا فعلا بدات اعمله و ع فكرة انا جبت السنة اللى فاتت 98% بس انت شد حيلك ومش تخاف من حاجة

أولا شكرا يا جماعة على الرد أصل أنا كل ما أذاكر و آجى أحل أحس ان أنا مش فاهم أى حاجة فى أى حاجة و كمان أنا ما شاء الله كنت شاطر فى الاعدادية بس أنا السنة دى خايف منها جدا و كمان حاسس ان أنا بنسى بسرعة غريبة و كنت عايز أعرف المذاكرة الصبح أحسن أم بالليل و ان كان فى مشروبات أو مأكولات بتنشط الذاكرة و تقويها و لكم جزيل الشكر

المشمش بيقوى الذاكرة و اللحوم و البقول و الاسماك و الالبان بيقوو العقل


و حاول مش تسمع كلام من اصحابك كتير عن المذاكرة سواء انهم بيذاكرو او لا و النسيان ان شاء الله هيتعالج بالمراجعة الكتير




و مش تخاف احنا كلنا كنا كده ف المرحلة الاولى بس حل اسئلة كتييييير

بس مفيش مشمش فى الشتا و الله يطمنك و شكرا يا جميل على الرد بسرعة و كمان انت مجاوبتش عن باقى الأسئلة

اه وقت المذاكرة ده حاجة حسب راحتك بس يفضل وقت الفجر قبله و بعده بساعة و كمان من الساعة 6 م لحد 1 او 2 ص ده وقت جميل جدا ع الاقل بالنسبة لى ياريت تقعد ع الكتاب مش تقوم و تكون الراحة صلاة او قران و لو صفحة و صدقنى مش هيطمنك غير القران و القرب من ربنا

طيب هو أنت/ى بتقلى مسمعش كلام أصحابى من حيث ايه بالضبط؟ وكمان كنت عايز أعرف الواحد لازم يذاكر كام ساعة فى اليوم تقريبا يعنى

كلام من ابو اخر عن تجربة


اى صاحب ليك هتسالو انت بتذاكر هيقولك لا
وهو مش بيذاكر وبس مموت نفسه من المذاكرة

نصيحة منى يا بوب

ذاكر ومتقلش لحد انك بتذاكر

وعلى قد مذاكرتك ربنا هيوفقك

وبالتوفيق ليك يا بوب

انا كان قصدى بالنسبة لموضوع الاصحاب زى ماقال دكتور مصطفى و كمان ممكن ناس تيجى تقولك ده احنا ذاكرنا و عملنا و................ لدرجة انهم يعقدوك من الحياة و خلاص بقى مش هخلص و مش ........ومش........... الكلام ده

و ع فكرة مهما كانت درجة الصحوبية ابعدو عن الكلام فى المذاكرة و لو اتكلمتم يبقى بصورة عامة مش مذاكرتك و تفاصيلها و طبعا ممكن تساعدو بعض

طيب المذاكرة مفروض تبقى كام ساعة تقريبا يعنى ؟

ento r7to fen y gma3a

ساعات المذاكرة حسب ذكاءك و قدرتك ع المذاكرة بس انا اللى بعمله انى قبل ما انام بكتب جدول بكرة او طريقتى الجديدة بقى انى عملت جدول من يومين تقريبا لحد بداية الدراسة عشان الم الحاجات و طبيعى ان فى حاجات مش هتلحق تخلصها بس انت حط جدول جامد و حاول بقدر الامكان انك تطبقه

و ما تنساناش فى الدعاء

rbna ywf2k w ywf2ny m3ak w ywf2 el nas klha