الوزير سيوافق على طلبات المعلمين بالحسبة دى
 

ان المعلم كان يمتاز عن موظفى الحكومة ب 85% هى قيمة مكافاة الامتحانات ثم جاء الكادر
50% بدل معلم + 50% بدل اعتماد فاصبح المعلم يمتاز ب 185% عن موظفى الحكومة ثم جاء الوزير الحالى فانخفض ما يمتاز به المعلم الى 60% فقط وهذا بعد اضافة حافز الاداء الجديد واحسبها كويس يا سيادة الوزير "50%بدل معلم +50% بدل اعتماد + 25% الحوافز العادية + 85% مكافاة امتحانات + الحافز الجديد "50% للمعلم = 260%" و اقل موظف حكومى 200% و بذلك انخفض امتياز المعلم عن اقل موظف حكومى من 185 الى 60 %
وكمان المعلم يصرف على الاساسى القديم مش بقولك احسبها كويس يا سيادة الوزير ---- حسبى الله ونعم الوكيل

انشروها على النت يمكن يحسبوها كويس

يا أخى حسبة ايه تعالى نحسبها بالبلدى فى احنا صرفنا مرتبات أغسطس النهاردة وفوجئنا بالتالى
أولا أنا مدرس تعيين عام 1991 إجمالى ما حصلت عليه هو مبلغ 929 جنيها وده طبعا بالكادر الملعون اللى بيتكلموا عليه
ثانيا مشرف نشاط تعيين عام 1996 أى بعدى بخمس سنوات اجمالى ما حصل عليه اليوم بالحوافز 200% هو 1189 جنيها
ثالثا إدارى بالمدرسة تعيين 1995 مرتبه 1049 جنيها بالحوافز 200%
فياريت حد يفهمنى المعادلة دى هو كلامك بيقول إن إحنا مميزين 60 % تمام يعنى المفروض إن أنا بأزيد عنهم واجمالى ما أحصل عليه هو 60 % طيب هو فين ؟ ولا مدرستى ليها وضع مختلف عن باقى المدارس
أنا عارف إن فيه ناس هيشككوا فى كلامى لكن لو عايزين اصور كشف المرتبات بتاع المدرسة وارفعه لكم انا تحت أمركم لنعرف اين الخطأ وهل نحن نتقاضى 260% أم ماذا ؟ لأن أنا مش فاهم المعادلة دى مع أنى مدرس رياضيات ودى شغلتى اللى المفروض انى فاهمها كويس ...... ولو بصينا لمكافأة الامتحانات طيب مكلنا بنقبضها فأين التميز ؟ ياريت حد يرد عليا ويفهمنى ايه الل بيحصل

ياريت تصور كشف المرتبات وترفعة على النت علشان الناس تصدق الكلام وياريت يتنشر فى الجرائد هذا الكشف

ما هو الراجل قلك انت ال 100% بتاعة الكادر المحسوبة علينا بتتحسب على الاساسى القديم

بينما النسبة اللى هما خدوها بتتحسب على الاساسى الجديد يبقى لازم يزيد عنك

يعنى الادارى ومشرف النشاط اللى مخدوش كادر ولا اتعذبوا فى امتحانات احسن مننا

وسلملى على الكادر

طب ده اسمه كلام يبقى نغير مسار أحسن أو كنا ريحنا أهالينا من زمان وخدناها بدرى بدرى واشتغلنا عمال ولا اداريين وبلاش من وجع القلب ده

تمسكو بمليونية المعلم ولا تتكاسلو لو تكاسلتم لم تحصلوا على اى حاجة يجب على كل معلم الخروج والثورة على الظلمحتى يحصل على حقة الضائع